న‌టించ‌నంటే...నీకు పిచ్చి ప‌ట్టిందా? అన్నారు!

బాలీవుడ్ లో షారుక్ ఖాన్ -ర‌వీనా టాండ‌న్ సూప‌ర్ జోడీ గురించి చెప్పాల్సిన ప‌నిలేదు. 'యే ల‌మ్హే జుదాయి కే', 'జాదు', 'జ‌మానా దీనావా' లాంటి హిట్ సినిమాలు అప్ప‌ట్లో ట్రెండ్ సెట్ట‌ర్ గా నిలిచాయి. ఆ త‌ర్వాత ఇదే కాంబినేష‌న్ లో మ‌రో సినిమాకి రంగం సిద్ద‌మైంది. అయితే ఆ సినిమా ప‌ట్టాలెక్క‌లేదు. అయితే అందుకు కార‌ణంగా ర‌వీనా టాండ‌న్ అని ఆల‌స్యంగా వెలుగులోకి వ‌చ్చింది.

'షారుక్ ఖాన్ తో మ‌రో సినిమా చేయ‌మ‌ని న‌న్నే అడిగారు. క‌థ‌, అందులో నా పాత్ర నాకెంతో న‌చ్చాయి. సినిమాకి సంత‌కం చేసే స‌మ‌యంలో కాస్ట్యూమ్స్ గురించి చ‌ర్చించారు. యూనిట్ నేను ధరించాల్సిన దుస్తుల గురించి చెప్పిన‌ప్పుడు షాక్ అయ్యాను. చాలా ఇబ్బందిగా అనిపించింది. నాకే ఏమాత్రం ఆ బ‌ట్ట‌లు సౌక‌ర్య‌వ‌తంగా అనిపించ‌లేదు. ఇదేం పెద్ద విష‌యం కాదు. కానీ న‌చ్చ‌క సినిమాలో న‌టించ‌న‌ని నో చెప్పేసాను.

ఈ విష‌యం తెలిసి షారుక్ ఖాన్ షాక్ అయ్యారు. నీకు పిచ్చి ప‌ట్టిందా? నో చెప్పాల్సిన అవ‌స‌రం ఏముంది? అన్నారు. మ‌నిద్ద‌రం క‌లిసి మ‌రెన్నో సినిమాల‌తో ప్రేక్ష‌కుల్ని అల‌రించాలి. కానీ ఆ త‌ర్వాత కాస్ట్యూమ్స్ విష‌యాన్ని ఆయ‌నా అర్దం చేసుకున్నారు' అని తెలిపింది. ఇంత‌కీ ఆసినిమా ఏది? అంటే 'డ‌ర్' అని చెప్పొచ్చు. ఈసినిమాలో న‌టించ‌మ‌నే ర‌వీనాని అడ‌గ‌గా.. ఆమె నో చెప్పిన‌ట్లు గ‌తంలో ఓ సంద‌ర్భంలో అన్నారు.

ప్ర‌స్తుతం ర‌వీనా టాండ‌న్ సెకెండ్ ఇన్నింగ్స్ లో కూడా బిజీగా ఉన్న సంగ‌తి తెలిసిందే. బాలీవుడ్ తో పాటు సౌత్ సినిమాలు కూడా చేస్తున్నారు. 'కేజీఎఫ్' సినిమాతో మ‌రింత ఫేమ‌స్ అయ్యారు. ర‌మికా సేన్ పాత్ర‌లో ప్రేక్ష‌కుల్ని అల‌రించారు. ప్ర‌స్తుతం వెల్ క‌మ్ టు ది జంగిల్ లో న‌టిస్తున్నారు.