ఎన్టీఆర్ ప్రశాంత్ నీల్ మూవీ… ఆ హీరోయిన్ కన్ఫర్మ్

యంగ్ టైగర్ ఎన్టీఆర్ హీరోగా ప్రశాంత్ నీల్ దర్శకత్వంలో మూవీ తెరకెక్కనున్న సంగతి తెలిసిందే. వచ్చే ఏడాది ఈ మూవీ రెగ్యులర్ షూటింగ్ మొదలవుతుందనే టాక్ వినిపిస్తోంది. ప్రస్తుతం ఈ మూవీ ప్రీప్రొడక్షన్ వర్క్ జరుగుతోంది. ఎన్టీఆర్ హిందీలో ‘వార్ 2’ మూవీ షూటింగ్ లో ఉన్నారు. దీనిని పూర్తి చేసుకొని వచ్చి ప్రశాంత్ నీల్ మూవీ షూటింగ్ స్టార్ట్ చేస్తారని ప్రచారం జరుగుతోంది. మైత్రీ మూవీ మేకర్స్ ఈ చిత్రాన్ని భారీ బడ్జెట్ తో నిర్మించబోతోంది.

భారీ బడ్జెట్ తో పాన్ ఇండియా మూవీగా తెరకెక్కనున్న ఈ సినిమాకి ‘డ్రాగన్’ అనే టైటిల్ ని పరిశీలిస్తున్నట్లు ప్రచారం జరిగింది. అయితే ఇంకా అఫీషియల్ గా ఎలాంటి ప్రకటన రాలేదు. ఇదిలా ఉంటే ఈ సినిమాలో హీరోయిన్ గా రుక్మిణి వసంత్ ని తీసుకుంటున్నారనే టాక్ కూడా గతంలో వినిపించింది. అయితే ఈ విషయాన్ని రుక్మిణి వసంత్ ఖండించింది. ఆ మూవీ టీమ్ నుంచి తనను ఎవరు సంప్రదించలేదని తెలిపింది.

ఒకవేళ ఎన్టీఆర్ గా జోడీగా నటించే అవకాశం వస్తే మాత్రం అస్సలు వదులుకోనని స్పష్టం చేసింది. ప్రశాంత్ నీల్ కథ అందించిన ‘బగీరా’ మూవీలో శ్రీమురళీకి జోడీగా ఆమె నటించింది. ఈ మూవీ ప్రమోషన్స్ సమయంలోనే ప్రశాంత్ నీల్, ఎన్టీఆర్ సినిమా గురించి ఆమె క్లారిటీ ఇచ్చింది. బగీరా మూవీ డిజాస్టర్ కావడంతో రుక్మిణి వసంత్ కి పెద్ద గుర్తింపు రాలేదు. తాజాగా కన్నడంలో శివరాజ్ కుమార్ భారతి రంగల్ సినిమాలో ఆమె కనిపించింది. ఈ మూవీ హిట్ టాక్ తో దూసుకుపోతోంది.

ఇకపోతే రుక్మిణి వసంత్ ని ప్రశాంత్ నీల్ ఎన్టీఆర్ కోసం ఫైనల్ చేశారని ఇప్పుడు మరోసారి టాక్ తెరపైకి వచ్చింది. ఆల్ మోస్ట్ కన్ఫర్మ్ చేశారని అనుకుంటున్నారు. దీనికోసం ఆమె బల్క్ కాల్ షీట్స్ ఇచ్చినట్లు కూడా ప్రచారం జరుగుతోంది. ఎన్టీఆర్ తో సినిమా కంప్లీట్ అయ్యే వరకు వేరే కొత్త ప్రాజెక్ట్స్ కి సైన్ చేయకూడదని మేకర్స్ అగ్రిమెంట్ చేసుకున్నట్లు టాక్ నడుస్తోంది. ప్రస్తుతం కమిట్ అయిన సినిమాలు మాత్రం చేసుకోవడానికి పర్మిషన్ ఇచ్చారంట.

ఎన్టీఆర్, ప్రశాంత్ నీల్ మూవీలో ఆమె పాత్ర నిడివి కూడా చాలా తక్కువగా ఉంటుందని అనుకుంటున్నారు. ‘సలార్’ లో శృతి హాసన్ తరహాలోనే రుక్మిణి పాత్ర కూడా ‘డ్రాగన్’ లో ఉంటుందనే మాట వినిపిస్తోంది. అయితే చిన్న పాత్ర కోసం ఎవరైన ఆమె ఆఫర్స్ ని దూరం చేసేలా అగ్రిమెంట్ చేసుకుంటారా అనే ప్రశ్న ఇప్పుడు సోషల్ మీడియాలో వినిపిస్తోంది. నిజానికి ఎస్టాబ్లిష్ హీరోయిన్స్ కి మేకర్స్ ఎవరు కూడా ఇలాంటి కండిషన్స్ పెట్టరు. మరి రుక్మిణి వసంత్ విషయంలో మైత్రీ వారు పెట్టిన కండిషన్స్ ఎంత వరకు వాస్తవం అనేది తెలియాల్సి ఉంది.