మెగా వెడ్డింగ్‌కి రేణుదేశాయ్ స్కిప్ కార‌ణం?
ఒక మీడియా ఛానెల్‌కు ఇచ్చిన ఇంటర్వ్యూలో మెగా కుటుంబం తనకు ఆహ్వానం పంపిందని అయితే తాను దానికి హాజరు కావడం లేదని రేణు వెల్లడించింది.
By: Tupaki Desk | 30 Oct 2023 7:25 PM GMT
పవన్ కళ్యాణ్ మాజీ భార్య రేణు దేశాయ్ వరుణ్-లావణ్యల పెళ్లికి స్కిప్ కొట్టారా? అంటే అవున‌నే స‌మాధానం వ‌చ్చింది. వరుణ్ తేజ్ -లావణ్య త్రిపాఠి నవంబర్ 1 న ఇటలీలో వివాహం చేసుకోనున్నారు. సోమ‌వారం నుంచే ప్రీవెడ్డింగ్ సంబ‌రాలు మొద‌ల‌య్యాయి. ఈ ప‌ళ్లికి పవన్ క‌ల్యాణ్‌- అన్నా లెజినోవా అటెండ‌య్యారు. చాలా మంది మెగా కుటుంబ సభ్యులు హాజ‌ర‌య్యారు. పెళ్లి ప్రదేశానికి వధూవరులు తమ అతిథులతో కలిసి ఇప్పటికే వచ్చారు. వారితో పాటు, రామ్ చరణ్‌తో సహా ఇత‌ర కుటుంబ సభ్యులు.. అల్లు అర్జున్ అత‌డి కుటుంబం, నితిన్ -షాలిని సహా ఇంకా చాలా మంది వెన్యూ వ‌ద్ద‌కు ఇప్పటికే చేరుకున్నారు. ఇప్పుడు పవన్ కళ్యాణ్ మాజీ భార్య, రేణు దేశాయ్ ఈ పెళ్లి గురించి షాకింగ్ స్టేట్మెంట్ ఇచ్చారు.
ఇట‌లీ టుస్కానీలో వైభవంగా జరిగే ఈ వివాహానికి మెగా కుటుంబం రేణు దేశాయ్‌ను కూడా ఆహ్వానించార‌ని స‌మాచారం. ఒక మీడియా ఛానెల్‌కు ఇచ్చిన ఇంటర్వ్యూలో మెగా కుటుంబం తనకు ఆహ్వానం పంపిందని అయితే తాను దానికి హాజరు కావడం లేదని రేణు వెల్లడించింది. దీనికి హాజరుకాకపోవడానికి గల కారణాలను రేణు దేశాయ్ వెల్లడించలేదు. తాను ఎనిమిదేళ్ల నుంచి వరుణ్‌ని చూస్తున్నానని, ఎట్టకేలకు ఈ అందమైన జంట పెళ్లి పీటలెక్కడం తనకు చాలా సంతోషంగా ఉందని చెప్పింది. ఆమె వారికి శుభాకాంక్షలు తెలిపి ఆశీర్వాదాలు కూడా పంపింది. ఇంతకుముందు నిహారిక (కొణిదెల) పెళ్లికి తనకు ఆహ్వానం కూడా వచ్చిందని, దానికి తాను హాజరు కాలేదని, అయితే తన పిల్లలను పంపానని రేణు పేర్కొంది. అయితే వెళ్ల‌క‌పోవ‌డానికి ప్ర‌త్యేక కార‌ణం ఏదీ చెప్ప‌లేదు కానీ, తన స‌మాధానాల్ని బ‌ట్టి అభిమానులు ఎవ‌రికి వారు ఊహిస్తున్నారు. పవన్ ప్ర‌స్తుత భార్య‌తో పెళ్లి వేడుక‌లో ఉండ‌గా, మాజీ అయిన తాను వెళ్ల‌డం అంద‌రికీ అసౌక‌ర్యం అని రేణు పేర్కొన్న‌ట్టు కూడా కొన్ని మీడియాలు క‌థ‌నాలు ప్ర‌చురించాయి.
వరుణ్ తేజ్ - లావణ్య త్రిపాఠి వివాహ వేడుకకు ముందు, వారి ఆహ్వాన కార్డు కూడా ఆన్‌లైన్‌లో లీక్ అయింది. ఇప్పుడు అధికారిక లేఖ‌ను కూడా వారు రిలీజ్ చేసారు. ప్రస్తుతం ఈ లేఖ వైరల్ అవుతోంది. ఇటలీలో ఈరోజు నుంచి ప్రీ వెడ్డింగ్ వేడుకలు ప్రారంభం కానున్నాయి. పెళ్లికి అల్లు-కొణిదెల ఫ్యామిలీ అంతా హాజర‌వుతున్నారు. రిసెప్షన్ తేదీ- వివాహ వేదిక అందరి దృష్టిని ఆకర్షిస్తోంది. అధికారిక లేఖ‌ను పరిశీలిస్తే, ఈ జంట తమ పెళ్లికి బంగారం- వెండి థీమ్‌ను ఎంచుకున్నట్లు కనిపిస్తోంది. మీడియా క‌థ‌నాల ప్రకారం.. వివాహ కార్డుల కోసం ఏకంగా రూ. 6 లక్షలు ఖ‌ర్చు చేశార‌ని తెలిసింది.
నవంబర్ 5న హైదరాబాద్‌లో సన్నిహితులందరికీ గ్రాండ్‌గా రిసెప్షన్ నిర్వహించాలని మెగా ఫ్యామిలీ ప్లాన్ చేస్తున్నట్టు తెలిసింది.ఈ రిసెప్షన్‌కు సినీ పరిశ్రమకు చెందిన ప్ర‌ముఖుల‌తో పాటు, రాజ‌కీయ ప్ర‌ముఖులు కూడా హాజరయ్యే అవకాశం ఉంది.
