సూపర్‌ హిట్ మూవీ ఓటీటీ స్ట్రీమింగ్‌ కి రెడీ

ఈ మధ్య కాలంలో మలయాళ సినీ ఇండస్ట్రీ నుంచి భారీ బ్లాక్ బస్టర్ సినిమాలు చాలా తక్కువ అయ్యాయి. గడచిన రెండు మూడు ఏళ్లలో చాలా తక్కువ సినిమాలు మాత్రమే మలయాళ బాక్సాఫీస్ వద్ద రూ.50 కోట్లు అంతకు మించి వసూళ్లు సాధించిన సినిమాలు ఉన్నాయి. అందులో ఒకటి RDX (రాబర్ట్ డోనీ జేవియర్). ఈ సినిమా రూ.80 కోట్లకు పైగా వసూళ్లు సాధించింది.

గత నెల 25వ తారీకు ప్రేక్షకుల ముందుకు వచ్చిన ఈ సినిమా ను రేపు అంటే సెప్టెంబర్‌ 24న ప్రముఖ ఓటీటీ నెట్ ఫ్లిక్స్ ద్వారా ప్రేక్షకుల ముందుకు తీసుకు రాబోతున్నట్లుగా అధికారికంగా ప్రకటన వచ్చింది. మొదట మలయాళ వర్షన్ లో మాత్రమే సినిమాను స్ట్రీమింగ్ చేయబోతున్నట్లుగా తెలుస్తోంది.

2018 సినిమా తర్వాత ఆ స్థాయి విజయాన్ని సొంతం చేసుకున్న సినిమా గా ఈ సినిమా నిలిచింది. కనుక ఓటీటీ లో స్ట్రీమింగ్ కోసం ప్రేక్షకులు చాలా ఆసక్తిగా ఎదురు చూస్తున్నారు. జాతీయ మీడియాలో ఈ సినిమా గురించి పెద్ద ఎత్తున కథనాలు రావడంతో ఇతర భాషల ప్రేక్షకులు కూడా సినిమా కోసం వెయిట్ చేస్తున్నారు.

ఈ వీకెండ్ లో భాష తో సంబంధం లేకుడా ఓటీటీ ప్రేక్షకులు ఆర్‌డీఎక్స్ సినిమాను నెట్‌ ఫ్లిక్స్ లో ఎంజాయ్ చేయవచ్చు. ఈ చిత్రంలో షేన్‌ నిగమ్‌, ఆంటోని వర్గీస్‌, నీరజ్‌ మాధవ్‌, లాల్‌, బాబు ఆంటోనీ, మహిమా నంబియార్‌, ఐమా రోస్మీ ఇంకా పలువురు నటీ నటులు నటించారు. నహాస్‌ హిదాయత్‌ దర్శకత్వంలో ఈ సినిమా రూపొందింది.