`బాహుబ‌లి` బ్యాచ్ తో రేణుదేశాయ్..అకీరా!

రాజ‌మౌళి విజువ‌ల్ వండ‌ర్ `బాహుబ‌లి` నార్వేలో స్పెష‌ల్ స్క్రీనింగ్ జ‌రిగిన సంగ‌తి తెలిసిందే. నార్వేలోని స్టావెంజర్‌‌ ఒపేరా హౌస్‌లో జరిగిన స్క్రీనింగ్‌కు రాజమౌళి.. దర్శకేంద్రుడు రాఘవేంద్రరావు.. నిర్మాత శోభు యార్లగడ్డ తదితరులు హాజరయ్యారు. వీరితో పాటు రేణు దేశాయ్ ..త‌న‌యుడు అకీరానందన్ కూడా హాజ‌రైన సంగ‌తి ఆల‌స్యంగా వెలుగులోకి వ‌చ్చింది. ప్ర‌ద‌ర్శ‌న అనంత‌రం రేణు దేశాయ్ సోష‌ల్ మీడియాలో చిత్ర బృందాన్ని ప్ర‌శంసిస్తూ స్పందించారు. ఓ భారతీయ సినిమా అంతర్జాతీయంగా గుర్తింపు తెచ్చుకోవడం గర్వంగా ఉంది.

మా లాంటి ప్రేక్షకుల కోసం మీరు ఇచ్చిన ఈ సినిమా ఎక్స్‌పీరియన్స్‌ను మాటల్లో చెప్పలేను. స్టావెంజ‌ర్ లో సినిమా చూసేందుకు న‌న్ను..అకీరానిన ఆహ్వానించినందుకు శోభు గారికి థాంక్స్. ప్రేక్ష‌కులు షోలో భాగంగా కొన్ని నిమిషాల పాటు స్టాండింగ్ ఒవేషన్ ఇచ్చారని అన్నారు. స్టావెంజ‌ర్ లో దిగిన కొన్ని ఫోటోల్ని ...వీడియోని ఆమె షేర్ చేసారు. బాహుబ‌లి టీమ్ తో పాటు రేణు దేశాయ్ కూడా ఉండ‌టం విశేషం అనే చెప్పాలి. టాలీవుడ్ లో చాలా మంది సెల‌బ్రిటీలున్నా ఎవ‌ర్నీ ఆ టీమ్ ఆహ్వానించలేదు.

ప్ర‌త్యేకంగా రేణుని ఆహ్వానించి స్టావెంజ‌ర్ ఎక్స్ పీరియ‌న్స్ అందించారు. ఈ నేప‌థ్యంలో కొత్త సందేహాలు తెర‌పైకి వ‌స్తున్నాయి. అకీరా నంద‌న్ ని ప‌రిచ‌యం చేసే బాద్య‌త‌లు ఏవైనా ఆర్కా మీడియా తీసుకుంటుం దా? అన్న డౌట్ రెయిజ్ అవుతుంది. ప‌వ‌న్ క‌ళ్యాణ్ తో విడాకుల అనంత‌రం రేణు దేశాయ్ పిల్ల‌లిద్ద‌రితో పూణే లో స్థిర ప‌డిన సంగ‌తి తెలిసిందే. మ‌రాఠీ ప‌రిశ్ర‌మలో కెరీర్ బిల్డ్ చేసుకుంటుంద‌ని భావించినా రేణు ఆ విధంగా బిజీ కాలేదు. పూణే వెళ్లినా మ‌న‌సంతా హైద‌రాబాద్ లోన ఉంది.

ప‌వ‌న్ తో విడాకులు అయినా ఆయ‌న రాజ‌కీయ జ‌ర్నీ విష‌యంలో అప్పుడ‌ప్పుడు భాగ‌మ‌వుతున్నారు. ఆయ‌న‌కు స‌హకారం అందించాల‌ని కోరుతున్నారు. ఆ ర‌కంగా మీడియా అటెన్ష‌న్ డ్రా చేస్తున్నారు. ఆమె చేసిన కామెంట్లు నెట్టింట ఎప్ప‌టికప్పుడు వైర‌ల్ అవుతున్న సంగ‌తి తెలిసిందే.