రవితేజ 'టైగర్'.. అసలు వేటకు డేట్ ఫిక్స్

మాస్ మహారాజ్ రవితేజ హీరోగా వంశీకృష్ణ ఆకెళ్ళ దర్శకత్వంలో తెరకెక్కుతోన్న సినిమా టైగర్ నాగేశ్వరరావు. స్టువర్టుపురం దొంగగా ప్రసిద్ధి చెందిన టైగర్ నాగేశ్వరరావు బయోపిక్ లా ఈ చిత్రాన్ని సిల్వర్ స్క్రీన్ పై ఆవిష్కరించే ప్రయత్నం చేస్తున్నారు. దసరాకి ఈ మూవీ ప్రేక్షకుల ముందుకి రావడానికి సిద్ధమవుతోంది. అభిషేక్ అగర్వాల్ ఆర్ట్స్ బ్యానర్ పై భారీబడ్జెట్ తో ఈ చిత్రాన్ని నిర్మిస్తున్నారు.

రియల్ లైఫ్ సంఘటనలకి సినిమాటిక్ టచ్ ఇస్తూ యాక్షన్ బ్యాక్ డ్రాప్ లో పీరియాడిక్ మూవీగా ఈ చిత్రాలన్నీ తెరకెక్కిస్తున్నారు. షూటింగ్ కంప్లీట్ చేసుకొని ప్రస్తుతం పోస్ట్ ప్రొడక్షన్ వర్క్ జరుగుతోంది. ఇప్పటికే ఈ సినిమా ఫస్ట్ లుక్ ప్రేక్షకుల ముందుకి వచ్చింది. తాజాగా మరో ఇంటరెస్టింగ్ అప్డేట్ ని చిత్ర యూనిట్ ఎనౌన్స్ చేసింది. ఆగష్టు 17న టైగర్ నాగేశ్వరరావు టీజర్ ని రిలీజ్ చేస్తున్నట్లు ప్రకటించారు.

ఇంటరెస్టింగ్ పోస్టర్ తో టీజర్ డేట్ అనౌన్స్ చేశారు. టైగర్ నాగేశ్వరరావు గెటప్ లో రవితేజ లెదర్ బెల్టు చెప్పులు వేసుకొని ఉన్న ఈ స్టిల్ మాస్ రాజా అభిమానులని ఆకట్టుకుంటుంది. నుపుర్ సనన్ ఈ చిత్రంతో హీరోయిన్ గా టాలీవుడ్ లోకి అడుగుపెడుతోంది. గాయత్రీ భరద్వాజ్ మరో హీరోయిన్ గా నటిస్తోంది. తమిళ్ స్టార్ మ్యూజిక్ డైరెక్టర్ జీవీ ప్రకాష్ కుమార్ సంగీతం అందిస్తున్నారు.

రవితేజ కెరియర్ లో హైయెస్ట్ బడ్జెట్ మూవీగా పాన్ ఇండియా స్థాయిలో ఈ చిత్రం తెరకెక్కుతోన్న సంగతి తెలిసిందే. రావణాసుర ఫ్లాప్ తర్వాత రవితేజ నుంచి ఈ ఏడాది ప్రేక్షకుల ముందుకి రాబోతున్న మూడో సినిమాగా టైగర్ నాగేశ్వరరావు నిలవనుంది. మరి ఈ మూవీ దసరా బరిలో ప్రేక్షకులని ఏ మేరకు అలరిస్తుందనేది చూడాలి.

ఇక రవితేజ కూడా టైగర్ నాగేశ్వరరావు చిత్రంపై చాలా ఎక్స్ పెక్టేషన్స్ పెట్టుకున్నారు. ఆయన కెరియర్ లో కంప్లీట్ డిఫరెంట్ జోనర్ లో చేస్తోన్న బయోపిక్ మూవీ ఇదే కావడం విశేషం. ఈ మూవీ సూపర్ హిట్ అయితే మరిన్ని రియల్ లైఫ్ స్టోరీస్ ప్రేక్షకుల ముందుకి వచ్చే అవకాశం ఉంటుంది.