రష్మిక క్యూట్ మాటలకు మహేష్ ఫిదా

సూపర్ స్టార్ మహేష్ బాబు రాకతో యానిమాల్ సినిమా ఈవెంట్ కు మరింత వైబ్ వచ్చింది. రాజమౌళి మహేష్ ఇద్దరు కూడా వారి మాటలతో సినిమాపై మరింత హైప్ క్రియేట్ చేశారు. ఇక మహేష్ అయితే చాలా రోజుల తరువాత ఇలా ఈవెంట్ లో కనిపించడంతో ఫ్యాన్స్ కూడా ఫిదా అయ్యారు. అయితే మహేష్ బాబు రష్మిక మందన్న మాటలకు కూడా ఫిదా అయ్యారు.

రష్మిక తో బాబు సరిలేరు నీకెవ్వరు సినిమాలో నటించిన విషయం తెలిసిందే. ఇక ఆ స్టైల్ కు తగ్గట్టుగానే రష్మిక ఈవెంట్ లో మహేష్ బాబు పై ప్రశంసలు కురిపించింది. చివరగా సో క్యూట్.. సో స్వీట్.. సో హ్యాండ్సమ్ అంటూ నవ్వుతూ పొగిడేసింది. ఇక ఆమె అలా చెప్పడంతో మహేష్ బాబు నవ్వుతూ ఆమెను దగ్గరకు తీసుకున్నాడు. అందుకు సంబంధించిన క్యూట్ వీడియో ప్రస్తుతం సోషల్ మీడియాలో వైరల్ గా మారింది.

అయితే ఈ ఈవెంట్ లో మహేష్ బాబు అందరి గురించి మాట్లాడిన తరువాత మహేష్ రష్మిక గురించి మాట్లాడడం మర్చిపోయారు. ఇక మళ్ళీ వెళ్లిపోయే టైమ్ లో మైక్ అందుకొని ఆమె గురించి మాట్లాడారు. నా సినిమాలన్నీటిలో హీరోయిన్స్ చాలా స్పెషల్ అని అలాగే రష్మికతో కూడా ఓ సినిమా చేసినందుకు చాలా హ్యాపీగా ఉందని అన్నారు. ఇక యానిమాల్ సినిమాలో కూడా తన నటన అద్బుతం అంటూ ఈ సినిమా ఆమెకు మంచి సక్సెస్ ఇవ్వాలని అన్నారు.

ఇక యానిమాల్ ప్రీ రిలీజ్ వేడుకలో రాజమౌళి మహేష్ సినిమాకు సంబంధించిన అప్డేట్ ఏదైనా ఉంటుందేమో అని ఫ్యాన్స్ అందరూ కూడా ఎంతో ఆతృతగా కనిపించారు. కానీ రాజమౌళి ఇది వేదిక కాదు అంటూ తొందరగానే అక్కడి నుంచి ఎస్కేప్ అయ్యారు. ఇక మహేష్ బాబును అడిగితే ఆయన చెప్పేలేదు కాబట్టి నేను కూడా అలానే ముగిస్తాను అని అన్నాడు.

వీరిద్దరి కాంబినేషన్ పై సినీ లవర్స్ అయితే భారీ అంచనాలు పెంచేసుకుంటున్నారు. ఇక ప్రస్తుతం రాజమౌళి అయితే స్క్రిప్ట్ పనుల్లోనే బిజీగా ఉన్నాడు. మరోవైపు మహేష్ గుంటూరు కారం సినిమాను పూర్తి చేసే పనుల్లో బిజీ అయ్యాడు. ఈ సినిమా జనవరికి రాబోతున్న విషయం తెలిసిందే. ఇక రాజమౌళి అయితే మహేష్ తో ముందుగా ఫిబ్రవరిలో వర్క్ షాప్ స్టార్ట్ చేసి అనంతరం రెగ్యులర్ షూట్ ను మొదలు పెట్టె అవకాశం ఉన్నట్లు తెలుస్తోంది.