డాన్ 3 కాస్టింగ్: RAW ఆపరేషన్ పాన్ ఇండియా స్లార్లు

ప‌రాజ‌యాల నుంచి నేర్చుకుని విజ‌యాల వైపు ప్ర‌యాణించే వాడే సిస‌లైన హీరో. ఈ విష‌యంలో కింగ్ ఖాన్ షారూఖ్ ఇటీవ‌ల నిరూపించాడు. ప‌ఠాన్ తో అత‌డి గ్రేట్ కంబ్యాక్, ఆ త‌ర్వాత హ్యాట్రిక్ విజ‌యాల‌తో ఖాన్ స‌త్తా చాటాడు. ఇప్పుడు ఎన‌ర్జిటిక్ హీరో ర‌ణ‌వీర్ సింగ్ నిరూపించాల్సిన స‌మ‌యం వచ్చింది. అత‌డు రెండు భారీ పరాజయాల తర్వాత విరామం తీసుకున్నాడు. త‌దుప‌రి క్రేజీ ప్రాజెక్ట్ `డాన్ 3` చాలా ఎక్కువ సమయం తీసుకుంటోంది. షూటింగ్ త్వరలో ప్రారంభమవుతుంది. అతడు `సింగం ఎగైన్` షూటింగ్ పూర్తి చేసాడు. ఈ సంవత్సరం దీపావళి సందర్భంగా ఈ చిత్రం ప్రేక్షకుల ముందుకు రానుంది.

తాజా స‌మాచారం మేర‌కు డాన్ 3 షూటింగ్ ఈరోజు ప్రారంభమైంది. నటీనటుల గురించి చిత్రబృందం అధికారికంగా ప్రకటించింది. ఇందులో అంద‌రూ పాన్ ఇండియా స్టార్లే న‌టిస్తున్నార‌ని సంకేతం ఇచ్చారు. సంజయ్ దత్, ఆర్ మాధవన్, అక్షయ్ ఖన్నా, అర్జున్ రాంపాల్ తదితరులు డాన్ 3లో కీలక పాత్రల్లో కనిపించనున్నారు. ట్యాలెంటెడ్ ఆధిత్యాధ‌ర్ ఈ చిత్రానికి ద‌ర్శ‌క‌త్వం వ‌హిస్తున్నారు.

ఈ చిత్రం స్టార్ కాస్టింగ్ నిజంగా ఆస‌క్తిని క‌లిగిస్తోంది. ఇందులో చాలా మంది ప్రతిభావంతులైన నటులు ఉన్నారు. వారి పాత్రలు ఏమిట‌న్న‌ది ప్ర‌స్తుతానికి స‌స్పెన్స్. కేజీఎఫ్ 2లో అధీరాగా సంజూ భాయ్.. షైతాన్ లో ఆత్మ‌గా మ్యాడీ న‌ట‌న‌ను ప్ర‌జ‌లు ఇంకా మ‌ర్చిపోలేదు. ఇక అక్ష‌య్ ఖ‌న్నా, అర్జున్ రాంపాల్ విల‌క్ష‌ణ‌మైన న‌టులు. వారికి గొప్ప క్రేజ్ ఉంది. ర‌ణ‌వీర్ తో ఢీ కొట్టే పాత్ర‌ల్లో వారంతా జీవిస్తార‌న‌డంలో సందేహం లేదు. ఇంకా టైటిల్ నిర్ణ‌యించ‌ని ఈ చిత్రం ఇండియన్ ఏజెన్సీ RAW చేపట్టిన ఆపరేషన్ నేప‌థ్యంలో ఆద్యంతం థ్రిల్లింగ్ గా సాగుతుంది. జియో స్టూడియోస్ -బి62 స్టూడియోస్ సంయుక్తంగా ఈ ప్రతిష్టాత్మక ప్రాజెక్ట్‌ను నిర్మించనున్నాయి. ఆదిత్యధర్ తొలి చిత్రం `URI: ది సర్జికల్ స్ట్రైక్` భారీ విజయాన్ని సాధించింది. అతడు తన రెండవ చిత్రానికి తగినంత సమయం తీసుకున్నాడు. రణవీర్ సింగ్ `డాన్ 3` సెట్స్‌పైకి వెళ్లే ముందే త‌న రెండో చిత్రం షూటింగ్‌ను పూర్తి చేస్తున్నాడు.