సూపర్‌ స్టార్‌ సినిమాలో భల్లాలదేవ

బాహుబలి సినిమాలో భల్లాలదేవ సినిమాలో నటించిన దగ్గుబాటి రానా పాన్ ఇండియా స్టార్ గా గుర్తింపు దక్కించుకున్నాడు. ఇప్పటికే తెలుగు తో పాటు తమిళం, హిందీ సినిమా ఇండస్ట్రీల్లో సుపరిచితుడిగా గుర్తింపు దక్కించుకున్నాడు. రానా కొన్ని కారణాల వల్ల సినిమాల ఎంపిక విషయంలో మెల్లగా సాగుతున్నాడు. తాజాగా సూపర్ స్టార్‌ సినిమాను ఓకే చేశాడనే వార్తలు వస్తున్నాయి.

కోలీవుడ్‌ వర్గాల నుండి అందుతున్న సమాచారం ప్రకారం రజినీకాంత్‌ హీరోగా జై భీమ్‌ దర్శకుడు టిజె జ్ఞానవేల్‌ దర్శకత్వంలో రూపొందుతున్న సినిమాలో కీలక పాత్రలో రానా దగ్గుబాటిని నటింపజేయాలని నిర్ణయించినట్లు తెలుస్తోంది. ఇంతకు ముందు ఆ పాత్రకు గాను నాని లేదా శర్వానంద్ అయితే బాగుంటుందని భావించారు. కానీ డేట్ల ఇష్యూ వల్ల వారు నో చెప్పారనే వార్తలు వస్తున్నాయి.

రజినీకాంత్‌ వంటి సూపర్ స్టార్‌ సినిమాలో నటించే అవకాశం వస్తే ఏ స్టార్ వదులుకోడు. కనుక నాని, శర్వానంద్ లకు సంబంధించిన వార్తలు కేవలం పుకార్లే అయ్యి ఉంటాయని, తాజాగా రానా దగ్గుబాటి తో జరుగుతున్న చర్చలు నిజం అంటూ కొందరు అభిప్రాయం వ్యక్తం చేస్తున్నారు.

మొత్తానికి రజినీకాంత్‌ మూవీ లో ఆ ఇద్దరిలో ఒకరు కాకుండా కొత్తగా రానా దగ్గుబాటి పేరు ప్రముఖంగా వినిపిస్తోంది. ఆయనే నటించే అవకాశాలు పుష్కలంగా ఉన్నాయి. జై భీమ్ వంటి విభిన్న చిత్రంను ప్రేక్షకుల ముందుకు తీసుకు వచ్చిన దర్శకుడి దర్శకత్వం లో సినిమాకు రానా చాలా ఆసక్తిగా ఉన్నట్లుగా సమాచారం అందుతోంది.

రజినీకాంత్‌ చాలా సంవత్సరాల తర్వాత జైలర్ సినిమా తో భారీ విజయాన్ని సొంతం చేసుకున్నాడు. ఆ సినిమా తర్వాత రాబోతున్న సినిమా అవ్వడంతో పాటు రానా కీలక పాత్రలో నటిస్తున్న సినిమా అవ్వడం వల్ల అంచనాలు భారీగా ఉండే అవకాశం ఉంది. ఈ సినిమా కూడా పాన్ ఇండియా సినిమా గా నిలిచే అవకాశాలు ఉన్నాయి.