ఇడియ‌ట్‌వా? నెటిజ‌న్‌పై రేణు సీరియ‌స్!
అఖీరా నంద‌న్ సినీఎంట్రీ విష‌యంలోను అదే జ‌రుగుతుంది'' అంటూ రేణు వ్యాఖ్యానించ‌గా, దానికి నెటిజ‌న్ వింత‌గా స్పందించాడు.
By: Tupaki Desk | 16 Sep 2023 5:26 PM GMT
సోషల్ మీడియాల్లో అభిమానుల స్పంద‌న‌ల‌ను సీరియ‌స్ గా తీసుకోక‌పోవ‌డ‌మే మేలు అనేది ఒక విశ్లేష‌ణ. కానీ కొంద‌రు సెల‌బ్రిటీలు ప్ర‌తిదీ ప‌ట్టించుకుంటారు. వారి ప్ర‌శ్న‌ల‌కు జ‌వాబులిస్తారు. హుందాగా ఉంటే స‌రే స‌రి.. లేకుండా వెంట‌నే కౌంట‌ర్లు ఇవ్వ‌డం చూస్తున్న‌దే.
ఇప్పుడు పవన్ క‌ల్యాణ్ మాజీభార్య, న‌టి రేణు దేశాయ్ కి అలాంటి ఒక విచిత్ర‌మైన ప‌రిస్థితి ఎదురైంది. ''అంబానీ తన వార‌స‌త్వాన్ని ఎప్పుడూ వేరొక‌రి చేతిలో పెట్ట‌రు.. అఖీరా నంద‌న్ సినీఎంట్రీ విష‌యంలోను అదే జ‌రుగుతుంది'' అంటూ రేణు వ్యాఖ్యానించ‌గా, దానికి నెటిజ‌న్ వింత‌గా స్పందించాడు. ఇండ‌స్ట్రీ అంటే వార‌సుల‌ది మాత్ర‌మే కాదు! అంటూ కామెంట్ చేసాడు.
నిజానికి ఇది అసంద‌ర్భపు వాద‌న. ఇక్క‌డ రేణు ఉద్ధేశం వేరు. కానీ అత‌డు న‌ట‌వార‌స‌త్వాన్ని, ఇండ‌స్ట్రీ బంధుప్రీతిని ట‌చ్ చేసాడు. అందుకే అత‌డిపై సీరియ‌స్ అవుతూ...''నువ్వు చిన్న‌పిల్లాడివా? ఇడియ‌ట్‌వా?'' అస‌లు ఏ ఉద్ధేశంతో అంబానీ ప్ర‌స్థావ‌న తెచ్చానో తెలుసుకో..! అంటూ నెటిజ‌న్‌పై రేణు సీరియ‌స్ అయ్యారు. తన ఉద్ధేశాన్ని స‌ద‌రు నెటిజ‌న్ గ్ర‌హించ‌లేక‌పోయాడ‌ని రేణు అలా వ్యాఖ్యానించారు.
చాలా సార్లు ఇలానే కౌంట‌ర్లు: రేణు దేశాయ్ తన సోషల్ మీడియా ఇంటరాక్షన్‌లతో నిరంత‌రం హెడ్ లైన్స్ లో నిలుస్తూనే ఉన్నారు. ఇటీవల రాజకీయాల్లోకి వస్తున్న తన మాజీ భర్త పవన్ కళ్యాణ్‌కు రేణు మద్దతు తెలిపారు. పవన్ కళ్యాణ్ కేవలం ప్రజలకు సేవ చేయడానికే రాజకీయాల్లోకి వచ్చార‌ని ఓ వీడియో సందేశాన్ని షేర్ చేసింది. అయితే ఆ వీడియో కోసం రేణు దేశాయ్ పవన్ కళ్యాణ్ నుంచి డబ్బులు తీసుకున్నారని కొంద‌రు నెటిజ‌నులు ఆరోపించారు. దానిని ఖండిస్తూ రేణు ఆ త‌ర్వాత ఒక ప్రకటన విడుదల చేసింది. పవన్ కళ్యాణ్ గురించి ఎప్పుడూ నిజమే మాట్లాడుతాన‌ని, ఆయ‌న‌పై ఆరోపణలు రాజకీయ ప్ర‌త్య‌ర్థుల ప‌ని అని కూడా వ్యాఖ్యానించారు. రేణు పవన్ కి అనుకూలంగా నిజాలు మాట్లాడినప్పుడు నెటిజ‌నులు ద్వేషించి దుర్భాషలాడారు...మొదట నేను విడాకుల గురించి మాట్లాడటానికి డబ్బు తీసుకున్నానని ఆరోపించారు. ఇప్పుడు నేను ప్రో నుండి డబ్బు తీసుకున్నానని ఆరోపిస్తున్నారు.. అంటూ రేణు వ్యాఖ్యానించారు.పవన్ కళ్యాణ్ -రేణు దేశాయ్ 2009లో వివాహం చేసుకున్నారు. వారు 2012లో విడాకులు తీసుకున్నారు. ఈ దంపతులకు ఇద్దరు పిల్లలు, ఒక కుమారుడు అఖిరా -కుమార్తె ఆధ్య ఉన్నారు.
అకీరాకు హీరోగా ఆసక్తి లేదు ప్రముఖ టాలీవుడ్ దర్శకుడు కె. రాఘవేంద్రరావు తన మనవడు కార్తికేయ.. పవన్ కళ్యాణ్ కుమారుడు అకీరా నందన్‌తో కలిసి నిలబడి ఉన్న ఫోటోను షేర్ చేసారు. క్యాప్షన్‌లో ఇద్దరు యువకులు యుఎస్‌లోని ఫిల్మ్ స్కూల్‌లో తమ విద్యను ప్రారంభించారని రాఘవేంద్రరావు వెల్లడించాడు. ఈ వార్త పబ్లిక్‌గా మార‌గా అకీరా తొలిసారిగా నటనకు సిద్ధమవుతాడని అభిమానులు ఊహించారు. అయితే ఈ ఊహాగానాలకు అకీరా తల్లి రేణు దేశాయ్ తెరదించారు.
ఇన్‌స్టాగ్రామ్‌లో వ్యాఖ్యానిస్తూ.. ఇప్ప‌టికి అకీరాకు నటించడం లేదా హీరోగా చేయడంపై ఆసక్తి లేదు.. అని తెలిపారు. ''నేను భవిష్యత్తును ఊహించలేను. కాబట్టి దయచేసి నేను నా ఇన్‌స్టాగ్రామ్‌లో ఏదైనా పోస్ట్ చేసిన ప్రతిసారీ ఊహాగానాలు చేయడం మానేయండి. అతను నటనలోకి రావాలని నిర్ణయించుకుంటే నా ఇన్‌స్టాగ్రామ్‌లో పోస్ట్ చేసే మొదటి వ్యక్తిని నేనే అని మీకు నా వాగ్దానం చేస్తున్నాను'' అని తెలిపారు.
రేణు స్పష్టమైన ప్రకటన చేసినప్పటికీ అకీరాకు నటనపై ఆసక్తి ఉంద‌ని, చివరికి అతను చిత్ర పరిశ్రమలోకి అడుగు పెట్టవచ్చని పవన్ కళ్యాణ్ యొక్క తీవ్ర అభిమానులు ఇప్పటికీ నమ్ముతున్నారు. అకిరా ఏం చేయ‌బోతున్నాడు? అన్న‌దానిపై స‌రైన హింట్ లేదు.
