నేషనల్ క్రష్ ని చూసి కుళ్ళుకుంటున్న భామలు..!

అవకాశాలు అందరికీ వస్తాయి కానీ వాటిని సక్సెస్ చేసుకోవడంలోనే కథానాయికల ప్రతిభ ఉంటుంది. అలా చేస్తున్న సినిమాలతో హిట్లు సూపర్ హిట్లు కొడుతూ నేషనల్ క్రష్ గా మారింది రష్మిక మందన్న. అమ్మడు ఏదైనా సినిమా చేస్తుంది అంటే ఆ సినిమా కచ్చితంగా వర్క్ అవుట్ అయినట్టే లెక్క. సౌత్ లో స్టార్ క్రేజ్ తెచ్చుకున్న రష్మిక బాలీవుడ్ కి వెళ్లి మొదటి రెండు సినిమాలు నిరాశ పరిచినా యానిమల్ తో అమ్మడికి బ్లాక్ బస్టర్ హిట్ దక్కింది. ఆ సినిమా ఇచ్చిన జోష్ తో బాలీవుడ్ లో కూడా వరుస సినిమాలు చేస్తుంది అమ్మడు.

యానిమల్ తర్వాత పుష్ప 2 తో అమ్మడు అదరగొట్టబోతుంది. డిసెంబర్ 5న రిలీజ్ కాబోతున్న పుష్ప 2 సినిమాకు నేషనల్ వైడ్ గా ఉన్న క్రేజ్ తెలిసిందే. ఆ సినిమాలో హీరోయిన్ గా రష్మిక మరోసారి టాక్ ఆఫ్ ది టౌన్ గా మారింది. పుష్ప 1 లో పుష్ప రాజ్, శ్రీవల్లి రొమాన్స్ తెలిసిందే. ఐతే పార్ట్ 2 లో వీళ్ల పాత్రలు వారి మధ్య ఎమోషన్ మరింత స్ట్రాంగ్ గా కనిపిస్తున్నారు. పుష్ప 2 ట్రైలర్ లో పుష్ప రాజ్ తర్వాత శ్రీవల్లి పాత్ర హైలెట్ గా నిలిచింది.

పుష్ప 2 సూపర్ హిట్ పడితే మళ్లీ రష్మిక పేరు నేషనల్ వైడ్ గా మారుమోగుతుంది. పుష్ప 2 మాత్రమే కాదు అమ్మడి ఖాతాలో క్రేజీ సినిమాల లిస్ట్ చాలానే ఉంది. ధనుష్ తో కుబేర సినిమా చేస్తున్న రష్మిక ది గర్ల్ ఫ్రెండ్ అంటూ ఒక సోలో సినిమా కూడా చేస్తుంది. వీటితో పాటు ఛావా అంటూ బాలీవుడ్ సినిమా సెట్స్ మీద ఉంది. బాలీవుడ్ లో ఛావాతో పాటు సల్మాన్ ఖాన్ సికందర్ సినిమా కూడా చేస్తుంది రష్మిక. అమ్మడి క్రేజ్ ని బాలీవుడ్ స్టార్స్ కూడా గుర్తించి ఆమెతో వరుస సినిమాలు చేస్తున్నారు.ఈ సినిమాన్నిటితో రష్మిక తన స్టార్ ఫాం కొనసాగిస్తుందని చెప్పొచ్చు.

నేషనల్ వైడ్ గా రష్మిక పాపులారిటీ చూసి మిగతా హీరోయిన్స్ అంతా కుళ్లుకుంటున్నారు. పోటీగా ఎంతమంది ఉన్నా పాన్ ఇండియా సినిమాలతో నేషనల్ లెవెల్ లో రష్మిక తన సత్తా చాటుతుంది. రాబోతున్న సినిమాలు కూడా ఇదే రిజల్ట్ అందిస్తే ఆమెను ఆపడం ఎవరి వల్లా కాదని చెప్పొచ్చు. ఎవరు ఎంత కుళ్లుకున్నా తన టాలెంట్ తో రష్మిక వరుస సూపర్ హిట్లు కొడుతుంది.