బిగ్ బాస్ 8 : చివరి మెగా చీఫ్ గా ఆ లక్కీ కంటెస్టెంట్..!

బిగ్ బాస్ సీజన్ 8 లో గురువారం చివరి మెగా చీఫ్ ఎంపిక జరిగింది. గత రెండు రోజుల నుంచి చివరి మెగా చీఫ్ టాస్క్ జరుగుతుంది. ఐతే రకరకాల టాస్కుల్లో వచ్చిన మార్కులను బట్టి టాప్ 3 లో నిలిచిన వారికి ఫైనల్ టాస్క్ పెడతారు. పృధ్వి, విష్ణు ప్రియ, యష్మి, రోహిణి, తేజ ఈ మెగా చీఫ్ కంటెండర్స్ గా నిలవగా.. చివరి టాస్క్ వరకు పృధ్వి, తేజ, రోహిణి ఉన్నారు. చివరి టాస్క్ లో కుండలో ఇసుక పోస్తే దాన్ని కాలితో బ్యాలెన్స్ చేయాలి.

ఈ టాస్క్ కి యష్మి సంచాలక్ గా ఉండగా మొదట తేజ తన కుండని నేలకొరిగేలా చేసి టాస్క్ నుంచి వైదొలిగాడు. ఇక రోహిణి, పృద్వి ల మధ్య ఈ టాస్క్ చాలా టఫ్ గా నడిచింది. ఇద్దరికి కేటాయించిన కుండలు ఉండగా కొద్దిసేపటికే పృధ్వి తన కుండని నేలకొరిగేలా చేశాడు. ఆ వెంటనే రోహిణి గెలిచిందని తెలియడంతో ఆమె కూడా కుండను వదిలేసింది. అలా చివరి మెగా చీఫ్ గా రోహిణి గెలిచి సత్తా చాటింది.

జస్ట్ ఈ మెగా చీఫ్ టాస్క్ లోనే రోహిణి ని జీరో అంటూ విష్ణు ప్రియ ఎద్దేవా చేసింది. ఆటో టాస్క్ లో రోహిణిని బలవంతంగా పృధ్వి, విష్ణు ప్రియ కలిసి కిందకు తోశారు. అప్పటి నుంచి ఎలాగైనా ఈ టాస్క్ గెలిచి మెగా చీఫ్ అవ్వాలని పట్టుబట్టింది రోహిణి. అనుకున్నట్టుగానే ఆడి గెలిచింది. ఇది తనకు తానుగా గెలిచిన మెగా చీఫ్ కాబట్టి టాస్క్ గెలిచి తనే మెగా చీఫ్ అని తెలియగానే రోహిణి కాస్త ఎమోషనల్ అయ్యింది. ఐతే చివరి దాకా ఉన్న పృధ్వి కూడా టాస్క్ ఓడినందుకు చాలా బాధపడ్డాడు.

మెగా చీఫ్ అవ్వడం వల్ల రోహిణికి నెక్స్ట్ వీక్ నామినేషన్స్ నుంచి సేవ్ అయ్యే ఛాన్స్ వచ్చినట్టే. అంతేకాదు ఆమె సెమీ ఫైనల్ వీక్ కి వెళ్తుంది. మెగా చీఫ్ గా గెలిచిన వారికి నెక్స్ట్ వీక్ నామినేషన్స్ టైం లో సెపరేట్ పవర్ కూడా వస్తుంది. మరి రోహిణి ఎవరినైనా సేవ్ చేయాల్సి వస్తే ఎవరిని చేస్తుంది అన్నది చూడాలి. రోహిణి ఐదారు వారాల నుంచి నామినేషన్స్ లోకి రాకుండా ఉంది.

ఇక బిగ్ బాస్ సీజన్ 8 ముగింపు దశకు దగ్గర పడుతున్నా కొద్దీ టైటిల్ ఎవరు గెలుస్తారన్న ఎగ్జైట్ మెంట్ కూడా ఇంకాస్త పెరిగింది. బిగ్ బాస్ సీజన్ 8 లో ఇప్పటివరకు నిఖిల్, గౌతం ల మధ్య టైటిల్ ఫైట్ నడుస్తుంది.