విరాట్ కోహ్లీ నాకు బావ..!

ఈ సంక్రాంతికి వెంకటేష్ సైంధవ్ సినిమా తో ప్రేక్షకుల ముందుకు రాబోతున్న విషయం తెల్సిందే. ఆ సినిమాలో హీరోయిన్ గా శ్రద్దా శ్రీనాథ్ నటించగా కీలక పాత్రలో రుహాణి శర్మ నటించింది. డాక్టర్ పాత్రలో రుహాణి ని చూడబోతున్నట్లుగా యూనిట్‌ సభ్యులు ఇప్పటికే క్లారిటీ ఇచ్చారు

సైంధవ్ సినిమా ప్రమోషన్‌ లో భాగంగా హీరోయిన్‌ రుహాణి శర్మ మీడియాతో మాట్లాడుతూ ఆసక్తికర వ్యాఖ్యలు చేసింది. ఆమె మాట్లాడుతూ... వెంకటేష్ నటించిన హిందీ డబ్బింగ్ సినిమాలు చాలా చూశాను. ఆయన అంటే చిన్నప్పటి నుంచి గౌరవం. నేను డాక్టర్ అవ్వాలి అనుకున్నాను. అనుకోకుండా యాక్టర్ అయ్యాను అంది.

డాక్టర్ అవ్వాలనుకున్న నేను సైంధవ్‌ సినిమాలో డాక్టర్ పాత్ర పోషించడం చాలా సంతోషాన్ని కలిగించింది. నాకు అనుష్క శర్మ సిస్టర్‌ అవుతుంది. దాంతో నాకు విరాట్ కోహ్లీ బావ అవుతాడు అన్నట్లుగా కూడా చెప్పుకొచ్చింది. ఈ సీక్రెట్‌ ను తాను చాలా కాలంగా రివీల్ చేయకుండా ఉంచాను. ఇప్పుడు రివీల్ చేయాల్సి వచ్చిందని చెప్పుకొచ్చింది.

విరాట్ కోహ్లీ తో ఉన్న రిలేషన్ మరియు అనుష్క శర్మ సిస్టర్‌ అనే రిలేషన్ ను మొదటి నుంచి ఈమె ప్రచారం చేసుకుని ఉంటే కచ్చితంగా మరిన్ని సినిమాల్లో ఆఫర్లు వచ్చి ఉండేవి అనేది కొందరి అభిప్రాయం. మరి ఇప్పటికి అయినా ఈ అమ్మడికి ఇండస్ట్రీలో ఆఫర్లు వస్తాయా అనేది చూడాలి.