స్టార్ హీరోతో రెజీనా రొమాన్స్..పంట పండిన‌ట్లే!
అయితే ఇప్ప‌టివ‌ర‌కూ ఒక లెక్క...ఇక నుంచి మ‌రో లెక్క! అంటోంది. అవును తాజాగా రెజీనాకి ఏకంగా త‌ల అజిత్ స‌ర‌స‌న న‌టించే అవ‌కాశం వ‌రించిన‌ట్లు తెలుస్తోంది.
By: Tupaki Desk | 12 Oct 2023 4:30 PM GMT
చెన్నై సోయ‌గం రెజీనా టాలీవుడ్..కోలీవుడ్ జ‌ర్నీ గురించి చెప్పాల్సిన ప‌నిలేదు. న‌టిగా ఎప్పుడూ బిజీగానే ఉంది. కానీ తాను అనుకున్న పాత్ర‌ల‌తో మాత్రం కాదు. స్టార్ హీరోల‌తో ప‌నిచేయాల‌ని ఎంట్రీ ఇచ్చినా అమ్మ‌డికి ఆర‌క‌మైన అవ‌కాశాలు ఇప్ప‌టికీ రాలేదు. టైర్ -3 హీరోల‌తో ప‌నిచేసింది. చివ‌రికి లేడీ ఓరియేం టెడ్ సినిమాలు సైతం చేసింది. కానీ ఏ ద‌శ‌లోనే ఒక్క స్టార్ హీరో తో కూడా క‌లిసి ప‌నిచేసే అవ‌కాశం రాలేదు.
మెగాస్టార్ చిరంజీవి సినిమాలో మాత్రం ఓ ఐటం పాట‌లో న‌టించే అవ‌కాశం వ‌చ్చింది. ఆ త‌ర్వాత ఆ ర‌కంగానూ బిజీ కాలేదు. మ‌రే స్టార్ హీరో మ‌ళ్లీ ఆ త‌ర‌హా అవ‌కాశం క‌ల్పించ‌లేదు. అందం..అభినయం అన్ని ఉన్నా! అమ్మ‌డి జ‌ర్నీ మాత్రం ఆశించిన విధంగా సాగ‌లేదు. అయితే ఇప్ప‌టివ‌ర‌కూ ఒక లెక్క...ఇక నుంచి మ‌రో లెక్క! అంటోంది. అవును తాజాగా రెజీనాకి ఏకంగా త‌ల అజిత్ స‌ర‌స‌న న‌టించే అవ‌కాశం వ‌రించిన‌ట్లు తెలుస్తోంది.
ప్ర‌స్తుతం అజిత్ క‌థానాయ‌కుడిగా `విదా మ‌యూర్చీ` అనే యాక్ష‌న్ థ్రిల్ల‌ర్ తెర‌కెక్కుతోంది. మ‌గిజ్ తిరుమ‌నేని ద‌ర్శ‌క‌త్వంలో లైకా ప్రోడ‌క్ష‌న్స్ భారీ బ‌డ్జెట్ తో నిర్మిస్తుంది. ఇందులో మెయిన్ లీడ్ త్రిష పోషిస్తుంది. తాజాగా సినిమా లో రెండ‌వ హీరోయిన్ కి ఛాన్స్ ఉండ‌టంతో ఆ అవ‌కాశం రెజీనాకి ద‌క్కించుకున్న‌ట్లు స‌మాచారం. ప్ర‌స్తుతం అజ‌ర్ బైజాన్ లో షూటింగ్ జ‌రుతుంది.
ఇందులో ప్ర‌ధాన తారాగ‌ణ‌మంతా పాల్గొంటుంది. ఈ నేప‌థ్యంలో రెజీనా ఎంపికైంద‌న్న వార్త మీడియాలో హాట్ టాపిక్ గా మారింది. ఈ విష‌యం అధికారికంగా ధృవీక‌రించాల్సి ఉంది. ఇదే నిజ‌మైతే రెజీనా కెరీర్ కొత్త ట‌ర్నింగ్ తీసుకోవ‌డం ఖాయం. ఇప్ప‌టి వ‌ర‌కూ తాను ఎలాంటి కెరీర్ కోసం చూసింది ఆ ర‌క‌మైన జీవితం మొద‌లైట‌న్లే. ఏ న‌టికైనా నిరూపించుకునే ఓ పెద్ద అవ‌కాశం కావాలి. చిన్న సినిమాలు ఎన్ని చేసినా ప్ర‌యోజ‌నం ఉండ‌దు. పెద్ద సినిమా ఒక‌టిచేసి హిట్ అందుకున్నా....అవ‌కాశాలు వ‌రుస‌లో నిలుస్తాయి.
