స్కంద సెన్సార్​ ఫినిష్.. రన్ టైమ్ ఎంతంటే

బోయపాటి శ్రీను దర్శకత్వంలో రామ్ పోతినేని హీరోగా నటించిన లేటెస్ట్ మూవీ స్కంద. ఈ భారీ యాక్షన్ ఎంటర్​టైనర్ సినిమా మరో నాలుగు రోజుల్లో రిలీజ్ కానుంది. తాజాగా ఈ సినిమా సెన్సార్​ పనులను పూర్తి చేసుకుంది. ఈ విషయాన్ని మూవీటీమ్​ సోషల్​ మీడియాలో తెలియజేస్తూ సినిమా రిలీజ్​ డేట్​ను మరోసారి గుర్తుచేసింది.

వివరాళ్లోకి వెళితే.. అఖండ లాంటి భారి హిట్ తర్వాత బోయపాటి తెరకెక్కించిన చిత్రం స్కంద. శ్రీలీల, సాయి మంజ్రేకర్ హీరోయిన్లుగా నటించారు. ఇప్పటికే ఈ చిత్రంపై భారీ అంచనాలు నెలకొన్నాయి. ఇప్పటివరకు రిలీజైన సాంగ్స్, టీజర్​, ట్రైలర్.. పర్వాలేదు అనేలా హైప్ క్రియేట్ చేశాయి.

వాస్తవానికి ఈ సినిమా వినాయక చవితికే రావాలి. సెప్టెంబర్ 15న విడుదల అవ్వాల్సిన ఈ చిత్రం పలు కారణాలతో పాటు సలార్​ తప్పుకోవడం సెప్టెంబర్ 28న రిలీజ్​కు రెడీ అయింది. ఈ విషయాన్ని మరోసారి కన్ఫామ్ చేసింది మూవీటీమ్​. అలాగే సెన్సార్ పనులు కూడా పూర్తైనట్లు తెలుపుతూ ఓ కొత్త పోస్టర్​ను రిలీజ్ చేసింది. యూ/ఏ సర్టిఫికేట్​ అందుకున్నట్లు తెలిపింది.

ఇకపోతే ఈ సినిమా రన్​ టైమ్​.. అఖండ తరహాలోనే 167 నిమిషాలు ఉండటం విశేషం. ఈ చిత్రం కూడా అఖండ రేంజ్​లోనే హిట్ అవుతుందని అంతా ఆశిస్తున్నారు. కాగా, చిత్రాన్ని శ్రీనివాస సిల్వర్ స్క్రీన్ బ్యానర్‍పై శ్రీనివాస చిట్టూరి ఈ చిత్రాన్ని నిర్మించారు. పాన్ ఇండియా లెవల్​లో దీన్ని రిలీజ్​ చేయనున్నారు. తెలుగు, హిందీ, తమిళం, కన్నడ, మలయాళ భాషల్లో విడుదల కానుంది.

సినిమా మొత్తం పవర్​ఫుల్ యాక్షన్​ సీన్స్​తో, లవ్ ట్రాక్, కామెడీ సీన్లు, హీరోహీరోయిన్​ డ్యాన్స్ అదిరిపోతాయని మూవీటీమ్ చెబుతోంది. ఇక ఇంటర్వెల్ బ్లాక్ అయితే ఊహించని రేంజ్​లో ఉంటుందట. సెకండాఫ్​ చివరలో క్లైమాక్స్​ 15-20 నిమిషాలు కూడా సూపర్​గా ఉంటుందట. ఇక ఈ చిత్రంలో శ్రీకాంత్, గౌతమి, ఇంద్రజ కీలక పాత్రలు పోషించారు. ఐటమ్ క్వీన్‍గా మారిన ఊర్వశి రౌతేలా డ్యాన్స్​ సినిమాకు స్పెషల్ అట్రాక్షన్​గా నిలవనుంది.