ఇది ఊహించిన దానికంటే ప్రమాదం: నాని

నేష‌న‌ల్ క్ర‌ష్ రష్మిక మందన AIలో రూపొందించిన డీప్‌ఫేక్ వీడియో పరిశ్రమ వ‌ర్గాలు స‌హా అభిమానుల‌ను దిగ్భ్రాంతికి గురి చేసింది. గత కొన్నివారాలుగా ర‌ష్మిక‌- కత్రినా కైఫ్‌- సారా టెండూల్క‌ర్ సహా సెలబ్రిటీలకు సంబంధించిన అనేక డీప్‌ఫేక్ వీడియోలు సోషల్ మీడియాలో చక్కర్లు కొడుతున్నాయి. ఇలాంటి ఒక‌ వీడియోపై రష్మిక మందన్న సహా పలువురు సెలబ్రిటీలు తమ సోషల్ మీడియా పేజీల ద్వారా తీవ్రంగా స్పందించారు. ఈ దుశ్చ‌ర్య‌కు పాల్ప‌డిన వారిపై చ‌ర్య‌లు తీసుకోవాల‌ని కోరిన ర‌ష్మిక‌కు మ‌ద్ధ‌తుగా నాగ‌చైత‌న్య‌, మృణాళ్ ఠాకూర్ స‌హా ప‌లువురు నిలిచారు.

ఇప్పుడు రష్మిక మందన్న డీప్‌ఫేక్ కాంట్రవర్సీ గురించి నాని ఓపెన్ అయ్యాడు. AI సాంకేతికత ప్రమాదకరం అని నాని జాతీయ మీడియా ఇంట‌ర్వ్యూలో అన్నారు. ''నేను కేవలం AI మాత్రమే కాదు.. మార్కెట్లోకి వస్తున్న ఈ కొత్త టూల్స్.. టెక్నాలజీ అన్నీ ప్రమాదకరమని నేను భావిస్తున్నాను. అది మనం చర్చలోకి రాగలమో లేదో నాకు తెలియదు. ఆపాలి లేదా ఆప‌గ‌ల‌గాలి. ఎక్కువగా మనం ఆపడానికి ప్రయత్నిస్తే అది మరింత దూకుడుగా వ్యాపిస్తుంది. కాబట్టి మనం ప్రారంభించాల్సింది ఆపడం కాదు.. ఎన్ కౌంటర్ చేయడం గురించి. ఎక్కువ మంది చూసి ట్వీట్ చేస్తారు దాని గురించి. ప్రజలు ఆ సాంకేతికత గురించి మరింత అవగాహన కలిగి ఉంటారు. మ‌నం యాంటీవైరస్‌తో సిద్ధంగా ఉండాలని నేను భావిస్తున్నాను. మీరు వెంటనే ఆపే ప్ర‌య‌త్నం చేయాలి. స‌మ‌స్య‌గా మార‌క ముందే ఆపగలిగేదాన్ని సృష్టించడంలో మాకు సాంకేతిక నిపుణులు సహాయం చేయాలి'' అని అన్నాడు.

సాంకేతికత వేగంగా ఎద‌గ‌డాన్ని నేను నిజంగా విశ్వసిస్తాను. ప్రతి ఒక్కరూ దానిని అన్వేషించడానికి ప్రయత్నిస్తున్నారు. అందుకే దానిని ఆపడం చాలా కష్టం. మీరు ఎవరికైనా ధూమపానం చేయవద్దని చెబితే వారు దానికి వ్య‌తిరేకంగా ఎక్కువ ధూమపానం చేస్తారు. మీరు ఎవరినైనా తాగవద్దని చెబితే, వారు మరింత త్రాగుతారు. సాఫ్ట్‌వేర్‌ని ఉపయోగించవద్దు... చాలా చెడ్డది అని మీరు చెబితే, వారు దీన్ని చాలా ఎక్కువ ఉపయోగిస్తారు. కాబట్టి దీని ద్వారా జరిగే ప్రమాదకరమైన విషయాలను మనం అర్థం చేసుకోవాలి ..సిద్ధంగా ఉండాలి అని నేను భావిస్తున్నాను. మెజారిటీ ప్ర‌జ‌లు చెడును ప్ర‌య‌త్నిస్తారు. కానీ మ‌నం దానిని ఎదుర్కోవడానికి సిద్ధంగా ఉండాలి.. అని అన్నారు.

సమాజం బాధ్యత వహించాలి.

సమాజంగా మనం బాధ్యతగా వ్యవహరించాలని నాని అన్నారు. ఎక్కువగా అమ్మాయిలు దీనికి బలైపోతారు, కానీ దాని వ‌ల్ల న‌ష్ట‌పోయేవారు ఎక్కువ‌గా ఉన్నారని నేను క‌చ్చితంగా అనుకుంటున్నాను. అది ఎలా ఉంటుందో ఇప్పుడే మనం చూశాము. కానీ ఇప్పుడు మనం ఊహించుకుంటున్న దాని కంటే ఇది చాలా ప్రమాదకరమని నేను భావిస్తున్నాను. ఎందుకంటే మనకు తెలియనిది లేదా ఎలాంటి పరిస్థితిలో దీనిని ఉపయోగించవచ్చో కూడా మనం ఊహించలేము. అందరూ రష్మిక వలె బలంగా ఉండరు. త‌న‌కు చాలా మంది మద్దతు ఉంది. దాని గురించి చర్చించి ఒరిజినల్ క్లిప్ చూపించి సహాయం చేసేవారూ ఉన్నారు. కానీ చాలామందికి ఏం చేయాలో తెలీదు. చెల్లి, కోడలు,స్నేహితురాలికి జ‌రిగితే.. పాపుల‌ర్ కాని వాళ్ల‌కు ఇలా జ‌రిగితే..అలాంటి వారు దీనిని మేనేజ్ చేయ‌లేరు. త‌ప్పించుకోలేరు. ఇది చాలా భయానకంగా ఉంటుంది.. అని నాని వ్యాఖ్యానించారు.

ఒక సమాజంగా ఇది ఒక వ్యక్తి బాధ్యత కాదని నేను భావిస్తున్నాను. సమాజంగా మనం దానిని ఎదుర్కోవడానికి సిద్ధంగా ఉండాలని అనుకుంటున్నాను. చెడుతో పోరాడటానికి మాన‌సికంగా సిద్దం కావాలి అని కూడా భావిస్తున్న‌ట్టు నాని తెలిపారు. నాని న‌టించిన 'హాయ్ నాన్న' డిసెంబ‌ర్ లో విడుద‌ల కానుంది. ఈ చిత్రంలో మృణాల్ ఠాకూర్ క‌థానాయిక‌గా న‌టిస్తోంది.