మైసూరు నుంచి # RC 16 హంటింగ్!

గ్లోబ‌ల్ స్టార్ రామ్ చ‌ర‌ణ్ 16వ చిత్రం బుచ్చిబాబు ద‌ర్శ‌క‌త్వంలో ప్రారంభ‌మైన సంగ‌తి తెలిసిందే. కానీ ఇంత‌వ‌ర‌కూ ఈ సినిమా రెగ్యుల‌ర్ షూటింగ్ మొద‌ల‌వ్వ‌లేదు. 'గేమ్ ఛేంజ‌ర్' షూటింగ్ ముగింపుకు చేరుకున్నా? చ‌ర‌ణ్ మాత్రం ఆర్సీ 16 షూట్ కి వెళ్ల‌డం లేదు. దీంతో ఈ సినిమా ఈ ఏడాది షూటింగ్ మొద‌ల‌వుతుందా? వ‌చ్చే ఏడాది మొద‌లు పెడ‌తారా? అన్న సందేహాలు సైతం తెర‌పైకి వ‌చ్చాయి. ఈ నేప‌థ్యంలో తాజాగా షూటింగ్ అప్ డేట్ వ‌చ్చేసింది.

ఈ నెల 22 నుంచి మైసూర్ లో రెగ్యుల‌ర్ షూటింగ్ మొద‌ల‌వుతుంది. అదే తొలిషెడ్యూల్.మొద‌లైన నాటి నుంచి కొన్ని రోజుల పాటు నిర‌వ‌ధికంగా మైసూర్ లోనే షూటింగ్ జ‌రుగుతుంద‌ని స‌మాచారం. అయితే ఈ షెడ్యూల్ లో రామ్ చ‌ర‌ణ్ పాల్గొంటాడా? అలాగే హీరోయిన్ జాన్వీ క‌పూర్ హాజ‌ర‌వుతుందా? లేక వీళ్లిద్ద‌రు లేని స‌న్నివేశాల‌తో షూట్ ప్రారంభం అవుతుందా? అన్న‌ది క్లారిటీ రావాలి. అయితే రామ్ చ‌ర‌ణ్ సినిమా షూటింగ్ లు ఎక్కువ‌గా మైసూర్ లో జ‌రుగుతుంటాయి.

ఆయ‌న హీరోగా న‌టించే ఏ సినిమా అయినా ఓ షెడ్యూల్ మైసూర్ లో త‌ప్ప‌క ప్లాన్ చేస్తుంటారు. ఇలాంటి ప్లానింగ్ చూసి అప్పుడ‌ప్పుడు సెంటిమెంట్ గా మైసూర్ లో షూట్ చేస్తున్నారా? స‌న్నివేశాలు డిమాండ్ చేస్తున్నాయా? అన్న సందేహం సైతం వ‌స్తుంది. ఏది ఏమైనా మైసూర్ లొకేష‌న్ కి చర‌ణ్ కి అయితే కలిసొచ్చిన అంశంమే. ఆయ‌న హీరోగా న‌టించిన చాలా సినిమాల షూటింగ్ మైసూర్ లో జ‌రిగాయి. అవి మంచి విజ‌యం సాధించాయి.

ఇప్పుడు ఆర్సీ 16 తొలి షెడ్యూల్ నే అక్క‌డ ప్లాన్ చేయ‌డం విశేషం. ఇక ఈసినిమాలో చ‌ర‌ణ్ కి జోడీగా జాన్వీ క‌పూర్ న‌టించ‌డం ఓ ఎత్తైతే? మ్యూజిక్ లెజెండ్ రెహ‌మాన్ సంగీతం అందించ‌డం మ‌రో విశేషం. ఆయ‌న అందించిన పాట‌ల‌పై ఇప్ప‌టికే ద‌ర్శ‌కుడు బుచ్చిబాబు ఎంతో ధీమాగా ఉన్నాడు. బుచ్చిబాబు రెహ‌మాన్ అభిమాని. ఆయ‌న సంగీతం అంటే చెవి కోసుకుంటాడు. అందుకే ఎలాగైనా రెండ‌వ సినిమా రెహ‌మాన్ తో ప‌నిచేయాల‌ని ప‌ట్టుబ‌ట్టి మ‌రీ ఆయ‌న్ని ఒప్పించాడు.