యాక్ష‌న్ ప్రాంచైజీ పై హీరో ఇంట్రెస్టింగ్ అప్ డేట్!

'డాన్ -3'ని ప‌ర్హాన్ అక్త‌ర్ ప్ర‌క‌టించిన సంగ‌తి తెలిసిందే. ఈసారి డాన్ అవ‌తారం ర‌ణ‌వీర్ సింగ్ ఎత్తాడు. కియారా అద్వాణీ క‌థానాయిక‌గా ఎంపికైంది. రెండు..మూడు నెల‌లుగా డాన్ -3 ప్ర‌చారమే నెట్టింట జోరుగా సాగుతుంది. అయితే ఈ సినిమా ఆగిపోయింద‌ని బాలీవుడ్ మీడియాలో పెద్ద ఎత్తున క‌థ‌నాలు వైర‌ల్ అయ్యాయి. షూటింగ్ మ‌ధ్య‌లో ఆపేసారాని...ప్రాజెక్ట్ ని పూర్తిగా ర‌ద్దు చేస్తున్న‌ట్లు ప్ర‌చారం సాగింది.

అయితే తాజాగా ఈ క‌థ‌నాల‌పై చిత్ర యూనిట్ క్లారిటీ ఇచ్చింది. 'కొంచెం ఆల‌స్య‌మైనా డాన్ క‌చ్చితంగ తిరిగి వ‌స్తాడు. అందులో ఎలాంటి డౌట్ లేదు. సోష‌ల్ మీడియాలో జ‌రుగుతోన్న ప్ర‌చారంలో ఎలాంటి నిజం లేదు. సినిమా ఆగిపోయిందంటున్నారు? ఎలాంటి అధారాల‌తో అలాంటి క‌థ‌నాలు వేస్తున్నారు? అని అస‌హ‌నం వ్య‌క్తం చేసింది యూనిట్.'ప్ర‌స్తుతం మా యూనిట్ అంతా డాన్ -3 ప‌నుల్లోనే నిమ‌గ్న‌మ‌య్యాం.

ముందుగా అనుకున్న‌ట్లే ఈ సినిమా వ‌చ్చే ఏడాది జూన్ లో రెగ్యుల‌ర్ షూటింగ్ మొద‌ల‌వుతుంది. అంత‌వ‌ర‌కూ త‌ప్పుడు క‌థ‌నాలు ప్ర‌చారం చేయోద్ద‌ని యూనిట్ విజ్ఞ‌ప్తి చేసింది. దీంతో'డాన్ -3'పై క్లారిటీ వ‌చ్చేసింది. బాలీవుడ్ లో'డాన్'జ‌ర్నీ గురించి చెప్పాల్సిన ప‌నిలేదు. బాద్ షా షారుక్ ఖాన్-ప‌ర్హాన్ అక్త‌ర్ ద్వ‌యం డాన్ ప్రాంచైజీని ఓ రేంజ్ లో మార్కెట్ లోకి వ‌దిలారు.

2006 లో రిలీజ్ అయిన'డాన్ -ది చేజ్ బిగెన్స్ ఎగైన్'బాక్సాఫీస్ ని వ‌సూళ్ల‌తో షేక్ చేసింది. 30 కోట్ల బ‌డ్జెట్ లో తెర‌కెక్కిన సినిమా 100 కోట్ల‌కు పైగా వ‌సూళ్ల‌ని సాధించింది. అటుపై రిలీజ్ అయిన'డాన్ -2'ది కింగ్ ఈజ్ బ్యాక్'తో మ‌రోసారి బాక్సాఫీస్ వ‌ద్ద మోత మ్రోగింది. 2011లో ఈ చిత్రాన్ని ప్రేక్ష‌కుల ముందుకు తీసుకొచ్చారు. అప్ప‌ట్లో నే సినిమా 200 కోట్ల‌కు పైగా వ‌సూళ్ల‌ని సాధించింది