రానా స్పీడ్ పెంచాల్సిందే..!

దగ్గుబాటి హీరో రానా లాస్ట్ ఇయర్ భీమ్లా నాయక్, విరాటపర్వం సినిమాలు చేశాడు. భీమ్లా నాయక్ హిట్ కాగా విరాటపర్వం సక్సెస్ అవలేదు. ఆ తర్వాత బాబాయ్ వెంకటేష్ తో కలిసి రానా నాయుడు వెబ్ సీరీస్ చేశాడు రానా. ఆ సీరీస్ తో బాలీవుడ్ ఆడియన్స్ లో తన ఇమేజ్ పెంచుకున్నాడు. ఇక సినిమాల విషయంలో లేట్ చేస్తున్న రానా రీసెంట్ గా హిరణ్యకశ్యప సినిమా అనౌన్స్ చేశాడు. త్రివిక్రం డైరెక్షన్ లో ఈ సినిమా ఉంటుందని తెలుస్తుంది. గుణశేఖర్ తో చేయాల్సిన ఈ ప్రాజెక్ట్ అనూహ్యంగా చేతులు మారింది.

హిరణ్యకశ్యప సినిమాపై రానా చాలా నమ్మకం పెట్టుకున్నాడు. త్రివిక్రమ్ అయితే ఈ సినిమాకు న్యాయం చేయగలడు అనుకుని అతని చేతుల్లో ఈ ప్రాజెక్ట్ పెట్టాడు. ఈ విషయంపై గుణశేఖర్ హర్ట్ అయిన సంగతి కూడా తెలిసిందే. అయితే యువ హీరోలంతా సినిమా వెంట సినిమా చేసి దూసుకెళ్తుంటే రానా మాత్రం చాలా వెనుకబడి ఉన్నాడు. దగ్గుబాటి ఫ్యాన్స్ రానా చేస్తున్న ఈ లేట్ వల్ల అసంతృప్తిగా ఉన్నారు. కథలు నచ్చక చేయట్లేదా లేక మరో కారణమా అన్నది తెలియదు కానీ రానా వేగం పెంచాల్సిందే అని ఫ్యాన్స్ కోరుతున్నారు.

హీరోగానే కాదు సినిమాకు అవసరం.. తనకు పర్ఫెక్ట్ అనిపించిన ఏ పాత్ర అయినా చేస్తూ వస్తున్న రానా హిరణ్యకశ్యప తో ఆడియన్స్ ని సర్ ప్రైజ్ చేయనున్నాడు. ఈ సినిమా పాన్ ఇండియా లెవెల్ లో భారీ బడ్జెట్ తో రాబోతుంది. సినిమా ప్రీ ప్రొడక్షన్ పనులు ఆల్రెడీ మొదలయ్యాయి. ఈ సినిమా కోసం రానా రెండేళ్లు డేట్స్ ఇచ్చినట్టు తెలుస్తుంది.

బాహుబలి లో భళ్లాలదేవ, భీమ్లా నాయక్ లో డ్యానియల్ శేఖర్ గా మెప్పించిన రానా టాలీవుడ్ లోనే కాదు బాలీవుడ్ లో కూడా సూపర్ ఫాలోయింగ్ ఏర్పరచుకున్నాడు. సినిమాల్లో నటించడమే కాదు తన అభిరుచికి తగిన సినిమా వస్తే రిలీజ్ చేయడమో.. నిర్మించడమో కూడా చేస్తున్నాడు రానా. సినిమాల వేగం పెంచి అతను ఇంకా ఎన్నో ప్రయోగాలు చేసి మెప్పించాలని ఫ్యాన్స్ కోరుతున్నారు. టాలీవుడ్ లో ఎలాంటి ప్రయోగమైనా చేసే హీరోల్లో రానా ఒకరు. హీరోగానే కాదు విలన్ గా కూడా ప్రేక్షకుల్లో సూపర్ ఫాలోయింగ్ ఏర్పరచుకున్న రానా ఏ సినిమా చేసినా తన విలక్షణతను చూపుతూ వస్తున్నారు.