స్పెష‌ల్ ప్లైట్ లో రాజా అండ్ కో..ప్లానింగ్ పెద్ద‌దే!

ఇక్క‌డ రీమేక్..అక్క‌డ ఒరిజ‌న‌ల్ వెర్ష‌న్ కి సీక్వెల్ ఇలా రెండు ఒకేసారి చోటు చేసుకోవ‌డం అన్న‌ది చాలా రేర్. ఇంకా స‌ర్ ప్రైజ్ ఏంటి అంటే? ఆ సీక్వెల్ ప్రారంభోత్స‌వానికి మ‌న స్టార్లు హైద‌రాబాద్ నుంచి ప్ర‌త్యేక ప్లైట్ లో వెళ్ల‌డం. ఇలా ఇంత‌వ‌ర‌కూ సినిమా చ‌రిత్ర‌లో చోటు చేసుకుని ఉండ‌క‌పోవ‌చ్చు. ఇంత‌కీ ఏంటా సినిమా? హైద‌రాబాద్ వెళ్లిన ఆ గ్యాంగ్ ఎవ‌రు? అంటే వివ‌రాల్లోకి వెళ్లాల్సిందే.

మాస్ రాజా ర‌వితేజ క‌థ‌నాయ‌కుడిగా హ‌రీష్ శంక‌ర్ ద‌ర్శ‌క‌త్వంలో `మిస్ట‌ర్ బ‌చ్చ‌న్` అనే సినిమా తెర‌కెక్కు తోన్న సంగ‌తి తెలిసిందే. ప్రస్తుతం ఈ సినిమా ఆన్ సెట్స్ లో ఉంది. ఇది బాలీవుడ్ హిట్ చిత్రం `రైడ్` కి రీమేక్ అన్న సంగ‌తి తెలిసిందే. 2018లో రాజ్ కుమార్ గుప్తా దర్శకత్వంలో అజయ్ దేవగణ్ హీరోగా 1980ల్లో జరిగిన ఓ నిజ సంఘటన ఆధారంగా తెర‌కెక్కించి సక్సెస్ అందుకున్నారు.

ఓ రాజకీయ నాయకుడి ఇంట్లో ఇన్‌కం ట్యాక్స్ ఆఫీసర్ రైడ్ కి వస్తే అక్కడ జరిగిన పరిణామాలు ఏంటి? అతన్ని ఆ రాజకీయ నాయకుడు ఎలా ఇబ్బంది పెట్టాడు? అతని ఫ్యామిలీ.. కథాంశంతో రైడ్ సినిమాని ఎంతో ఆసక్తిక‌రంగా మ‌లిచారు. తాజాగా ఈ సినిమాకి బాలీవుడ్ లో సీక్వెల్ కూడా నేడు ప్రారంభ‌మైంది.

ఈ సినిమాని కూడా రాజ్ కుమార్ గుప్తా తెరెక్కిస్తున్నారు. `రైడ్-2` టైటిల్ తో అదే కాంబినేష‌న్ లో ప్రారంభ మైంది.

అయితే ఈ సినిమా లాచింగ్ కి మాస్ రాజా ర‌వితేజ‌..ద‌ర్శ‌కుడు హ‌రీష్ శంక‌ర్..ఆ చిత్రానికి సంబంధించిన మ‌రో ఇద్ద‌రు స‌భ్యులు వెళ్ల‌డం విశేషం. అంతా నేటి ఉదయం స్పెషల్ ఫ్లైట్ లో హైదరాబాద్ నుంచి ముంబై కి వెళ్లారు. ఇక్క‌డ సినిమా సెట్స్ లో ఉండ‌గా...సీక్వెల్ ప‌ట్టాలెక్కించ‌డం విశేషం. దీంతో అప్పుడే కొత్త ప్ర‌చారం ఊపందుకుంటుంది. అప్పుడే మాస్ రాజా రైడ్ -2 రైట్స్ క‌న్నేసాడా? అన్న అంశం చ‌ర్చ‌కొస్తుంది.