మైసూర్ నుంచి చ‌ర‌ణ్ మొద‌లెడుతున్నాడా?

`గేమ్ ఛేంజ‌ర్` షూటింగ్ పూర్త‌యింది. ప్ర‌స్తుతం ఆ సినిమా పోస్ట్ ప్రొడ‌క్ష‌న్ ప‌నులు శ‌ర వేగంగా జ‌రుగుతున్నాయి. అయితే రామ్ చ‌ర‌ణ్ ఇంకా ఆర్సీ -16 షూటింగ్ మొద‌లు పెట్ట‌లేదు. `గేమ్ ఛేంజ‌ర్` షూట్ పూర్తి చేసిన నాటి నుంచి ఎలాంటి వెకేష‌న్ల‌కు వెళ్ల‌కుండా హైద‌రాబాద్ లో సొంత ప‌నుల్లో బిజీ అయ్యారు. డాడ్ కి వివిధ ర‌కాల అవార్డులు.. రివార్డులు రావ‌డంతో? ఆ క్ష‌ణాల్ని స్వ‌యానా చూస్తూ ఆస్వాదిస్తున్నాడు.

మ‌రి ఆర్సీ 16 షూటింగ్ ఎప్ప‌టి నుంచి మొద‌లు పెడుతున్నారంటే? తాజాగా ఆ విష‌యం వెలుగులోకి వ‌చ్చింది. ఈనెల 22 నుంచి రెగ్యులర్ షూటింగ్ మైసూరులో మొద‌ల‌వుతుంద‌ని స‌మాచారం. దాదాపు 15 రోజుల పాటు నాన్ స్టాప్ గా అక్క‌డే షూటింగ్ చేస్తారు. ఇందులో రామ్ చ‌ర‌ణ్ స‌హా కీల‌క న‌టులంతా పాల్గొంటారు. అయితే ఈ షెడ్యూల్ జాన్వీ క‌పూర్ జాయిన్ అవుతుందా? లేదా? అన్న‌ది ఇంకా క్లారిటీ రాలేదు. అలాగే అక్క‌డ తెర‌కెక్కించే స‌న్నివేశాలు ఎలాంటి దన్న‌ది బ‌య‌ట‌కు రాలేదు.

ద‌ర్శ‌కుడు బుచ్చిబాబు ప్ర‌స్తుతం ఆ షెడ్యూల్ కి సంబంధించిన ప‌నుల్లోనే బిజీగా ఉన్న‌ట్లు స‌మాచారం. ఈ చిత్రాన్ని కొన్ని నెల‌ల క్రిత‌మే ప్రారంభించిన సంగ‌తి తెలిసిందే. కానీ గేమ్ ఛేంజ‌ర్ షూటింగ్ అనుకున్న స‌మ‌యానికి పూర్తికా క‌పోవ‌డంతో చ‌ర‌ణ్ డేట్లు ఇచ్చే ప్లానింగ్ మారింది. దీంతో ఆర్సీ 16 షూటింగ్ కూడా డిలే అయింది. ఎట్టకేల‌కు 22 నుంచి షురూ చేస్తున్నారు.

15 రోజుల షూట్ అనంత‌రం ఆ షెడ్యూల్ కి కొన‌సాగింపు గా హైద‌రాబాద్లోనూ షూటింగ్ నిర్వ‌హిస్తార‌ని తెలిసింది. అంటే చ‌ర‌ణ్ 22 నుంచి మ‌ళ్లీ బిజీ. వ‌చ్చే ఏడాది ముగింపు క‌ల్లా ఈ సినిమా రిలీజ్ అయ్యే అవ‌కాశం ఉంది. అన్ని ప‌నులు అనుకున్న విధంగా జ‌రిగితే అది సాద్య‌మ‌వుతుంది. లేదంటే 2026లోనే ఈ చిత్రం ప్రేక్ష‌కుల ముందుకొచ్చేది.