అభిమాని గుండెపై అటోగ్రాఫ్!

టాలీవుడ్ హ‌ల్క్ రానా ద‌గ్గుబాటి ఎంత స‌ర‌దాగా ఉంటాడో చెప్పాల్సిన ప‌నిలేదు. స‌హ‌న‌టుల‌తో ఎతో స‌ర‌దాగా మెలుగుతుంటాడు. ఆఫ్ ది స్క్రీన్ అన్ ది స్క్రీన్ అంటూ ఎలాంటి తేడా ఉండ‌దు. అంద‌రితో క‌లిసిపోవ‌డం అత‌డి నైజం. యంగ్ హీరోల్ని ఎంక‌రేజ్ చేయ‌డంలో అంతే ఆస‌క్తి చూపిస్తుంటాడు. రామానాయుడు మ‌న‌వ‌డు అయినా? ఎంతో సింపుల్ గా ఉంటాడు. తాజాగా మ‌రో సంద‌ర్బ‌లంతో త‌న సింప్లిసిటీ మ‌రోసారి బ‌య‌ట ప‌డింది.

ప్రస్తుతం రానా అమెరికా వెకేషన్‌లో ఉన్నాడు. అక్కడ అందమైన ప్రదేశాల్లో విహరిస్తూ ఎంజాయ్ చేస్తున్నాడు. తాజాగా చికాగోకి కారులో ప్ర‌యాణిస్తున్న రానాని ఓ అభిమాని చూసాడు. డ్రైవింగ్ చేస్తూనే పరస్పరం పలకరించుకున్నారు. రానా కూడా హాయ్ అంటూ ఎంతో ప్రేమగా అభిమానిని పలకరించాడు. కారు అద్ద కింద‌కు దించే చేతులూపి మ‌రీ హాయ్ చెప్పాడు. అంతేకాదు ఒక అడుగు ముందుకేసి తానే చొర‌వ తీసుకుని అభిమాని కారుకి అడ్డంగా రానా కారుని పెట్టాడు.

దీంతో ఆ అభిమాని కారు ఆపి వెంట‌నే కుటుంబంతో పాటు కింద‌కు దిగాడు. రానా వెంట‌నే ఆ అభిమానిని ఎంతో ఆప్యాయంగా హ‌త్తుకున్నాడు. ఎంతో ఎమోషనల్ అయిపోయారు. రానా కూడా తన ఫ్యాన్‌తో పాటు ఆయన ఫ్యామిలీని కూడా పలకరించరు. అందరూ కలిసి సరదాగా ఫొటోలు దిగారు. అయితే ఆ ఫ్యాన్ తన గుండెలపై ఆటోగ్రాఫ్ చెయ్యాలంటూ రానాను కోరారు. దీనికి ముందు రానా వద్దన్నాడు.

అయినా విన‌కుండా తన షర్ట్‌పై ఆటోగ్రాఫ్ చేయించుకున్నారు ఆ ఫ్యాన్. అలానే తన కారుపై కూడా సైన్ చేయాలంటూ కోరారు. ఆయన అభిమానాన్ని చూసి రానా కూడా ఫిదా అయిపోయాడు. కోరినట్లుగానే కారుపై ఆటోగ్రాఫ్ చేశాడు. దీనికి సంబంధించిన ఓ వీడియో నెట్టింట వైర‌ల్ అవుతోంది. 'అందుకే అన్నా.. నువ్వంటే మాకిష్టం' అంటూ ప్రశంసల కురిపిస్తున్నారు.