నిశ్చితార్థం చివ‌రికి పెళ్లికి దారి తీయ‌లేద‌న్న న‌టి

1994లో బ్లాక్‌బస్టర్ చిత్రం 'మోహ్రా' తర్వాత రవీనా టాండన్ - అక్షయ్ కుమార్‌ల అనుబంధం నిరంత‌రం హెడ్ లైన్స్ లో నిలిచింది. ఈ జంట‌ ఆన్-స్క్రీన్ రొమాన్స్ త్వరగా బాలీవుడ్ హాటెస్ట్ టాపిక్‌లలో ఒకటిగా మారింది. అప్ప‌ట్లో ఓ పుకార్ ప్రకారం.. ర‌వీనా-అక్ష‌య్ జంట‌ 90వ దశకం చివరిలో ఇరు కుటుంబాల స‌మ‌క్షంలో నిశ్చితార్థం కూడా చేసుకున్నారు. కానీ అనూహ్యంగా ఆ సంబంధం చెదిరిపోయింది. చివ‌రికి 1998లో ఆ ఇద్ద‌రూ విడిపోయారు.

వార్తా సంస్థ ఏఎన్ఐతో గ‌త‌ పోడ్‌కాస్ట్ సమయంలో రవీనాను అక్షయ్ కుమార్ చాప్టర్ గురించి, ఎంగేజ్‌మెంట్ గురించి అడిగారు. దానికి స్పందించిన ర‌వీనా టాండ‌న్ 'మర్చిపోయాను' అని చెప్పినా నెమ్మదిగా అస‌లు విష‌యం ఓపెన‌య్యారు. నిశ్చితార్థం వార్త చాలా సంవత్సరాలు రహస్యంగానే ఉంది. రవీనా టాండన్ చివరికి దీనిపై ఓపెనైంది. నిశ్చితార్థం జరిగినప్పటికీ అది పెళ్లికి దారితీయలేదని వెల్లడించింది.

''మేం మోహ్రా సమయంలో హిట్ పెయిర్.. ఇప్పుడు కూడా.. మేం సామాజికంగా ఒకరినొకరు కలుసుకుంటాం. అందరం కలుస్తుంటాం. అందరం చాట్ చేస్తాము. అందరూ ముందుకు వెళతారు'' అని అన్నారు. అంతేకాదు త‌న బంధం బ్రేక్ అవ్వ‌డాన్ని కాలేజ్ అమ్మాయిల బోయ్ ఫ్రెండ్స్ మార్పిడి వ్య‌వ‌హారంతో ముడి వేసారు ర‌వీనా. ''కాలేజీలలో అమ్మాయిలు ప్రతి వారం తమ బాయ్‌ఫ్రెండ్‌లను మార్చుకుంటున్నారు. కానీ ఒక నిశ్చితార్థం బ్రేక‌యింది. ఇప్పటికీ నా తలపై దానిని రుద్దేశారు. ఎందుకో నాకు తెలియదు. అందరూ ముందుకు వెళతారు.. ప్రజలు విడాకులు తీసుకుంటారు.. వారు ముందుకు సాగుతారు.. ఇందులో పెద్ద విషయం ఏం ఉంది? '' అంటూ ర‌వీనా ఎదురు ప్ర‌శ్నించారు.

ఇటీవల రవీనా మొహ్రా నుండి టిప్ టిప్ బర్సా పానీ షూటింగ్ గురించి కూడా మీడియా చ‌ర్చించింది. అక్షయ్ కుమార్ -రవీనా టాండన్ ల‌పై రెయిన్ సాంగ్ తెర‌ను మ‌రిగించింది. ఐకానిక్ టిప్ టిప్ బర్సా పానీ పాట‌లో ఇప్పటికీ ఈ జంట‌ అద్భుతమైన కెమిస్ట్రీని మ‌ర్చిపోలేరు. కానీ రవీనా దాని కోసం చాలా క‌ష్ట‌ప‌డాల్సి వచ్చింద‌ని.. మోకాళ్ల నుండి రక్తస్రావం అయింద‌ని, అధిక జ్వరం.. చాలా నొప్పిని చిత్రీక‌ర‌ణ స‌మ‌యంలో భ‌రించామ‌ని తెలిపింది.

ట్యాంకర్ నుండి చల్లటి గ‌డ్డ‌క‌ట్టిన‌ నీటిని మీద చ‌ల్లేవార‌ని, వేడిచేసిన నీరు కాదు! అని కూడా ర‌వీనా చెప్పింది. ఈ పాట‌ను సెట్లో చిత్రీక‌రించారు. రాళ్ళు గోర్లు కారణంగా ఆమె మోకాలి ప్యాడ్‌లు లేదా మడమలను ధరించలేకపోయింది. త‌న‌ మోకాళ్ల‌ చీలమండల నుండి రక్తస్రావం అయ్యింది. తుప్పుపట్టిన గోరు ఆమె పాదానికి గుచ్చుకోవడంతో చికిత్స‌ తీసుకోవలసి వచ్చింది. ఇదంతా గ్లామరస్‌గా కనిపిస్తోంది.. ఈ కుర్రాళ్లు బ్లాస్ట్ అవ్వాల‌ని అనుకుంటారు. కానీ అక్కడ ఏమీ జరగలేదు! పైగా ఈ పాట చిత్రీక‌ర‌ణ సమ‌యంలో చాలా బాధ‌లు అనుభ‌వించాం. ముఖం మాత్రమే సంతోషంగా ఉంది. పదే పదే చల్లటి జల్లులు మీద‌ కురిసిన తర్వాత రెండో రోజు నాకు జ్వరం వచ్చింది. ఆ తర్వాత మూడు రోజులు అలాగే షూట్ లో పాల్గొన్నాను! అని ర‌వీనా చెప్పింది.

కట్ చేస్తే.. 2024 మూవీ వెల్‌కం 3లో రవీనా టాండన్ - అక్షయ్ కుమార్ తిరిగి క‌లిసి న‌టిస్తున్నారు. వెల్‌కమ్ టు ది జంగిల్ అనేది టైటిల్. ఇది భారీ మ‌ల్టీస్టారర్ చిత్రంగా రికార్డుల‌కెక్కింది.