30 నిమిషాలు టీవీ చూసే న‌టి.. నేడు తెరంతా ఆమె!

ఒక్కోసారి ఎలాంటి ప్ర‌య‌త్నాలు చేయ‌కుండా సునాయాసంగా కొంద‌రు స‌క్స‌స్ అవుతుంటారు. వాటి గురించి క‌నీస అవ‌గాహ‌న కూడా లేకుండానే విజ‌యాన్ని సాధిస్తుంటారు. స్వీటీ అనుష్క ఇండ‌స్ట్రీకి వ‌చ్చి అలాగే స‌క్సెస్ అయింది. బెంగుళూరులో యోగా టీచ‌ర్. తాన‌స‌లు సినిమా ప‌క్షి కాదు. కానీ ఆమె ఫోటో చూసి పూరి స్వీటీని హీరోయిన్ చేసాడు. ఫోటో ఇవ్వు అంటే పాస్ పోర్ట్ ఇచ్చింది. అంత‌టి అమాయ‌కురాలు టాలీవుడ్ లో ఏ రేంజ్ కి చేరుకుందో తెలిసిందే.

అదృష్టం అంటే ఇలా క‌లిసి రావాల‌ని స్వీటీ జ‌ర్నీ చూసిన త‌ర్వాత ప్ర‌తీ ఒక్క‌రికి అనిపిస్తుంది. నేడు నేష‌న‌ల్ క్ర‌ష్ గా నీరాజ‌నాలు అందుకుంటోన్న ర‌ష్మిక మంద‌న్న కూడా అలాగే స‌క్సెస్ అయింది. సినిమాల్లోకి రావాల‌ని తానెప్పుడు క‌ల‌లు క‌న‌లేదు. ఏనాడు క‌నీసం ఊహ‌కి కూడా రాలేదు. సినిమా వాతావ‌ర‌ణం పెరిగిన అమ్మాయి కూడా కాదు. బెంగుళూరు హాస్టల్ లో చ‌దువుకునే బ్యూటీ కేవ‌లం హాస్ట‌ల్ వార్డెన్ విధించే 30 నిమిషాలు టీవీ మాత్ర‌మే చూసేది.

దూరం నుంచే న‌టుల్ని చూసి ఆరాదించేది. నాన్న‌తో క‌లిసి అప్పుడ‌ప్పుడు సినిమాల‌కు వెళ్లేది. మ‌రి నేడు ర‌ష్మిక మంద‌న్నా అంటే పాన్ ఇండియాలో ఓ సంచ‌ల‌నం. ఆమె తెలియ‌ని ప్రేక్ష‌కుడు ఉండ‌డు. అన్ని భాష‌ల్లోనూ ఎంతో గుర్తింపు తెచ్చుకుంది. 30 నిమిషాలు టీవీ చూసే న‌టిని నేడు ఆమె న‌టిస్తోన్న సినిమాల్ని ప్రేక్ష‌కులు రెండున్న‌ర గంట‌ల పాటు థియేట‌ర్లో చూసే స్థాయికి ఎదిగింది. ఇదంతా ఎలా సాద్య‌మైంది? అంటే అందుకు పునాది వేసింది ర‌క్షిత్ శెట్టి.

తొలుత ర‌క్షిత్ శెట్టి హీరోగా న‌టించిన సినిమాకి ర‌ష్మిక‌ని హీరోయిన్ తీసుకున్నాడు. అలా తీసుకోవ‌డం ఆమె జీవితాన్నే మార్చేసింది. ఆమె కూడా ఊహించ‌ని స్థాయికి చేరిపోయింది. తాన కూడా ఏ నాడు ఊహించి ఉండ‌దు. తెలుగులో `ఛ‌లో` అనేది తొలి సినిమా. ఆ సినిమా స‌క్సెస్ అవ్వ‌డంతో? అమ్మ‌డి అందానికి ఫిదా అయిన ప‌రిశ్ర‌మ మ‌రిన్ని అవ‌కాశాలు క‌ల్పించింది. ఇక్క‌డ వ‌చ్చిన క్రేజ్ తో బాలీవుడ్ లోనూ అవకాశాలు అందుకుంటోంది.