పుష్ప క్యారెక్టర్.. ట్విస్ట్ ఇచ్చిన రావు రమేష్

పుష్ప సినిమాలోని సీనియర్ స్టార్ యాక్టర్ రావు రమేష్ పొలిటికల్ లీడర్ గా కనిపించారు. అయితే పార్ట్ 1లో అతని క్యారెక్టర్ కేవలం ఒక్క సీన్ లోనే కనిపిస్తుంది. అది కూడా పెద్దగా హైలైట్ కాలేదు. తాజాగా రావు రమేష్ మారుతీనగర్ సుబ్రహ్మణ్యం సినిమాతో ప్రేక్షకుల ముందుకొచ్చారు. ఈ సినిమా పాజిటివ్ టాక్ సొంతం చేసుకుంది. ఈ సందర్భంగా ఇచ్చిన ఓ ఇంటర్వ్యూలో రావు రమేష్ పుష్ప సినిమాలోని తన క్యారెక్టర్ గురించి ఊహించని క్లారిటీ ఇచ్చారు.

సుకుమార్ నాకు స్టోరీ నేరేట్ చేసినపుడు మొత్తం క్యారెక్టర్ ఎలా ఉంటుందనేది చెప్పారు. తరువాత పుష్ప మూవీ షూటింగ్ లో ఒక సీన్ అయ్యాక మీ కాల్ షీట్స్ అయిపోయాయి. నెక్స్ట్ పార్ట్ 2లో వస్తారని చెప్పి ట్విస్ట్ ఇచ్చారు. సుకుమార్ అప్పుడు చెప్పినట్లుగానే పుష్ప 2లో ఎక్కువ నిడివి ఉన్న క్యారెక్టర్ లోనే కనిపించాను. చాలా రోజులు షూటింగ్ లో పాల్గొన్నాను. క్యారెక్టర్ కి మంచి ప్రాధాన్యత ఉంటుందని రావు రమేష్ ఇంటర్వ్యూలో చెప్పారు.

పుష్ప పార్ట్ 3 ఉంటుందని అంటున్నారు. అందులో కూడా నా క్యారెక్టర్ ఉండే అవకాశాలు ఉన్నాయని రావు రమేష్ ఈ ఇంటర్వ్యూలో క్లారిటీ ఇచ్చారు. దీంతో సుకుమార్, అల్లు అర్జున్ హింట్ ఇస్తున్నట్లే పుష్ప ఫ్రాంచైజ్ లో నెక్స్ట్ పార్ట్ ఆల్ మోస్ట్ ఫిక్స్ అయ్యిందని ఫ్యాన్స్ బలంగా నమ్ముతున్నారు. అయితే పుష్ప పార్ట్ 3న చిత్ర యూనిట్ నుంచి ఏమైనా అఫీషియల్ ప్రకటన వస్తుందా లేదంటే పార్ట్ 2 రిలీజ్ తర్వాత కన్ఫర్మ్ చేస్తారా అనేది తెలియాల్సి ఉంది. పుష్ప పార్ట్ 1లో ఉన్న సునీల్, అనసూయ పాత్రలకి కూడా పార్ట్ 2లో మంచి ప్రాధాన్యత ఉందనే మాట కూడా వినిపిస్తోంది.

పుష్ప పార్ట్ 3 కోసం సుకుమార్ బాలీవుడ్ స్టార్ యాక్టర్ ని విలన్ పాత్ర కోసం సంప్రదిస్తున్నారు అనే ప్రచారం కూడా చాలా కాలంగా నడుస్తోంది. ప్రస్తుతం పుష్ప 2 మూవీ క్లైమాక్స్ షూటింగ్ జరుగుతోంది. దీంట్లోనే పార్ట్ 3కి లీడ్ ఇస్తారనే టాక్ నడుస్తోంది. డిసెంబర్ 6న పుష్ప 2 మూవీ వరల్డ్ వైడ్ గా పాన్ ఇండియా రేంజ్ లో రిలీజ్ కాబోతోంది. మైత్రీ మూవీ మేకర్స్ ఏకంగా 300-350 కోట్ల బడ్జెట్ తో పుష్ప పార్ట్ 2 షూటింగ్ ని నిర్మిస్తున్నారు.

ఇక ఐకాన్ స్టార్ నుంచి పార్ట్ 3కి గ్రీన్ సిగ్నల్ రావడంతో పుష్ప పార్ట్ 2 కంటే ఎక్కువ బడ్జెట్ తో ఇంటర్నేషనల్ లెవల్ లో నిర్మించే ఛాన్స్ ఉందని భావిస్తున్నారు. ఏది ఏమైనా పుష్ప ఫ్రాంచైజ్ లో మూడో భాగం కూడా రావాలంటే మాత్రం కచ్చితంగా పుష్ప ది రూల్ బ్లాక్ బస్టర్ హిట్ టాక్ సొంతం చేసుకొని 1000 కోట్ల వరకైనా కలెక్షన్స్ సాధించాల్సి ఉంటుందని సినీ విశ్లేషకులు అంటున్నారు.