రామ్ ని ఊరిస్తున్న దసరా రికార్డ్!

ప్రస్తుతం టైర్ 2 హీరోలలో తనకంటూ ఒక మార్కెట్ ని క్రియేట్ చేసుకున్న స్టార్ గా రామ్ పోతినేని ఉన్నాడు. అతని నుంచి సెప్టెంబర్ 28న పాన్ ఇండియా రేంజ్ లో ప్రేక్షకుల ముందుకి రాబోతున్న చిత్రం స్కంద. భారీ బడ్జెట్ తో బోయపాటి శ్రీను ఈ చిత్రాన్ని సిల్వర్ స్క్రీన్ పై ఆవిష్కరించారు. బోయపాటి సినిమాలంటే ఎలా ఉంటాయో ప్రత్యేకంగా చెప్పాల్సిన పని లేదు. మాస్ ఆడియన్స్ కి ఫుల్ మీల్స్ లాంటి గూస్ బాంబ్స్ లాంటి ఎలిమెంట్స్ బోయపాటి చిత్రాలలో పుష్కలంగా ఉంటాయి.

ట్రెండ్ ఎంత మారిన తెలుగు ఆడియన్స్ లో ఇలాంటి కంటెంట్ లకి మాత్రం మంచి డిమాండ్ ఫుల్ గా ఉంటుంది. ఎక్కువగా బీ,సి సెంటర్ ఆడియన్స్ ను దృష్టిలో ఉంచుకొని బోయపాటి సినిమాలు చేస్తూ ఉంటాడు. ఇదిలా ఉంటే ఇప్పుడు స్కంద సినిమాతో రామ్ పోతినేని ఓ మినిమమ్ బడ్జెట్ సినిమాలలో ఫస్ట్ డే హైయెస్ట్ కలెక్షన్స్ రికార్డుని బ్రేక్ చేయడానికి అవకాశం వచ్చింది. ఈ ఏడాది దసరా మూవీతో నాని ఏకంగా 14.22 కోట్ల షేర్ సొంతం చేసుకున్నాడు.

టైర్ 2 హీరోల చిత్రాలలో ఇప్పటి వరకు ఇదే హైయెస్ట్ ఓపెనింగ్ అని చెప్పాలి. స్కంద సినిమాపైనే కూడా మంచి బజ్ ఉంది. కచ్చితంగా మాస్ ఆడియన్స్ నుంచి సినిమాకి ఆదరణ వస్తోంది. ట్రైలర్ తర్వాత సినిమాపై కొంత బజ్ తగ్గిన కూడా ఇలాంటి మాస్ కథలకి బీ,సి సెంటర్ ఆడియన్స్ నుంచి అదిరిపోయే రెస్పాన్స్వస్తూ ఉంటుంది. ఇప్పుడు స్కంద విషయంలో కూడా రామ్, బోయపాటి అదే అంచనాతో ఉన్నారు.

ఇదే రేంజ్ లో బజ్ కొనసాగితే 8 నుంచి 10 కోట్ల ఫస్ట్ డే షేర్ ఖాయంగా కనిపిస్తోంది. ఒక వేళ మూవీపై రిలీజ్ ముందు బజ్ పెరిగి, చంద్రముఖి 2కి ఏవరేజ్ టాక్ వస్తే మాత్రం స్కందకి ప్లస్ అయ్యి. దసరా ఫస్ట్ డే కలెక్షన్స్ రికార్డుని బ్రేక్ చేసే అవకాశం దొరుకుతుంది. అలాగే మూవీకి ఏ మాత్రం పాజిటివ్ టాక్ వచ్చిన రామ్ కెరియర్ లో మొట్టమొదటి 100 కోట్లు కలెక్ట్ చేసిన సినిమాగా స్కంద నిలిచిపోతుంది.

ఇప్పటి వరకు స్కంద చిత్రంపైన ఫిలిం నగర్ సర్కిల్ లో పాజిటివ్ సౌండ్ వినిపిస్తోంది. బోయపాటి సెంటిమెంట్ కూడా కలిసొస్తే మూవీ రేంజ్ అమాంతం పెరిగిపోతుంది. థియేటర్స్ లో పడిన తర్వాత ఆడియన్స్ నుంచి పాజిటివ్ టాక్ వస్తే కలెక్షన్స్ పరంగా కూడా రికార్డులు క్రియేట్ చేసే ఛాన్స్ ఉంది.