బాలీవుడ్ లో మరో క్రేజీ ఆఫర్ పట్టేసిన రష్మిక

సౌండ్ ఇండియా స్టార్ హీరోయిన్ గా తిరుగులేని ఇమేజ్ తో దూసుకుపోతున్న అందాల భామ రష్మిక మందన. ఈ బ్యూటీ ప్రస్తుతం తెలుగులో పుష్ప 2 మూవీ చేస్తోంద అలాగే రెయిన్. బో అనే ఫిమేల్ సెంట్రిక్ సినిమాలో కూడా నటిస్తోంది. ఈ రెండు సినిమాల షూటింగ్ ప్రస్తుస్తం జరుగుతున్నాయి. మరో వైపు రాహుల్ రవీంద్రన్ తో ఒక లేడీ ఓరియంటెడ్ సినిమాకి గ్రీన్ సిగ్నల్ ఇచ్చింది.

దీంతో పాటు హిందీలో రణబీర్ కపూర్ కి జోడీగా నటించిన యానిమల్ రిలీజ్ కి సిద్ధం అవుతోంది. ఇలా వరుసగా నాలుగు ప్రాజెక్ట్స్ రష్మిక చేతిలో ఉన్నాయి. అలాగే తెలుగులో మరికొన్ని సినిమాలు చర్చల దశలో ఉన్నాయి. ఇదిలా ఉంటే ఇప్పుడు హిందీలో మరో క్రేజీ ప్రాజెక్ట్ కి రష్మిక మందన గ్రీన్ సిగ్నల్ ఇచ్చింది.

బాలీవుడ్ లో మీడియం రేంజ్ హీరోగా ఉన్న నటుడు విక్కీ కౌశల్. యూరి మూవీతో స్టార్ గా మారిన విక్కీ కౌశల్ తరువాత వరుస అవకాశాలు అందుకుంటూ వస్తున్నాడు. విక్కీ కౌశల్ హీరోగా ప్రస్తుతం 150 కోట్ల బడ్జెట్ తో ఒక పీరియాడికల్ మూవీ తెరకెక్కనుంది. చావా ది గ్రేట్ వారియర్ లో టైటిల్ తో ఈ మూవీని సిల్వర్ స్క్రీన్ పై ఆవిష్కరించబోతున్నారు.

జయసింగ్ రావు రాసిన మరాఠి నవల ఆధారంగా రాహుల్ జనార్దన్ జాదవ్ ఈ చిత్రాన్ని తెరకెక్కిస్తున్నారు. విక్కీ కౌశల్ కెరియర్ లోనే భారీ బడ్జెట్ ఈ చిత్రం కోసం ఖర్చు చేస్తున్నారు. బాలీవుడ్ లో ఇప్పటికే రష్మిక మందన సిద్ధార్ద్ మల్హోత్రాతో నటించింది. ఇప్పుడు స్టార్ హీరో రణబీర్ కపూర్ తో ఆదిపాడుతోంది. నెక్స్ట్ విక్కీ కౌశల్ ని లైన్ లో పెట్టింది.

యానిమల్ సూపర్ హిట్ అయితే బాలీవుడ్ లో మరిన్ని అవకాశాలు రష్మిక తలుపుతట్టే అవకాశం ఉంది. కియరా అద్వానీ కబీర్ సింగ్ తర్వాత బాలీవుడ్ లో స్టార్ హీరోయిన్ అయ్యింది. అలాగే సందీప్ రెడ్డి కూడా రష్మికని స్టార్ హీరోయిన్ గా ఇమేజ్ ఇస్తాడేమో చూడాలి. ఇదిలా ఉంటే విక్కీ కౌశల్ తో చేయబోయే మూవీ వచ్చే ఏడాది సెట్స్ పైకి వెళ్లనున్నట్లు టాక్.