అర్జున్ రెడ్డి లో అలా... యానిమల్ లో ఇలా...!
అందులో భాగంగా ఇప్పటికే టీజర్ ను విడుదల చేయడంతో పాటు పాటలను విడుదల చేయడం జరిగింది.
By: Tupaki Desk | 28 Oct 2023 9:24 AM GMT
విజయ్ దేవరకొండ హీరోగా సందీప్ వంగ దర్శకత్వంలో వచ్చిన అర్జున్ రెడ్డి సినిమా గురించి మాట్లాడుకోవాల్సి వస్తే అందులో ఉన్న ముద్దు సన్నివేశాలు, రొమాంటిక్ తో పాటు వల్గర్ సన్నివేశాల గురించి మాట్లాడుకోవాల్సి ఉంటుంది. తెలుగు సినిమా ప్రేక్షకులు అప్పటి వరకు చూడని కొత్త తరహా రొమాంటిక్ లవ్ స్టోరీని దర్శకుడు సందీప్ రెడ్డి వంగ చూపించి సర్‌ ప్రైజ్ చేశాడు.
అర్జున్ రెడ్డిని తమిళ్ మరియు హిందీలో డబ్ చేశారు. హిందీలో కబీర్ సింగ్ గా అంతకు మించి అన్నట్లుగా రొమాంటిక్ టచ్ ఇచ్చి రూపొందించడం జరిగింది. అర్జున్ రెడ్డి అనే ఒకే ఒక్క సినిమా తో పాన్ ఇండియా రేంజ్‌ లో గుర్తింపు దక్కించుకున్న దర్శకుడు సందీప్ రెడ్డి వంగ ప్రస్తుతం రణబీర్ కపూర్ తో 'యానిమల్' సినిమాను రూపొందించి ప్రేక్షకుల ముందుకు తీసుకు వచ్చేందుకు సిద్ధం అవుతున్నాడు.
డిసెంబర్ 1న విడుదల కాబోతున్న యానిమల్ సినిమా ప్రమోషన్‌ కార్యక్రమాలు జరుగుతున్నాయి. అందులో భాగంగా ఇప్పటికే టీజర్ ను విడుదల చేయడంతో పాటు పాటలను విడుదల చేయడం జరిగింది. ఇక యూనిట్‌ సభ్యులు మీడియా ముందుకు వచ్చి సినిమా పై అంచనాలు ఆకాశానికి పెంచే విధంగా వ్యాఖ్యలు చేస్తున్నారు.
ముఖ్యంగా హీరో రణబీర్ కపూర్ మాట్లాడుతూ ఇలాంటి ఒక విభిన్నమైన డార్క్‌ అండ్ డీప్‌ డ్రామా స్టోరీని నేను ఎప్పుడూ చేయలేదు.. ముందు ముందు చేస్తాననే నమ్మకం కూడా లేదు అన్నట్లుగా పేర్కొన్నాడు. ఈ సినిమా లో యాక్షన్‌ సన్నివేశాలు కొన్ని హాలీవుడ్‌ సినిమాలో ఉన్న డార్క్‌ యాక్షన్‌ సన్నివేశాలను బీట్ చేసే విధంగా ఉంటాయని కొందరు అంటున్నారు.
ముఖ్యంగా సినిమాలోని విలన్‌ గ్రూప్ సభ్యులను ఏకంగా నరమాంస భక్షకులుగా చూపించబోతున్నట్లుగా తెలుస్తోంది. ఒక స్టార్‌ హీరో సినిమాలో చూపించకూడని.. ఇప్పటి వరకు చూపించని వైల్డ్ యాక్షన్‌ ను ఈ సినిమాలో చూపించబోతున్నట్లుగా ఇప్పటికే యూనిట్‌ సభ్యులు క్లారిటీ ఇచ్చారు.
గతంలో అర్జున్ రెడ్డి లో అంతకు మించి అన్నట్లుగా రొమాన్స్ చూపించడం ద్వారా సక్సెస్‌ ను దక్కించుకున్న సందీప్ వంగ ఇప్పుడు యానిమల్ లో కూడా అంతకు మించి అన్నట్లుగా యాక్షన్‌ ను, వయలెన్స్ ను చూపించడం ద్వారా హిట్ కొట్టే అవకాశాలు పుష్కలంగా ఉన్నాయి అనిపిస్తుంది. ఏం జరుగుతుందో చూడాలి.
