రాబిన్ హుడ్.. హమ్మయ్య కన్ ఫ్యూజన్ తీర్చేశారు..!

స్టార్ సినిమా అనౌన్స్ మెంట్ రోజే దాదాపు కాస్ట్ అండ్ క్రూ డీటైల్స్ బయటకు వచ్చేస్తాయి. ఐతే కొన్ని సినిమాలు హీరోయిన్, విలన్ విషయంలో కాస్త దోబూచులు ఆడుతుంటారు. వారు కూడా ఏదో ఒక టైం చూసి రివీల్ చేస్తుంటారు. ఇలా కొన్నాళ్లుగా సెట్స్ మీద ఉన్న సినిమాలో హీరోయిన్ ఎవరు అన్నది ఈమధ్య కాలంలో ఎక్కడ జరగలేదు కానీ నితిన్ రాబిన్ హుడ్ సినిమా మాత్రం ఆ డిస్కషన్స్ కి ఛాన్స్ ఇచ్చింది. నితిన్ వెంకీ కుడుముల ఇద్దరు కలిసి భీష్మ సినిమా చేశారు. ఆ సినిమా సక్సెస్ ఇద్దరికి మంచి బూస్టింగ్ ఇచ్చింది.

భీష్మ సినిమాలో నితిన్ సరసన రష్మిక మందన్న నటించింది. భీష్మ కాంబో అదే డైరెక్టర్ హీరో సినిమా రిపీట్ చేస్తూ హీరోయిన్ గా రష్మికనే ఫిక్స్ చేశారు. సినిమా అనౌన్స్ మెంట్ రోజు ముగ్గురు కలిసి ప్రమోషనల్ వీడియో కూడా చేశారు. కానీ ఏమైందో ఏమో రష్మిక సడెన్ గా ఆ ప్రాజెక్ట్ నుంచి డ్రాప్ అయ్యింది. రష్మిక వెళ్లిన విషయం కూడా చాలా సీక్రెట్ గా ఉంచారు రాబిన్ హుడ్ టీం.

సినిమా నుంచి అప్పుడప్పుడు అప్డేట్స్ రూపంలో గ్లింప్స్ వదులుతున్నా సినిమా హీరోయిన్ గురించి మాత్రం ఎక్కడ ప్రస్తావించలేదు. ఐతే ఫైనల్ గా ఆ హీరోయిన్ బర్త్ డే కి విష్ చేస్తూ హీరోయిన్ కన్ ఫ్యూజన్ ని తొలగించారు రాబిన్ హుడ్ టీం. కట్ చేస్తే రష్మిక ప్లేస్ లో శ్రీ లీల వచ్చి చేరింది. శ్రీలీల బర్త్ డే సందర్భంగా ఆమెను పరిచయం చేస్తూ సర్ ప్రైజ్ చేశారు.

మరి ఈ సినిమా హీరోయిన్ విషయంలో ఇంత నాటకీయ పరిణామాలు ఎందుకు జరిగాయో తెలియదు కానీ రష్మిక ఎగ్జిట్ అయ్యి శ్రీలీల ఈ ప్రాజెక్ట్ లోకి ఎంట్రీ ఇచ్చింది. ఆల్రెడీ లాస్ట్ ఇయర్ నితిన్ నటించిన ఎక్స్ ట్రాడినరీ మ్యాన్ సినిమాలో శ్రీలీల హీరోయిన్ గా చేసింది. ఆ సినిమా ఫలితం ఏంటో అందరికీ తెలిసిందే. మళ్లీ శ్రీలీలనే రాబిన్ హుడ్ లో తీసుకోవడం వెనుక రీజన్స్ ఏంటో తెలియదు కానీ ఈసారి మాత్రం ఈ కాంబో హిట్ కొట్టాలని ఫిక్స్ అయ్యింది. మైత్రి మూవీ మేకర్స్ నిర్మిస్తున్న రాబిన్ హుడ్ సినిమాలో నితిన్ ఒక థీఫ్ గా కనిపిస్తారని తెలుస్తుంది. సినిమాను డిసెంబర్ చివర్లో రిలీజ్ ప్లాన్ చేస్తున్నారు. మరి రాబిన్ హుడ్ భీష్మ ఫలితాన్ని రిపీట్ చేస్తుందా లేదా అన్నది చూడాలి.