బాలీవుడ్ స్టార్ కాళ్ళు మొక్కిన రానా.. వైరల్ పిక్

ఐఫా 2024 ప్రీ ఈవెంట్ లో రానా దగ్గుబాటి షారుక్ ఖాన్ పట్ల తన అభిమానం చూపిస్తూ చేసిన వినూత్న చర్య ప్రస్తుతం ఇంటర్నెట్ లో వైరల్ అవుతోంది. రానా, షారుక్ మరియు కరణ్ జోహార్ తోపాటు పలువురు ప్రముఖులు పాల్గొన్న ఈ ఈవెంట్ లో షారుక్ చేసిన ఫన్నీ కామెంట్స్ తర్వాత రానా ఆ మూమెంట్ తో ఒక్కసారిగా బాలీవుడ్ మీడియాలో కూడా హాట్ టాపిక్ గా నిలిచాడు.

“మేం సౌత్ ఇండియన్స్.. మా సంస్కృతి ఇలా ఉంటుంది” అంటూ రానా షారుక్ మరియు కరణ్ జోహార్ కాళ్లకు నమస్కరించి అందరినీ ఆశ్చర్యపరిచాడు. ఈ సంఘటన అక్కడున్న వారిలోనూ, ఆన్‌లైన్ లోనూ చర్చనీయాంశమైంది. ఈ సంఘటన ఆరంభం ఎలా జరిగిందంటే, షారుక్ ఖాన్ తన ఫన్నీ కామెంట్స్ తో అప్పటి వాతావరణాన్ని సరదాగా మార్చాడు.

కరణ్ జోహార్ పక్కనే ఉండగా, తన కాలితో కరణ్ కాలిని టచ్ చేసి "ఇలా పెద్దవాళ్ల కాళ్లు మొక్కుతాం" అంటూ చూపించాడు. దీనికి స్పందనగా రానా స్టేజ్ పైకి వచ్చి మొదట షారుక్‌ను హగ్ చేసుకున్నాడు. ఆ తర్వాత సౌత్ ఇండియన్స్ సంస్కృతిలో ఎలా ఉంటుందో చూపిస్తూ, కాళ్లు మొక్కాడు. ఈ సంఘటనతో షారుక్ నవ్వుతూ రానాను హగ్ చేసుకుని వేదికపై ఆనందం పంచుకున్నారు.

రానా చేసిన ఈ వినూత్న చర్య అక్కడున్న ప్రేక్షకులను ఎంతగానో అలరించింది. దీనిపై సోషల్ మీడియా వేదికల్లో అనేక రియాక్షన్లు వచ్చాయి. ఫొటోలు, వీడియోలు ఆన్‌లైన్ లో షేర్ అవుతూ వైరల్ అవుతున్నాయి. “సౌత్ ఇండియన్స్ కు తమ సంస్కృతి పై గౌరవం ఎంత ఉందో రానా ద్వారా అర్థమవుతుంది” అని కొంతమంది యూజర్లు కామెంట్ చేశారు. రానా తన అభిమానం, గౌరవం ఇలా చూపించడం ఎంతో స్పెషల్ అనిపించింది.

ఐఫా 2024 అవార్డుల ఈవెంట్ త్వరలోనే అబు ధాబిలో జరగనుంది. ఈ వేడుకలో షారుక్ ఖాన్ తోపాటు రానా, కరణ్ జోహార్, సిద్దాంత్ చతుర్వేది, అభిషేక్ బెనర్జీ లాంటి ప్రముఖులు హోస్ట్ చేయనున్నారు. పర్ఫార్మెన్సులు కూడా అదిరిపోయేలా ఉండబోతున్నాయి. ఫ్యాన్స్ మాత్రమే కాదు, సినీ వర్గాల్లో కూడా ఈ కార్యక్రమంపై ఆసక్తి నెలకొంది. రానా చేసిన ఈ వినూత్న చర్యతో షారుక్ పట్ల ఉన్న ప్రత్యేక గౌరవం మరోసారి నిరూపితమైంది. అంతేకాక, ఈ ఈవెంట్ లో షారుక్ తన కొత్త లుక్ తో మెరిసిపోయాడు. ట్రిమ్ చేసిన హెయిర్ స్టైల్ లో షారుక్ కొత్త హ్యాండ్సమ్ లుక్ తో అందరి దృష్టిని ఆకర్షించాడు.