రష్మికని వదిలి పెట్టట్లేదుగా..!

నేషనల్ క్రష్ రష్మిక మందన్న ఇప్పటికే బాలీవుడ్ లో అదరగొట్టేస్తుంది. యానిమల్ తో అక్కడ బ్లాక్ బస్టర్ హిట్ అందుకున్న అమ్మడు పుష్ప 2 సినిమాతో మరో సూపర్ డూపర్ హిట్ అందుకుంది. అంతేకాదు లైన్ లో అమ్మడికి వరుస సినిమాలు ఉన్నాయి. సౌత్ నార్త్ అనే తేడా లేకుండా రష్మిక ఛాన్స్ లు పట్టేస్తుంది. బాలీవుడ్ లో ఇప్పటికే సల్మాన్ ఖాన్ తో సికిందర్ సినిమాలో నటిస్తుంది రష్మిక. ఏ.ఆర్ మురుగదాస్ డైరెక్షన్ లో తెరకెక్కుతున్న ఈ సినిమా చివరి దశకు చేరుకుందని తెలుస్తుంది.

ఇక ఈ సినిమా తర్వాత సల్మాన్ ఖాన్ సౌత్ డైరెక్టర్ అట్లీతో సినిమా లాక్ చేసుకున్నాడు. త్వరలో సెట్స్ మీదకు వెళ్లబోతున్న ఈ సినిమాలో కూడా సల్మాన్ సరసన హీరోయిన్ గా రష్మికనే తీసుకుంటున్నారని తెలుస్తుంది. ఆల్రెడీ సికిందర్ లో ఈ ఇద్దరి జోడీ కనిపించనుంది. మళ్లీ వెంటనే మరో సినిమా చేస్తున్నారు. బాలీవుడ్ లో రష్మిక పాపులారిటీ ఎలా ఉంది అన్నది ఈ ఆఫర్లు చూస్తే అర్ధమవుతుంది.

రష్మిక మందన్న సౌత్ లో కూడా ధనుష్ తో కుబేర సినిమా చేస్తుంది. దీనితో పాటు గర్ల్ ఫ్రెండ్ సినిమా చేస్తుంది. రీసెంట్ గా మరో సినిమాకు కూడా సైన్ చేసినట్టు తెలుస్తుంది. రష్మిక దూకుడు చూస్తుంటే ఇప్పుడప్పుడే అమ్మడిని ఆపడం కష్టమనిపించేలా ఉంది. కన్నడ నుంచి కెరీర్ మొదలు పెట్టిన రష్మిక మందన్న తెలుగులో ఎంట్రీ ఇచ్చి అక్కడ స్టార్ స్టేటస్ అందుకుని చిన్నగా బాలీవుడ్ కి షిఫ్ట్ అయ్యింది. ఇక నెక్స్ట్ రాబోతున్న సినిమాలతో పాన్ ఇండియా లెవెల్ లో తన ప్రతాపం చూపించబోతుంది.

సినిమాలో రష్మిక ఉంది అంటే సినిమా కచ్చితంగా సక్సెస్ అవుతుంది అనే టాక్ పడిపోయింది. గ్లామర్ పరంగానే కాదు.. నటనలో కూడా రష్మిక మార్క్ తో అలరిస్తుంది. అందుకే అమ్మడికి ఇలా వరుస ఛాన్సులు అదరగొడుతున్నాయి. మొన్నటిదాకా సౌత్ స్టార్స్ తోనే జత కట్టి అలరించిన రష్మిక మందన్న ఇప్పుడు బీ టౌన్ స్టార్స్ తో నటిస్తూ బాలీవుడ్ ని కూడా ఏలేస్తుంది అమ్మడు. రష్మిక దూకుడికి మిగతా స్టార్ హీరోయిన్స్ అంతా కూడా సైలెంట్ అయిపోయారు.