రానా వైఫ్ మిహీక దీపావ‌ళి సెల‌బ్రేష‌న్ ఎక్క‌డ‌?

రానా దగ్గుబాటి- మిహీకా బజాజ్ ఈ ఏడాది ఆగ‌స్టు 8న వివాహంలో నాలుగో వార్షికోత్స‌వాన్ని జరుపుకున్నారు. రానాతో ఒక స్వీట్ మూవ్ మెంట్ కి సంబంధించిన ఫోటోని మిహీక ఇన్ స్టాలో షేర్ చేసారు అప్ప‌ట్లో. ఈ జంట మ‌ధ్య అన్యోన్య‌త‌, ప్రేమాభిమానాల‌ను ఈ ఫోటోగ్రాఫ్ ఎలివేట్ చేసింది. మిహీకా - రానా ముఖాల్లో చిరునవ్వులు చిందిస్తూ ఒకరినొకరు చూసుకుంటూ, చేయి చేయి క‌లిపి నడుస్తున్న ఫోటోని షేర్ చేసారు. జీవిత మార్గంలో దాటవేయడం ఎన్నడూ సరదాగా ఉండదు! గందరగోళం పిచ్చి లోను మీరు నా ప్రశాంతత ఆనందం! అంటూ భ‌ర్త రానాపై త‌న ప్రేమానురాగాల‌ను వ్య‌క్తప‌రిచింది మిహీక‌.

కొంత గ్యాప్ త‌ర్వాత మిహీకా ద‌గ్గుబాటి త‌న ఇన్ స్టా పేజీలో దీపావ‌ళి వేడుక‌ల కోసం అటెండ‌వుతున్న‌ప్ప‌టి ఓ ఫోటోని షేర్ చేసింది. ఈ ఫోటోగ్రాఫ్ లో మిహీక‌ అంద‌మైన పూల్ జ‌రీ డిజైన‌ర్ దుస్తుల్లో క‌నిపించింది. అర్పితా మెహ‌తా డిజైన‌ర్ స్టూడియోస్ లో దీపావ‌ళి వేడుక‌లు జరుపుకుంటున్న‌ట్టు మిహీక వెల్ల‌డించింది. అయితే మిహీక సోలో ఫోటో మాత్ర‌మే షేర్ చేయ‌డంతో రానా ద‌గ్గుబాటి ఫ్రేమ్ లో మిస్స‌య్యాడేమిటీ? అంటూ అభిమానులు ప్ర‌శ్నిస్తున్నారు. మిహీక ఈ స్పెష‌ల్ డిజైన‌ర్ దుస్తుల్లో ఎంతో అందంగా ఉందంటూ అభిమానులు కితాబిస్తున్నారు.

2020 మేలో రానా ఇన్‌స్టాగ్రామ్ లో మిహీకతో సంబంధాన్ని అధికారికంగా ప్ర‌క‌టించాడు. మిహీక‌తో క‌లిసి ఉన్న ఫోటోని రానా షేర్ చేస్తూ ''ఆమె అవును అని చెప్పింది!'' అని రానా రాశారు. ఒక వారం తరువాత వారు తమ కుటుంబ సభ్యుల సమక్షంలో ఇంట్లో రోకా వేడుక చేసుకున్నారు. 'ఇది అధికారికం !!' అని రానా ప్ర‌క‌టించాడు. కోవిడ్-19 మహమ్మారి నేపథ్యంలో అదే సంవత్సరం ఆగస్టులో వారు వివాహం చేసుకున్నారు. హైదరాబాద్‌లో అత్యంత సన్నిహితులు, కుటుంబ సభ్యుల స‌మ‌క్షంలో సింపుల్ గా వివాహ వేడుక జరిగింది.

మిహీకతో రానా సాన్నిహిత్యం ఎలా కుదిరింది? అనే ప్ర‌శ్న‌కు స‌మాధానం ల‌భించింది. తన స్నేహితురాలు లక్ష్మి మంచుతో స్పెష‌ల్ చాటింగ్ సెష‌న్ లో మాట్లాడిన రానా, ఆమె వెంకటేష్ దగ్గుబాటి కుమార్తె ఆశ్రిత స్నేహితురాలని వెల్లడించాడు. మిహీక‌ చిరునవ్వు, మాట్లాడే విధానం లేదా ఏదైనా సరే ప్రతిదీ నాకు సరిగ్గా సరిపోతుంది. నా జీవితంలోని వ్యక్తులందరిలో మిహీకా బజాజ్ ఒకటి కావాలంటే, ఏదో ఒక ప్రత్యేకత ఉండాలి కదా? ఈ నిర్ణ‌యం సరైనదనిపించింది. ఆమె నా కోసం అని తెలుసుకోవడానికి నాకు ఆరు నిమిషాలు పట్టింది.. అని తెలిపాడు.

రానా ద‌గ్గుబాటి త్వరలో వెంకటేష్‌తో కలిసి నెట్‌ఫ్లిక్స్ వెబ్-సిరీస్ రానా నాయుడు సీజన్ 2లో కనిపించనున్నాడు. తమిళంలో రజనీకాంత్‌తో 'వేట్టైయాన్‌'లో న‌టించిన సంగ‌తి తెలిసిందే. ఈ సినిమా ఇటీవ‌లే విడుద‌లై మిశ్ర‌మ స్పంద‌న‌లు అందుకుంది.