ఈసారి రియ‌ల్ కాఫ్ స్టోరీతోనే యాక్ష‌న్ మేక‌ర్!

బాలీవుడ్ లో కాప్ స్టోరీల‌కు పెట్టింది పేరు రోహిత్ శెట్టి. పోలీస్ యాక్ష‌న్ స్టోరీలు తీయ‌డంలో? రోహిత్ స్పెష‌లిస్ట్ అని చెప్పాల్సిన ప‌నిలేదు. `సింగం`తో మార్కెట్ లో ఓ బ్రాండ్ అయ్యాడు. తొలి సినిమా `జ‌మీన్` తోనే అత‌డిలో యాక్ష‌న్ లెవ్ అర్ద‌మైంది. అటుపై కొన్ని ప్ర‌య‌త్నాలు చేసినా? అవేవి తీసుకురాని ఇమేజ్ యాక్ష‌న్ స్టోరీలు ప్ర‌త్యేక‌మైన క్రేజ్ ని తీసుకొచ్చాయి. అత‌డి కెరీర్ లోనే `సింగం` అన్న‌ది ఓ మైల్ స్టోన్ లాంటి ప్రాంచైజీ.

ఇటీవ‌లే` సింగం ఎగైన్` అంటూ ర‌చ్చ చేసిన సంగ‌తి తెలిసిందే. ఇప్ప‌టి వ‌ర‌కూ చేసిన కాప్ స్టోరీలన్నీ కేవ‌లం క‌ల్పితం మాత్ర‌మే. స్టార్ హీరోల ఇమేజ్ ని బేస్ చేసుకుని తెర‌కెక్కించిన సినిమాల‌వి. తొలి సినిమా `జ‌మీన్` తో యాక్ష‌న్ చిత్రాల ప‌ట్ల త‌న అభిరుచుని చాటుకున్నాడు. అయితే ఇంత‌వ‌ర‌కూ రోహిత్ రియ‌ల్ యాక్ష‌న్ స్టోరీల జోలికి వెళ్లింది లేదు. ఈ నేప‌థ్యంలో రోహిత్ శెట్టి ఓ సంచ‌ల‌న క‌మీష‌ర్ బ‌యోపిక్ కి సిద్ద‌మ‌వుతున్నాడు.

ముంబై మాజీ పోలీస్ క‌మీష‌న‌ర్ రాకేష్ మ‌రియా జీవితాన్ని తెర‌కెక్కించే బాధ్య‌త‌లు తీసుకున్నట్లు స‌మాచారం. ఒక‌ప్పుడు ముంబైని కంట్రోల్ చేసిన గ్రేట్ క‌మీష‌న‌ర్ గా రాకేష్ కి పేరుంది. 1993లో జ‌రిగిన వ‌రుస బాంబు కేసుల దాడిని చేధించిన స‌క్సెస్ ట్రాక్ ఉంది.1981 నుంచి 2017 వ‌ర‌కూ పోలీస్ ద‌ళంలో త‌న‌దైన మార్క్ వేసారు రాకేష్‌. ముంబై మాఫియాని సైతం గ‌డ‌గ‌డ‌లాడించిన ట్రాక్ రికార్డు రాకేష్ కి ఉంది. పేరు మోసిన గ్యాంగ్ స్ట‌ర్ల‌ను జైళ్ల‌లో పెట్టి మ‌క్క‌లు ఇర‌గ‌దీసిన ఘ‌న‌డు.

రాజ‌కీయ ఒత్తిడుల‌కు త‌లొంచ‌కుండా ప‌నిచేసిన చ‌రిత్ర రాకేష్ కి ఉంది. త‌ప్పు చేసిన వాడి తాట తీయ‌డ‌మే రాకేష్ రూలింగ్ లో న‌డించింద‌ని అంటారు. ఈ నేప‌థ్యంలో రాకేష్ లో ఫైరింగ్ యాంగిల్ ని హైలైట్ చేస్తూ ఎమోష‌న్ ని కూడా మిస్ కాకుండా రోహిత్ మార్క్ చిత్రంగా అత‌ని క‌థ‌ని మ‌ల‌చ‌బోతున్న‌ట్లు స‌మాచారం. రాకేష్ మ‌రియా పాత్ర‌లో జాన్ అబ్ర‌హాంని తీసుకుంటున్నార‌ని తెలిసింది. ఇప్ప‌టికే రోహిత్ స్క్రిప్ట్ ప‌నులు మొద‌లు పెట్టిన‌ట్లు స‌మాచారం.