పుష్ప 1తో శ్రీవల్లి జ్ఞాపకాలు.. నెవ్వర్ బిఫోర్ లుక్స్

పుష్ప చిత్రంలో పుష్పరాజ్ సరసన శ్రీవల్లిగా నటించిన రష్మిక మందన్న ప్రేక్షకులను ఎంతగానో ఆకట్టుకుంది. ఇప్పుడు ‘పుష్ప 2: ది రూల్’ చిత్రం కోసం ప్రేక్షకులు ఎంతో ఆసక్తిగా ఎదురుచూస్తున్నారు. రష్మిక ఇటీవల సోషల్ మీడియాలో 'పుష్ప 2' ట్రైలర్ త్వరలోనే విడుదల అవుతుందంటూ పుష్ప 1 లోని కొన్ని ప్రత్యేకమైన అనుభవాలను అభిమానులతో పంచుకుంది. పుష్ప-1లోని కొన్ని క్షణాలు గుర్తుచేసుకుంటూ ఆ ఫోటోలను ఆమె షేర్ చేసింది.

“పుష్ప 2 ట్రైలర్ త్వరలో విడుదల కాబోతోంది కాబట్టి, పుష్ప 1లోని అన్ని జ్ఞాపకాలను తిరిగి చూసుకుంటున్నాను. నా అభిమానులతో వీటిని పంచుకోలేదని గుర్తొచ్చింది. అందుకే ఈ జ్ఞాపకాలు మీకు పంపిస్తున్నాను” అంటూ ఒకే దెబ్బకు పది రకాల మెమోరీస్‌ను తన ఫోటోల్లో వివరించింది. ఈ ఫోటోలలో మొదట 'శ్రీవల్లి'గా మారిన ఫస్ట్ లుక్ టెస్ట్‌లో రష్మిక కనిపించగా, మరో ఫోటోలో పుష్పరాజ్ అల్లు అర్జున్‌తో కలిసి స్టిల్ ఇచ్చింది. ఇక రష్మిక కాస్ట్యూమ్, మేకప్ మొదలైన వాటి వెనుక కథను కూడా చెప్పింది.

పుష్ప సినిమాలో శ్రీవల్లి పాత్ర కోసం తాను డిఫరెంట్ లుక్ లో చేయగలనా లేదా అని ఎన్నోసార్లు అనుకున్నాను. ఇక సామీ పాటలో తన పెర్ఫార్మెన్స్‌ గురించి చెప్పుకుంటూ రష్మిక "సామీ పాటలో నా తోటి అమ్మాయిలు, నేను చేసిన సీన్స్‌ రచ్చ రేపాయి. ఆ పాట ఒక సంచలనం అయింది" అని చెప్పింది. ఇక తిరుపతికి వెళ్లి శ్రీవల్లి క్యారెక్టర్ మీద రీసెర్చ్‌ చేసిన విషయాన్ని కూడా రష్మిక వెల్లడించింది. "స్రీవల్లి పాత్రతో నా అనుభవాలు తిరుపతి లో ప్రారంభమయ్యాయి, నిజానికి శ్రీవల్లి కథ అక్కడి నుంచే మొదలైంది" అంటూ భావోద్వేగంతో పంచుకుంది.

పుష్ప గ్యాంగ్‌తో ఉన్న ఫోటోలు, షూటింగ్ సెట్స్‌ నుంచి మరికొన్ని మెమోరీస్ షేర్ చేసుకున్న ఆమె, రష్యాలో 'పుష్ప' ప్రమోషన్‌ సందర్భంగా తీసిన ఫోటోలు కూడా జత చేసింది. ఇలా పలు మధుర జ్ఞాపకాలను షేర్ చేసుకుంటూ పుష్ప ఆల్ టైమ్ బెస్ట్ మూవీ అని వివరణ ఇచ్చింది. ఇక ఈ నవంబర్ 17న పాట్నాలో భారీ ఈవెంట్‌లో 'పుష్ప 2' ట్రైలర్ విడుదల కాబోతోంది. 'పుష్ప 2' కోసం అభిమానులు ఎంతగానో ఎదురు చూస్తున్నారు.