ప్రభాస్ కల్కి.. రానా ప్రెజెన్స్​పై అసలు నిజం ఇది​

పాన్ ఇండియా స్టార్ ప్రభాస్ హీరోగా మహానటి ఫేమ్ నాగ్ అశ్విన్ కల్కి 2898 చిత్రం తెరకెక్కిస్తున్న సంగతి తెలిసిందే. లార్జర్ దెన్ లైఫ్​గా సినిమా తీర్చిదిద్దుతున్నారు. అమితాబ్ బచ్చన్​, కమల్​ హాసన్​, దీపికా పదుకొణె, దిశా పటానీ వంటి భారీ కాస్ట్​ చిత్రంలో నటిస్తున్నారు. అయితే ఈ చిత్రాన్ని హాలీవుడ్​లో ప్రమోషన్స్​ చేసినప్పుడు తాను అక్కడ ఎందుకో ఉన్నారో మరోసారి తనదైన శైలిలో అదిరిపోయే సమాధానం ఇచ్చారు రానా. ఈ ఆన్సర్​ అందరి దృష్టిని ఆకర్షిస్తోంది.

వివరాళ్లోకి వెళితే.. కల్కి చిత్రంతో ప్రపంచ సినిమా గర్వపడేలా తీర్చిదిద్దాలని మేకర్స్ ప్రయత్నాలు చేస్తున్నారు. ఈ క్రమంలోనే ప్రపంచ స్థాయికి తీసుకెళ్లేందుకు ప్రముఖ హాలీవుడ్ ఈవెంట్ శాన్​డియాగో కామిక్ కాన్ ఈవెంట్​లోనూ సినిమా ప్రమోషన్స్ చేశారు. అక్కడే ఫస్ట్ లుక్​ను కూడా రిలీజ్ చేశారు. అయితే ఈ ఈవెంట్​లో కల్కి కోసం రానా దగ్గుబాటి రంగంలోకి దిగడం అందర్నీ ఆశ్చర్యానికి గురి చేసింది.

సినీ ప్రియులందరికీ మరింత ఆసక్తిగా అనిపించింది. ఈ చిత్రానికి.. రానాకు కనెక్షన్ ఏంటి అని చాలా మంది ఆరా కూడా తీశారు. చిత్రంలో తాను లేకపోయినా కూడా ప్రభాస్​తో పాటు హాలీవుడ్ వీధుల్లో కనిపించారు. ఇదంతా సినీ ప్రియుల్లో కల్కిపై ఒక తెలియని భారీ ఆసక్తిని కలిగించింది.

అదే సమయంలో ఆ ఈవెంట్​లో రానా తన కొత్త సినిమాను అనౌన్స్​ చేసి అందర్నీ సర్​ప్రైజ్​ చేశారు. అలాగే కల్కి కోసం హోస్ట్​గానూ వ్యవహరించారు. ఏదిఏమైనా కల్కి కోసం ఆయన అందించిన సేవలు గొప్పవనే చెప్పాలి. అయితే తాజాగా మరోసారి ఈ చిత్రానికి తనకు కనెక్షన్​ ఏంటనే ప్రశ్న రానుక ఎదురైంది. దీనికి రానా తనదైన శైలిలో అదిరిపోయే సమాధానం ఇచ్చారు.

తెలుగు సినిమా ఎక్కడ బౌండరీలు దాటినా అక్కడ తన అవసరం ఉంటే కచ్చితంగా ఉంటానని చాటి చెప్పారు. ఈ సమాధానం.. రానాకు మన తెలుగు సినిమా పట్ల ఉన్న గౌరవాన్ని అద్దం పట్టేలా చేసింది. దీంతో అందరూ అతడిపై ప్రశంసలు కురిపిస్తున్నారు.