విజయ్ కోసం రష్మిక త్యాగం..!

గీతా గోవిందంతో సూపర్ హిట్ అందుకున్న విజయ్ దేవరకొండ, రష్మిక ఆ సినిమాతో సూపర్ హిట్ జోడీగా క్రేజ్ తెచ్చుకున్నారు. ఆ సినిమా తర్వాత మళ్లీ డియర్ కామ్రేడ్ తో జత కట్టినా సినిమా అంత కమర్షియల్ సక్సెస్ అందుకోలేదు. సినిమా ఫ్లాపైనా సరే విజయ్ దేవరకొండ, రష్మిక జోడీకి సూపర్ పాపులారిటీ వచ్చింది. అందుకే విజయ్ తో మళ్లీ రష్మిక ఎప్పుడు నటిస్తున్నా అని ఈగర్ గా వెయిట్ చేస్తున్నారు. విజయ్ దేవరకొండ ప్రస్తుతం గౌతం తిన్ననూరితో సినిమా చేస్తున్నాడు. ఆ తర్వాత రవికిరణ్ కోలా డైరెక్షన్ లో సినిమా ఫిక్స్ చేసుకున్నాడు.

ఈ సినిమాలో రష్మిక హీరోయిన్ గా నటించే ఛాన్స్ ఉన్నట్టు తెలుస్తుంది. విజయ్ సినిమా అంటే రష్మిక మరో మాట మాట్లాడకుండా ఓకే అనేసింది. ఐతే ఇప్పుడు ఆమె డేట్స్ అడ్జెస్ట్ మెంట్ విషయంలో కాస్త టెన్షన్ పడుతుందని తెలుస్తుంది. యానిమల్ సినిమాతో పాన్ ఇండియా హిట్ అందుకున్న రష్మిక అక్కడ ఇక్కడ వరుస ఛాన్సులతో అదరగొట్టేస్తుంది. ఈ టైం లో విజయ్ తో సినిమా అనగానే సైన్ చేసిన రష్మిక ఆ సినిమా కోసం మరో సినిమా డేట్స్ త్యాగం చేస్తుందని తెలుస్తుంది.

సినిమా ఎప్పుడు మొదలవుతుంది అన్నది తెలియకపోయినా బంచ్ ఆఫ్ డేట్స్ ఈ సినిమా కోసం ఇచ్చేసిందట రష్మిక. ఈ గ్యాప్ లో వేరే సినిమా చేసే ఛాన్స్ ఉన్నా కూడా విజయ్ సినిమాకు తన డేట్స్ అందుబాటులో ఉంచడం కోసం మిగతా వాటిని కాదంటుందట. విజయ్ తో రష్మిక కు ఉన్న ఆ ఫ్రెండ్ షిప్ వల్ల అతని సినిమాకు ఫుల్ సపోర్ట్ అందించాలని చూస్తుంది రష్మిక. అంతేకాదు విజయ్ దేవరకొండ సాలిడ్ హిట్ కొట్టి కూడా చాలా కాలమైంది. అందుకే అతనికి మరో సూపర్ హిట్ ఇవ్వాలని స్ట్రాంగ్ గా ఫిక్స్ అయ్యింది అమ్మడు.

ఏది ఏమైనా విజయ్ దేవరకొండ రష్మిక ఇద్దరు కలిసి నటిస్తే చూడాలని ఇద్దరి ఫ్యాన్స్ ఎంతో ఆసక్తిగా ఉన్నారు. రవికిరణ్ కోలా లాంటి యంగ్ డైరెక్టర్ తో ఈసారి పక్కా టార్గెట్ తో విజయ్ సినిమా చేస్తున్నట్టు తెలుస్తుంది. గౌతం తిన్ననూరి సినిమా మొదలు పెట్టి అది షూటింగ్ మధ్యలో ఉన్న టైం లోనే రవి కిరణ్ సినిమా కూడా మొదలు పెట్టే ఆలోచనలో ఉన్నాడు విజయ్ దేవరకొండ. ఈ రెండు సినిమాలు పూర్తి చేసి శ్యామ్ సింగ రాయ్ డైరెక్టర్ రాహుల్ సంకృత్యన్ తో సినిమా చేసేలా ప్లాన్ చేశాడు విజయ్ దేవరకొండ.