2026 దాకా హీరోయిన్ డేట్స్ లేవట..?

కన్నడ భామ రష్మిక మందన్న పాన్ ఇండియా రేంజ్ లో తన ప్రతాపం చూపిస్తుంది. బాలీవుడ్ స్టార్ హీరోయిన్లను సైతం పక్కన పెట్టి రష్మికకు వరుస అవకాశాలు ఇస్తున్నారు హిందీ మేకర్స్. యానిమల్ ముందు వరకు రష్మిక బాలీవుడ్ కెరీర్ అటు ఇటుగానే ఉండగా ఎప్పుడైతే యానిమల్ వచ్చిందో అప్పుడు అమ్మడి క్రేజ్ డబుల్ అయ్యింది. సినిమాలో రణ్ బీర్ కపూర్ క్యారెక్టరైజేషన్ కి రష్మిక ఎమోషనల్ టచ్ ఆడియన్స్ ని ఫిదా చేసింది.

ఈ సినిమాతో పాటుగా త్వరలో పుష్ప 2 తో వస్తుంది రష్మిక మందన్న. సినిమాలో శ్రీవల్లిగా అమ్మడు మరోసారి నేషనల్ లెవెల్ ఆడియన్స్ ని అలరించనుంది. ఈ సినిమాతో పాటుగా రష్మిక కుబేర, ది గర్ల్ ఫ్రెండ్ సినిమాలు చేస్తుంది. ఇదే క్రమంలో హిందీలో విక్కీ కౌశల్ తో చావాలో కూడా భాగమవుతుంది. లేటెస్ట్ గా మురుగదాస్, సల్మాన్ ఖాన్ కాంబో సినిమాలో కూడా ఛాన్స్ పట్టేసింది రష్మిక.

వరుస సినిమాల వల్ల అమ్మడు సూపర్ బిజీ అయ్యింది. అంతేకాదు అమ్మడు ప్రస్తుతం కమిటైన సినిమాలన్నీ పూర్తయ్యే వరకు కొత్త సినిమాకు సైన్ చేయలేని పరిస్థితి అని తెలుస్తుంది. అందుతున్న సమాచారం ప్రకారం 2026 వరకు మళ్లీ రష్మిక కొత్త ప్రాజెక్ట్ కి ఓకే చెప్పే అవకాశం లేదని అంటున్నారు. ఈ రేంజ్ లో సత్తా చాటుతున్న రష్మిక సినిమా సినిమాకు తన గ్రాఫ్ పెంచుకుంటూ వెళ్తుంది.

బాలీవుడ్ లో బిజీ అవ్వడం వల్ల రష్మికని కావాలని అనుకుంటున్న తెలుగు మేకర్స్ కు షాక్ తగులుతుంది. అంతేకాదు సల్మాన్ ఖాన్ సినిమా కోసం అమ్మడు 13 కోట్ల దాకా పారితోషికం తీసుకోవడం తో నెక్స్ట్ సినిమాకు అంతకుమించి ఇస్తేనే చేసే ఛాన్స్ ఉంటుంది. ఏది ఏమైనా సౌత్ నుంచి వెళ్లి బాలీవుడ్ లో ఈ రేంజ్ పాపులారిటీ సంపాదించడం చాలా తక్కువమందికే సాధ్యమవుతుంది. నేషనల్ క్రష్ రష్మిక అందులో ఉంది. అమ్మడి సినిమాల లిస్ట్ చూస్తే అన్నీ క్రేజీ సినిమాలే ఉన్నాయి కాబట్టి మరో ఐదేళ్ల పాటు నేషనల్ క్రష్ ని టచ్ చేసే వాళ్లే ఉండరని చెప్పొచ్చు. ఇంత బిజీగా ఉన్నా సరే సౌత్ నుంచి ఆఫర్ వస్తే కాదనకుండా తన డేట్స్ అడ్జెస్ట్ చేసేందుకే ప్రయత్నిస్తోందట రష్మిక. అందుకే అమ్మడి గురించి అందరు చాలా పాజిటివ్ గానే చెప్పుకుంటారు.