స్కంద కోసం అఖండ సెంటిమెంటు

బోయపాటి శ్రీను దర్శకత్వంలో రామ్ పోతినేని హీరోగా తెరకెక్కిన స్కంద మూవీ సెప్టెంబర్ 28న థియేటర్స్ లోకి రాబోతోంది. భారీ బడ్జెట్ తో ఈ చిత్రం పాన్ ఇండియా రేంజ్ లో ప్రేక్షకులను ఆకట్టుకుంటుందా లేదా అనేది హాట్ టాపిక్ గా మారింది. సినిమా రిలీజ్ కి ఇంకా నాలుగు రోజులు మాత్రమే ఉంది. తాజాగా రామ్ పోతినేని, శ్రీలీల ఇంటర్వ్యూతో డైరెక్ట్ ప్రమోషన్ స్టార్ట్ చేశారు.

ఇలాంటి పెద్ద సినిమాలు వచ్చినపుడు చిత్ర యూనిట్ ఫుల్ ప్రమోషన్ చేస్తుంది. వరుస ఇంటర్వ్యూలు, ప్రీరిలీజ్ ఈవెంట్ లాంటివి ప్లాన్ చేసుకొని జనాల్లోకి చిత్రాన్ని తీసుకెళ్లే ప్రయత్నం చేస్తారు. సినిమాకి మంచి ఓపెనింగ్స్ రావడానికి ఈ ప్రీరిలీజ్ ప్రమోషన్స్ చాలా హెల్ప్ అవుతాయి. రామ్ పోతినేని లాంటి మిడిల్ రేంజ్ హీరోకి కచ్చితంగా ప్రమోషన్స్ ఉండాల్సిందే. అది కూడా స్కంద పాన్ ఇండియా లెవల్ లో ఐదు భాషలలో రిలీజ్ చేస్తున్నారు.

ఇప్పటి వరకు వచ్చిన సాంగ్స్ ఆశించిన స్థాయిలో ప్రేక్షకులకి రీచ్ కాలేదు. హీరో రామ్ ప్రమోషన్స్ లోభాగంగా మీడియా ముందుకి వచ్చాడు. తాజాగా సుమతో రామ్ పోతినేని, శ్రీలీల ఇంటర్వ్యూ ఒక్కటి బయటకొచ్చింది. దానినే అన్ని ఛానల్స్ కి ఇచ్చారు. అయితే డైరెక్టర్ బోయపాటి మాత్రం స్కంద ప్రమోషన్స్ కి దూరంగా ఉన్నారు. అతని గత సినిమాల విషయంలో కూడా బోయపాటి అదే ఫార్మాట్ ఫాలో అవుతున్నారు.

డైరెక్ట్ గా సక్సెస్ మీట్ లో మాత్రమే బోయపాటి మీడియా ముందుకి వచ్చి మాట్లాడుతారంట. దీనిని బట్టి సినిమా సక్సెస్ మీద బోయపాటి, రామ్ పోతినేని చాలా కాన్ఫిడెంట్ గా ఉన్నారని అర్ధమవుతోంది. తాను ప్రమోషన్స్ కి దూరంగా ఉంటే సినిమా సక్సెస్ అవుతుందని బోయపాటి సెంటిమెంట్. ఈ ఫార్ములా అఖండ సినిమాకి వర్క్ అవుట్ అయ్యింది. బోయపాటి ఆ సినిమా ప్రమోషన్స్ లో పెద్దగా కనిపించకపోయిన బ్లాక్ బస్టర్ సక్సెస్ అందుకుంది.

ఇప్పుడు స్కంద సినిమాకి కూడా అదే సెంటిమెంట్ రిపీట్ అవుతుందని బోయపాటి చాలా నమ్మకంతో ఉన్నారు. అందుకే సక్సెస్ మీట్ లోనే డైరెక్ట్ గా తాను చెప్పాలనుకున్నది చెప్పనున్నారంట. అయితే హీరో రామ్, హీరోయిన్ శ్రీలీల మాత్రం ఈ నాలుగు రోజులు యాక్టివ్ గా స్కంద మూవీ ప్రమోషన్స్ చేయనున్నట్లు తెలుస్తోంది.