ఆ బ్లాక్‌ బస్టర్‌ వెనుక రష్మిక నొప్పి..!

దేశం మొత్తం ఎదురు చూస్తున్న 'పుష్ప 2' సినిమా మరో వారం రోజుల్లో ప్రేక్షకుల ముందుకు రాబోతుంది. అక్కడ, ఇక్కడ అనే తేడా లేకుండా ప్రతి చోట వసూళ్లతో రికార్డులు బ్రేక్ చేయబోతున్న పుష్ప 2 డిసెంబర్‌ 5న ప్రేక్షకుల ముందుకు రాబోతున్న విషయం తెల్సిందే. అల్లు అర్జున్‌, రష్మిక మందన్న జంటగా నటించిన పుష్ప 2 సినిమా వెయ్యి కోట్లకు పైగా ప్రీ రిలీజ్ బిజినెస్ చేసి బాలీవుడ్‌ ఫిల్మ్‌ మేకర్స్‌కి సైతం గుండె పట్టుకునేంత పని చేసింది అంటూ ఇండస్ట్రీ వర్గాల్లో టాక్‌ వినిపిస్తోంది. పుష్ప 2 ఇంతటి క్రేజ్‌ను దక్కించుకోవడంకు కారణం పుష్ప పార్ట్‌ 1 భారీ విజయాన్ని సొంతం చేసుకోవడం అనే విషయం ప్రత్యేకంగా చెప్పనక్కర్లేదు.

ఏమాత్రం అంచనాలు లేకుండా నార్త్‌ లో విడుదల అయిన పుష్ప పార్ట్‌ 1 ఏకంగా వంద కోట్లకు పైగా వసూళ్లు సాధించింది. జీరో ప్రమోషన్స్‌తో పుష్ప అక్కడ వంద కోట్లు సాధించడానికి కారణం పాటలు ముఖ్య కారణంగా చెప్పుకోవచ్చు. ముఖ్యంగా నార్త్‌ ఆడియన్స్‌కి శ్రీవల్లి వేసిన సామిసామి పాటకు ఫిదా అయ్యారు. ఆ పాట వల్ల సినిమాకు మంచి టాక్‌ వచ్చిన విషయం తెల్సిందే. ఆ పాట ఇప్పటికి కూడా ఓ రేంజ్‌లో సోషల్‌ మీడియాలో ట్రెండ్‌ అవుతూనే ఉంటుంది. సామిసామి పాట అన్ని భాషల్లోనూ కుమ్మేడయానికి కారణం అందులో బన్నీ, రష్మిక మందన్న వేసిన డాన్స్ అనడంలో ఏమాత్రం సందేహం లేదు.

ఆ పాట డాన్స్‌ చేసే సమయంలో రష్మిక విపరీతమైన నొప్పి తో బాధ పడుతూ ఉందట. ఆ విషయాన్ని ఇటీవల ఒక ఇంటర్వ్యూలో చెప్పుకొచ్చింది. చిన్న మూమెంట్‌కే విపరీతమైన నొప్పి వచ్చేది. అయినా తప్పని పరిస్థితుల్లో ఆ పాటను చేసినట్లుగా చెప్పింది. అంత నొప్పితో ఆ పాటను చేసినా ఎక్కడా తన ఫేస్‌లో ఆ ఫీల్‌ చూపించలేదు. చాలా నార్మల్‌గానే కనిపించింది. ప్రతి పాటలో మాదిరిగానే ఫేస్ ఎక్స్‌ప్రెషన్స్ సైతం రష్మిక ఇవ్వడంతో ఆ పాట అంతగా విజయాన్ని సొంతం చేసుకుంది. రష్మిక పడ్డ కష్టంకు మంచి ఫలితం దక్కింది. పుష్ప కోసం రష్మిక ఎంతటి పెయిన్‌ను అనుభవించిందో ఆ పాటను బట్టి అర్థం చేసుకోవచ్చు.

తన సినీ కెరీర్‌ ప్రారంభం అయ్యి 8 ఏళ్లు అయితే.. అందులో అయిదు సంవత్సరాలు పుష్ప కోసం సమయం కేటాయించడం జరిగిందని చెప్పుకొచ్చింది, రెండు పార్ట్ లకు కలిపి ఆమె పారితోషికంగా భారీ మొత్తంను అందుకుంది. అయితే పుష్ప వల్ల ఆమెకు దక్కింది ఇంకా చాలా ఉంది. బాలీవుడ్‌లో ప్రస్తుతం వరుసగా సినిమాలు చేస్తుంది అంటే కారణం ఆమె పుష్ప లో చేయడం అంటూ కొందరు అభిప్రాయం వ్యక్తం చేస్తున్నారను. మొత్తానికి కష్టపడితే, ప్రతిభ ఉంటే కచ్చితంగా మంచి గుర్తింపు వస్తుంది అంటూ ఈ సినిమాతో రష్మిక మందన్న ఎంతో మందికి ఆదర్శంగా నిలిచింది.