వీడియో: అచ్చం రౌడీలా మారిన ర‌ష్మిక‌

ర‌ష్మిక‌మంద‌న `గీత గోవిందం` సహనటుడు విజయ్ దేవరకొండతో డేటింగ్ చేస్తున్నట్లు గత కొంతకాలంగా పుకార్లు ఉన్నాయి. ఆ ఇద్ద‌రూ ప‌లుమార్లు విహార‌యాత్ర‌ల‌కు వెళ్లిన‌ప్ప‌టి ఫోటోల‌ను షేర్ చేసి అభిమానులు పోలిక‌లు చూపించారు. తాజాగా రష్మిక ముంబై విమానాశ్రయంలో విజ‌య్ దేవ‌ర‌కొండ‌ బ్రాండ్ రౌడీ దుస్తుల్లో కనిపించింది. ర‌ష్మిక‌ మోచేతులు జేబులపై మొజాయిక్ నమూనాతో స్టైలిష్ ఆఫ్-వైట్ హూడీలో కనిపించింది. హూడీతో బ్లాక్ పలాజోస్ ను జత చేసింది. స్టైలిష్ గాగుల్స్ తో ర‌ష్మిక పోష్ గా క‌నిపించింది.

ఇక ఈ వీడియోతో అవే దుస్తుల్లో ప్ర‌చారం చేస్తున్న రౌడీ దేవ‌ర‌కొండ వీడియోని జ‌త చేసి సోష‌ల్ మీడియాల్లో బోలెడంత హంగామా సృష్టిస్తున్నారు.

ఒకే రోజు ఒకే త‌ర‌హా దుస్తుల్లో ర‌ష్మిక‌, విజ‌య్ దేవ‌ర‌కొండ క‌నిపించ‌డం స‌ర్ ప్రైజింగ్ ఎలిమెంట్. ర‌ష్మిక ముంబై విమానాశ్ర‌యంలో ఇలాంటి దుస్తుల్లో క‌నిపించ‌గా, అవే దుస్తుల్లో విజ‌య్ దేవ‌ర‌కొండ హైద‌రాబాద్ లో ఓటు వేసేందుకు వెళుతూ క‌నిపించాడు. ఒకే రోజు ఒకే డ్రెస్ ఇద్ద‌రూ ధ‌రించ‌డంతో అది అభిమానుల‌ను ఎంతో ఆక‌ర్షించింది. ప్ర‌స్తుతం ఈ జాయింట్ వీడియో అభిమానుల‌కు డ‌బుల్ ధ‌మాకా ట్రీట్ గా మారింది. రౌడీ బ్రాండ్ కి ప్ర‌చారం అదిరిపోయిందంటూ అభిమానులు కామెంట్లు చేస్తున్నారు.

అయితే ఆ ఇద్ద‌రూ ధ‌రించిన కామ‌న్ హుడీపై RWDY అని రాసి ఉంది. ఇది అంత‌ర్జాతీయ స్థాయిలో ప‌రిచ‌య‌మైన రౌడీ బ్రాండ్. త‌మ‌ దుస్తుల శ్రేణిలో ఈ బ్రాండ్ ప్ర‌త్యేక‌మైన‌ద‌ని ఇంత‌కుముందే రౌడీ విజ‌య్ దేవ‌ర‌కొండ వెల్ల‌డించారు. విజ‌య్, ర‌ష్మిక ఇద్ద‌రూ ధ‌రించిన హుడీల‌పై ఈ బ్రాండ్ నేమ్ ప్ర‌త్యేక ఆక‌ర్ష‌ణ‌గా మారింది. రౌడీ దుస్తుల శ్రేణిలో అంత‌ర్జాతీయ బ్రాండ్ కి ఆ ఇద్దరూ ఇలా ప్ర‌చారం చేసార‌న్న‌మాట‌.

కెరీర్ మ్యాట‌ర్ కి వ‌స్తే.. ర‌ష్మిక‌, దేవ‌ర‌కొండ ఎవ‌రికి వారు కెరీర్ ప‌రంగా బిజీగా ఉన్నారు. రష్మిక మందన్న తదుపరి సందీప్ రెడ్డి వంగా దర్శకత్వం వహించిన యానిమల్‌లో కనిపించనుంది. ఈ చిత్రంలో రణ్‌బీర్ కపూర్, అనిల్ కపూర్, బాబీ డియోల్ , శక్తి కపూర్‌లతో క‌లిసి న‌టించింది. ఈ చిత్రం గ్యాంగ్‌స్టర్ యాక్షన్ డ్రామా క‌థాంశంతో రూపొందింది. తండ్రీ కొడుకుల బంధాన్ని లోతుగా స్ప‌ర్శించే కంటెంట్ తో తెర‌కెక్కింది. ఈ చిత్రం డిసెంబర్ 1, శుక్రవారం థియేటర్లలోకి విడుద‌ల కానుంది. హిందీ, తెలుగు, తమిళం, మలయాళం మరియు కన్నడ భాషల్లో విడుదల కానుంది. సుకుమార్ తెర‌కెక్కిస్తున్న మోస్ట్ అవైటెడ్ చిత్రం పుష్ప 2: ది రూల్‌లో శ్రీవల్లి పాత్రను ర‌ష్మిక‌ తిరిగి పోషిస్తోంది. ఈ చిత్రంలో అల్లు అర్జున్, ఫహద్ ఫాసిల్ త‌మ పాత్ర‌ల‌ను తిరిగి పోషిస్తున్నారు. ప్రకాష్ రాజ్, సునీల్, జగపతి బాబు త‌దిత‌రులు న‌టిస్తున్నారు. ఈ సినిమా వచ్చే ఏడాది ఆగస్టు 15న వెండితెరపైకి రానుంది.

విజయ్ దేవరకొండ తదుపరి పరశురామ్ దర్శకత్వంలో ఫ్యామిలీ స్టార్ అనే చిత్రంలో నటించనున్నారు. ఈ చిత్రంలో దేవ‌ర‌కొండ‌కు జోడీగా మృణాల్ ఠాకూర్ న‌టించ‌నుంది. అజయ్ ఘోష్, దివ్యాంశ కౌశిక్ కీల‌క పాత్ర‌ల్లో నటిస్తున్నారు. గౌతమ్ తిన్ననూరి త‌దుప‌రి చిత్రం VD12 లోను క‌నిపిస్తాడు. ఈ చిత్రంలో రష్మిక మందన్న, మణికంఠ వారణాసి, కేశవ్ దీపక్ త‌దిత‌రులు న‌టిస్తున్నారు. మేకర్స్ నుండి అఫీషియల్ కన్ఫర్మేషన్ రావాల్సి ఉంది.