రష్మిక, విజయ్ మ్యాచింగ్ షర్ట్.. రాజుకున్న రూమర్స్!
ఇక ఇప్పుడు వారిద్దరికీ సంబంధించిన ఫోటోలు సోషల్ మీడియా లో వైరల్ గా మారుతున్నాయి.
By: Tupaki Desk | 26 July 2023 3:14 PM GMT
టాలీవుడ్ సినిమా ఇండస్ట్రీ లోనే కాకుండా సౌత్ ఇండస్ట్రీ మొత్తం లో కూడా బెస్ట్ కాంబినేషన్ క్రేజ్ అందుకున్న హీరో హీరోయిన్స్ లలో రష్మిక విజయ్ దేవరకొండ కూడా టాప్ లిస్టులో ఉంటారు అని చెప్పవచ్చు. వీరి సినిమాల కంటే వీరికి సంబంధించిన ఫోటోలు సోషల్ మీడియా లో బాగా వైరల్ అవుతూ ఉంటాయి. గీతగోవిందం సినిమా ఏ స్థాయిలో సక్సెస్ అయిందో ప్రత్యేకంగా చెప్పనవసరం లేదు.
ఆ సినిమా తర్వాత ఇద్దరి స్టార్టమ్ ఒక్కసారిగా పెరిగిపోయింది. అనంతరం వచ్చిన డియర్ కామ్రేడ్ అయితే పెద్దగా సక్సెస్ కాలేదు కానీ ఈ కాంబినేషన్ కు మాత్రం చాలా మంది ఫిదా అయ్యారు. ఇక ఆ రెండు సినిమా లతో విజయ్ రష్మిక మధ్యలో మంచి బాండింగ్ అయితే ఏర్పడింది. అయితే వీరి మధ్యలో ఏదో ఉన్నట్లు చాలా రకాల రూమర్స్ వైరల్ అవుతున్నప్పటికీ కూడా ఎన్నడూ వాటి పై పెద్దగా క్లారిటీ ఇచ్చిన సందర్భాలు అయితే లేవు.
విజయ్ దేవరకొండ మాత్రమే కొన్ని సందర్భాలలో మేమిద్దరం మంచి ఫ్రెండ్స్ అని క్లారిటీ ఇచ్చాడు. అయినప్పటికీ కూడా గాసిప్స్ డోస్ అయితే తగ్గడం లేదు. అయితే ఇటీవల రష్మిక మందన ఎయిర్ పోర్ట్ లో గల్లా చొక్కా వేసుకునే కనిపించింది. దానికి పర్ఫెక్ట్ గా మ్యాచ్ అయ్యేలా ఒక కార్గో ఫ్యాన్స్ కూడా ధరించింది. అయితే గతం లో ఇదే షర్ట్ తో విజయ్ దేవరకొండ కూడా ఎయిర్ పోర్ట్ లో దర్శనమిచ్చాడు.
ఇక ఇప్పుడు వారిద్దరికీ సంబంధించిన ఫోటోలు సోషల్ మీడియా లో వైరల్ గా మారుతున్నాయి. ఇది అనుకోకుండా జరిగిన మ్యాచింగా లేకుంటే విజయ్ ఏమైనా ఆమెకు కానుకగా దీన్ని ఇచ్చాడా అని అనేక రకాల గాసిప్స్ అయితే వైరల్ అవుతున్నాయి. ఇక గాసిప్స్ ఎప్పటిలానే అదే తరహాలో వైరల్ అవుతున్నప్పటికీ కూడా రష్మిక నుంచి ఎలాంటి రియాక్షన్ అయితే రావడం లేదు.
ఇక ప్రస్తుతం రష్మిక కేవలం టాలీవుడ్ ఇండస్ట్రీ లోనే కాకుండా బాలీవుడ్ లో కూడా వరుసగా సినిమాలు చేసుకుంటూ వెళ్తోంది. ముఖ్యంగా పుష్ప 2 లో కూడా నటిస్తున్న విషయం తెలిసిందే. మరొకవైపు విజయ్ దేవరకొండ ఖుషి సినిమా తో సిద్ధమవుతున్నాడు. అలాగే పరుశురామ్ దర్శకత్వంలో కూడా త్వరలోనే ఒక సినిమాను స్టార్ట్ చేయబోతున్నాడు.
