ఓవ‌ర్ చేయ‌కురోయ్.. డైరెక్ట‌ర్‌కి మాస్ రాజా వార్నింగ్

వెట‌కారం వ్యంగ్యం విరుపు హ‌రీష్ శంక‌ర్ ప్ర‌త్యేక‌త‌. అది అత‌డి బాడీ లాంగ్వేజ్ లోనే ఉంది. త‌న సినిమాల హీరోల‌ను అలానే చూపిస్తారు కూడా. మాస్ యాక్ష‌న్ సినిమాల‌ డైరెక్ట‌ర్ గా పాపుల‌రైన హ‌రీష్ శంక‌ర్ ఇప్పుడు మాస్ మ‌హారాజా ర‌వితేజ‌ను డైరెక్ట్ చేస్తున్న సంగ‌తి తెలిసిందే. మిర‌ప‌కాయ్ జోడీ రిపీట‌వుతోంద‌ని అభిమానులు సంబ‌రాలు చేసుకుంటున్నారు.

ఇక హ‌రీష్ శంక‌ర్ ఏకంగా మిర‌ప‌కాయ్ ర‌వితేజ‌తో వెట‌కారం ఆడితే ఎలా ఉంటుందో ఇదిగో ఈ స‌న్నివేశం చెబుతోంది. ఇట్నుంచి ఒక పంచ్ ప‌డితే అట్నుంచి రివ‌ర్స్ పంచ్ ప‌డింది. ఇంత‌కీ హ‌రీష్ కి ర‌వితేజ‌కు మ‌ధ్య ఏం జ‌రిగింది? అంటే.. డీటెయిల్స్ లోకి వెళ్లాలి.

ప్ర‌స్తుతం ఈ జోడీ 'మిస్టర్ బచ్చన్' సినిమా కోసం మూడోసారి క‌లిసి ప‌ని చేస్తున్న సంగతి తెలిసిందే. ఇటీవ‌ల సినిమా ప్ర‌మోష‌న్స్ లో టీమ్ బిజీగా ఉంది. ప్రస్తుతం సాంగ్ షూట్ కాశ్మీర్ లోయలో జరుగుతోంది. లొకేష‌న్ నుంచి ఒక అరుదైన ఫోటోని షేర్ చేసిన హ‌రీష్ శంక‌ర్ దానికి ఇచ్చిన క్యాప్ష‌న్ అదిరిపోయింది.

ప్రపంచంలో అందరికీ వయసొస్తోంది… అన్నయ్య కి తప్ప! #కశ్మీర్ వ్యాలీలో గొప్ప షూటింగ్ జరిగింది... త్వరలో హైదరాబాద్‌లో ల్యాండ్ అవుతున్నాం! అని హ‌రీష్ క్యాప్ష‌న్ లో తెలిపారు. హ‌రీష్ షేర్ చేసిన‌.. ర‌వితేజ ఆన్ లొకేష‌న్ ఫోటోగ్రాఫ్ ఎంత‌గానో ఆక‌ట్టుకుంది. అయితే హ‌రీష్ పంచ్ కి రివ‌ర్స్ పంచ్ ఇచ్చాడు ర‌వితేజ‌. అత‌డు సరదాగా స్పందిస్తూ ఎక్స్ ఖాతాలో ఆ లింక్ ని షేర్ చేస్తూ ఇలా రాసారు. ''ఓవర్ చేయకు రోయ్‌.. నీ దిష్టే తగిలేలా ఉందీ..'' అని వ్యాఖ్యానించారు. సామాజిక మాధ్య‌మాల్లో ఇప్పుడు వారి అభిమానులు ఈ స‌ర‌దా ప‌రిహాసం గురించి ముచ్చ‌టించుకుంటున్నారు. ఆ ఇద్ద‌రి మ‌ధ్యా స‌న్నిహిత బంధం ఎలాంటిదో అంద‌రికీ తెలుసు. వారి మ‌ధ్య కెమిస్ట్రీ వ‌ర్క‌వుట‌వ్వ‌డానికి ఇది స‌హ‌క‌రిస్తుంది. మిస్ట‌ర్ బ‌చ్చ‌న్ రూపంలో బ్లాక్ బ‌స్ట‌ర్ సినిమాని అందిస్తార‌నే అంతా భావిస్తున్నారు. టిజి విశ్వ ప్రసాద్ నిర్మిస్తున్న ఈ చిత్రంలో భాగ్యశ్రీ బోర్స్ కథానాయికగా నటిస్తుండగా, జగపతిబాబు కీలక పాత్రలో నటిస్తున్నారు.