లేడీ ఫైర్ బ్రాండ్ త‌న‌యుడు ఇండ‌స్ట్రీకి!
సీనియ‌ర్ న‌టి రోజా కెరీర్ జ‌ర్నీ గురించి చెప్పాల్సిన ప‌నిలేదు. న‌టిగా ఓ వెలుగు వెలిగిన రోజా అటుపై రాజకీయాల్లోనూ చ‌క్రం తిప్పారు.
By: Tupaki Desk | 23 Nov 2024 1:30 PM GMT
సీనియ‌ర్ న‌టి రోజా కెరీర్ జ‌ర్నీ గురించి చెప్పాల్సిన ప‌నిలేదు. న‌టిగా ఓ వెలుగు వెలిగిన రోజా అటుపై రాజకీయాల్లోనూ చ‌క్రం తిప్పారు. వివిధ పార్టీల్లో కీల‌క బాధ్య‌త‌లు చేప‌ట్టారు. ప్ర‌స్తుతం ప్రజాక్షేత్రంలోనే ఉన్నారు. లేడీ ఫైర్ బ్రాండ్ గా ప్ర‌త్యేక‌మైన గుర్తింపు ఆమె సొంతం. అలాగ‌ని సినిమాల‌కు దూరం కాలేదు. మంచి అవ‌కాశాలొస్తే అక్క‌డా స‌త్తా చాట‌డానికి సిద్దంగానే ఉన్నారు. ఇక రోజా-ఆర్కే సెల్వ‌మ‌ణి దంప‌తుల‌కు ఇద్ద‌రు పిల్ల‌లు ఉన్న సంగ‌తి తెలిసిందే.
కూతురు కొడుకు గ‌ల‌రు. అప్పుడ‌ప్పుడు కుమార్తె ఫోటోలు నెట్టింట వైర‌ల్ అవుతుంటాయి. అచ్చంగా అమ్మ‌నే పొలి ఉంటుంది. హీరోయిన్ మెటీరియ‌ల్. మ‌రి కుమారుడు సంగ‌తేంటి? అంటే రోజా కుమారుడిని హీరోని చేసేలా క‌నిపిస్తున్నారు. కుమారుడికి సినిమాలంటే ఆస‌క్తి అన్న విష‌యాన్ని తొలిసారి రివీల్ చేసారు. కుమారుడు కౌశిక్ మంచి హైట్ . ఆర‌డుగులుంటాడు. ప్ర‌స్తుతం చ‌దువుకుంటున్నాడు.
బాగానే చ‌దువుతాడు కానీ చదువు కంటే సినిమాలంటే ఎక్కువ ఆస‌క్తి అట. హీరో కావాలని ఉంద‌ని మామ్ వ‌ద్ద చెబుతుంటాడుట. అలాగే డైరెక్ష‌న్ అన్న కూడా ఇష్ట‌మేన‌ట. రెండు రంగాల్లో ఏదో ర‌కంగా స్థిర‌ప‌డాలి అన్న‌ది కుమారుడి ఆలోచ‌న‌గా చెప్పుకొచ్చారు. దేవుడి ఆశీస్సులుండే ఇండ‌స్ట్రీకి వ‌స్తాడ‌ని అన్నారు. ఇక `మా పాప అన్షు మాలికకి మాత్రం చదువు అంటేనే ఇష్టం. తనకి సైంటిస్ట్ కావాలని ఉంది.
ఒకవేళ యాక్టింగ్ వైపు వస్తామంటే మాకు కూడా సంతోషమే. నాకు మూడు చోట్లా మూడు ఇళ్లు ఉన్నాయి. అవన్నీ నేను రాజకీయాలలోకి రావడానికి ముందు ఉన్నవే. ఇక మూడు కార్లు ఉన్నాయి. 150 సినిమాలు చేసిన నాకు బెంజ్ కారు ఉండటంలో ఆశ్చర్యం ఏముంది. ట్రోలింగ్ చేసే వాళ్లను గురించి నేను పట్టించుకోను` అని అన్నారు.
