'డబుల్ ఇస్మార్ట్' మామ మెంటల్ మాస్

ఎనర్జిటిక్ హీరో రామ్ పోతినేని పూరి జగన్నాథ్ కాంబినేషన్ లో తెరకెక్కిన డబుల్ ఇస్మార్ట్ మూవీతో ఆగస్టు 15 ప్రేక్షకుల ముందుకి రాబోతున్నారు. భారీ బడ్జెట్ తో పూరి కనెక్ట్స్ బ్యానర్ పై చార్మి కౌర్, పూరి జగన్నాథ్ సంయుక్తంగా ఈ చిత్రాన్ని నిర్మించారు. పాన్ ఇండియా రేంజ్ లో ప్రేక్షకుల ముందుకి రాబోతున్న ఈ చిత్రంలో బాలీవుడ్ స్టార్ సంజయ్ దత్ ప్రతి నాయకుడిగా కనిపించబోతున్న సంగతి తెలిసిందే.

ఇప్పటికే ఈ సినిమా నుంచి ప్రేక్షకుల ముందుకు వచ్చిన సాంగ్స్ కి మంచి రెస్పాన్స్ వచ్చింది. మణిశర్మ చాలా కాలం తర్వాత అదిరిపోయే మాస్ బీట్స్ తో డబుల్ ఇస్మార్ట్ సాంగ్స్ కి మ్యూజిక్ అందించారు. కచ్చితంగా ఈ చిత్రంలో ఒకప్పటి మణిశర్మని మరల చూస్తామనే మాట వినిపిస్తోంది. కావ్య థాపర్ డబుల్ ఇస్మార్ట్ మూవీలో హీరోయిన్ గా నటిస్తోంది. రామ్, పూరి జగన్నాథ్ కలయికలో వచ్చిన బ్లాక్ బస్టర్ మూవీ ఇస్మార్ట్ శంకర్ సీక్వెల్ గా డబుల్ ఇస్మార్ట్ రాబోతోంది.

ఈ కారణంగానే సినిమాపై భారీ అంచనాలు నెలకొని ఉన్నాయి. కచ్చితంగా ఈ సినిమాతో బ్లాక్ బస్టర్ అందుకుంటామనే కాన్ఫిడెన్స్ తో పూరి టీమ్ ఉంది. ది వారియర్, స్కంద సినిమాలతో రామ్ బ్యాక్ తూ బ్యాక్ రెండు డిజాస్టర్స్ అందుకున్నారు. అయితే డబుల్ ఇస్మార్ట్ మాత్రం అతనికి మరల సక్సెస్ అందిస్తుందని నమ్మకంతో ఉన్నారు. తాజాగా ఈ సినిమాకి సంబంధించి డబ్బింగ్ ని రామ్ పోతినేని పూర్తి చేశారు. ఈ విషయాన్ని ట్విట్టర్ రామ్ పోతినేని షేర్ చేసి చెప్పడం విశేషం

డబ్బింగ్ చెబుతున్న వీడియోని పోస్ట్ చేసి… “మామ మెంటల్ మాస్ మ్యాడ్ నెస్ కి రెడీ నా?” అంటూ ఫ్యాన్స్ ని ఉద్దేశించి ట్వీట్ చేశారు. రామ్ పోతినేని షేర్ చేసిన వీడియో సోషల్ మీడియాలో వైరల్ అవుతోంది. ఈ వీడియోలో రామ్ పోతినేని అదిరిపోయే డైలాగ్ చెప్పాడు. ఈ డైలాగ్ మాస్ ఆడియన్స్ కనెక్ట్ అయ్యేలా ఉందనే మాట వినిపిస్తోంది. పాన్ ఇండియా హీరో అనిపించుకోవాలనే కోరిక రామ్ పోతినేనికి ఈ సినిమాతో తీరుతుందనే మాట వినిపిస్తోంది.

పూరి జగన్నాథ్ కూడా డబుల్ ఇస్మర్ట్ చిత్రంతో సక్సెస్ అందుకుంటే నెక్స్ట్ స్టార్ హీరోతో మూవీ చేసే ఛాన్స్ ఉంటుంది. ఈ చిత్రంలో సంజయ్ దత్, రామ్ పోతినేని మధ్య వచ్చే యాక్షన్ సీక్వెన్స్ ప్రేక్షకులకి కనెక్ట్ అవుతాయని భావిస్తున్నారు. సంజయ్ దత్ తెలుగులో విలన్ గా చేస్తోన్న మొదటి సినిమా కావడంతో ఆయనని పూరి జగన్నాథ్ ఏ విధంగా సిల్వర్ స్క్రీన్ పై ఆవిష్కరించాడో చూడాలనే ఆసక్తి అందరిలో ఉంది.