న్యూ ఇయర్ కి వెంకీ నవ్వుల హంగామా..!

టైటిల్ చూడగానే వెంకటేష్ సినిమా ఏదైనా న్యూ ఇయర్ కి రిలీజ్ అవుతుందని డౌట్ రావడం సహజమే.. కానీ ఇక్కడ ప్రస్థావించింది వెంకీ మామ గురించి కాదు వెంకీ సినిమా గురించి. లాస్ట్ ఇయర్ నుంచి టాలీవుడ్ లో రీ రిలీజ్ ట్రెండ్ కొనసాగుతుంది. హీరోల బర్త్ డే సందర్భంగా వారి సూపర్ హిట్ సినిమాలను రీ రిలీజ్ చేస్తూ వాటి ద్వారా వచ్చిన అమౌంట్ ని మంచి కార్యక్రమాలకు వాడుతున్నారు. స్టార్ సినిమాలతో పాటుగా ఆడియన్స్ ని ఎంటర్టైన్ చేసిన కొన్ని సినిమాలు రీ రిలీజ్ అవుతున్నాయి. వాటిలో 3, ఈ నగరానికి ఏమైంది సినిమాలు ఉన్నాయి.

తరుణ్ భాస్కర్ డైరెక్ట్ చేసిన ఈ నగరానికి ఏమైంది సినిమా రీసెంట్ గా రీ రిలీజై షాకింగ్ కలెక్షన్స్ రాబట్టుకుంది. స్టార్ హీరో సినిమా వసూళ్లకు ఈక్వల్ గా ఈ సినిమా కలెక్ట్ చేసింది. ఇక అదే దారిలో మరో సూపర్ కామెడీ మూవీ వెంకీ రీ రిలీజ్ ప్లాన్ చేస్తున్నారు.

మాస్ మహరాజ్ రవితేజ, శ్రీను వైట్ల కాంబినేషన్ లో వచ్చిన వెంకీ సినిమా రిలీజై 20 ఏళ్లకు దగ్గరగా ఉంది. అందుకే ఈ సినిమాను రీ రిలీజ్ ప్లాన్ చేస్తున్నారు. వెంకీ సినిమాను డిసెంబర్ 30, 31, 1 మూడు రోజులు ప్రదర్శించేలా ప్లాన్ చేస్తున్నారు.

శ్రీను వైట్ల డైరెక్షన్.. రవితేజ టైమింగ్ ఈ సినిమాకు ప్లస్ పాయింట్. ఇక ట్రైన్ కామెడీ ఈ సినిమాకే హైలెట్ అని చెప్పొచ్చు. ఇప్పటికీ ఈ సినిమాలోని సీన్స్ యూట్యూబ్ లో చూసి ఎంజాయ్ చేస్తుంటారు ఆడియన్స్. రీ రిలీజ్ కి వెంకీ పర్ఫెక్ట్ అని చెప్పొచ్చు. తప్పకుండా న్యూ ఇయర్ కి అందరికి నవ్వులు పండించేలా వెంకీ హంగామా ఉండబోతుందని చెప్పొచ్చు. శ్రీను వైట్ల, రవితేజ కాంబినేషన్ లో వచ్చిన ఈ సినిమా రవితేజ కెరీర్ బెస్ట్ మూవీస్ లో ఒకటిగా నిలిచింది.

రీ రిలీజ్ సినిమాల హడావిడిలో ఫ్యాన్స్ అత్యుత్సాహం హీరోలకు కొత్త తలనొప్పి తెస్తుంది. వారి ఉత్సాహాన్ని ఆపుకోలేని కొందరు థియేటర్ లో విధ్వంసాన్ని సృష్టిస్తున్నారు.

తెరని చించడం, క్రాకర్స్ కాల్చడం లాంటివి చేసి రీ రిలీజ్ సినిమా జోష్ ని ఒక ఇబ్బంది కరమైన వాతావరణంగా చేస్తున్నారు. సినిమాను ఇన్నేళ్ల తర్వాత మళ్లీ థియేటర్ లో చూడటం ఎగ్జైట్మెంట్ అనిపించినా థియేటర్ ప్రాపర్టీని చెడగొట్టే పనులు చేయడమన్నది సరైనది కాదని చెప్పొచ్చు.