డుమ్మారే డుమ్మా అంటున్న రామ్..

రామ్ పోతినేని, దర్శకుడు బోయపాటి శ్రీను కాంబినేషన్‌లో వస్తున్న సినిమా స్కంద. ఈ మూవీ విడుదలకు సిద్ధమైంది. కాగా, మూవీ విడుదలకు దగ్గరపడుటుండటంతో, రీసెంట్ గా ప్రీరిలీజ్ ఈవెంట్ కూడా నిర్వహించారు. ఈ ఈవెంట్ బాగా క్లిక్ అయ్యింది. రామ్, శ్రీలీల సందడి చేశారు. శ్రీలీల అయితే, ఏకంగా పాట పాడి ఫ్యాన్స్ ని ఖుషీ చేసింది.

కాగా, తాజాగా ఈ మూవీ నుంచి మరో పాట విడుదల చేశారు. ఈ పాటలో శ్రీలీల కాకుండా, మరో హీరోయిన సయీ మంజ్రేకర్ ఉంది. ఇది కంప్లీట్ ఫ్యామిలీ సాంగ్ అని తెలుస్తోంది. డుమ్మారే డుమ్మా అంటూ సాగింది. పక్కా పల్లెటూరి వాతావరణం, పచ్చని పొలాల మధ్య ఈ పాట చిత్రీకరించారు. పాటలో హీరోయిన్ సయీ మంజ్రేకర్ చాలా అందంగా కనపడుతోంది. లెహంగాల్లో మెరిసింది. గతంలో విడుదలైన పాటల్లాలనే ఈ పాట కూడా బాగా ఆకట్టుకుంటోంది.

ఇక, ఈ మూవీ ట్రైలర్ ని కూడా కొద్ది రోజుల క్రితం విడుదల చేశారు. ఫుల్లీ యాక్షన్ మూవీ అని తెలుస్తోంది. రామ్ కంప్లీట్ గా గడ్డంతో రఫ్ లుక్ లో కనిపిస్తున్నారు. పేరుకు యాక్షన్ సినిమా అయినా, ఫ్యామిలీ ఎమోషన్స్ కూడా ఉన్నాయని అర్థమౌతోంది. అఖండ మూవీ తర్వాత బోయపాటి చేస్తున్న సినిమా ఇది. దీంతో, సహజంగానే ఈ మూవీ అంచనాలు చాలా ఎక్కువగా ఉన్నాయి.

ఈ సినిమా సెప్టెంబర్ 15న విడుదల కానుంది. మొదట ఈ మూవీని అక్టోబర్ లో విడుదల చేయాలని అనుకున్నారు. కానీ, ప్రీ పోన్ కావడం విశేషం. కామన్‌గా స్టార్ హీరోల సినిమాలకు సంబంధించి షూటింగ్స్ లేట్ వంటి కారణాల వల్ల రిలీజ్ డేట్ పోస్ట్‌పోన్ చేస్తారు. కానీ రామ్, బోయపాటి చిత్రం మాత్రం అనుకున్న తేదీ కంటే ముందే వస్తుండటంతో ఫ్యాన్స్ ఖుషీ అవుతున్నారు.

ఇదిలా ఉండగా, రామ్ చివరగా వారియర్ మూవీతో ప్రేక్షకుల ముందుకు వచ్చాడు. ఆ మూవీ డిజాస్టర్ గా మారింది. దీంతో, రామ్ ఆశలన్నీ ఈ మూవీపైనే ఉన్నాయి. మరి ఈ మూవీతో ఎంత వరకు ఆకట్టుకుంటాడో చూడాలి.