సూపర్ స్టార్‌ మూవీ కథ పుకార్లే పుకార్లు..!

తమిళ్ సూపర్‌ స్టార్‌ విజయ్‌ ప్రస్తుతం వెంకట్‌ ప్రభు దర్శకత్వంలో ఒక సినిమా ను చేస్తున్న విషయం తెల్సిందే. కొత్త సంవత్సరం సందర్భంగా వీరి కాంబో సినిమాకు ది గ్రేటెస్ట్ అఫ్ అల్ టైం (GOAT) అనే టైటిల్‌ ని ఖరారు చేశారు. టైటిల్‌ తో పాటు సినిమా ఫస్ట్‌ లుక్ ను కూడా రివీల్‌ చేయడం జరిగింది.

పోస్టర్ లో విజయ్ ను రెండు భిన్నమైన షేడ్స్ లో చూపించడంతో డబుల్ రోల్ అని ముందే క్లారిటీ ఇచ్చినట్లు అయింది. విజయ్ కి ఈ సినిమా కథ బాగా నచ్చి, దర్శకుడు వెంకట్‌ ప్రభు చెప్పిన వెంటనే చేసేందుకు సిద్ధం అయ్యాడట. అలాంటి ఈ కథ గురించి సోషల్ మీడియాలో పెద్ద ఎత్తున పుకార్లు షికార్లు చేస్తున్నాయి.

GOAT కథ 1971 సంవత్సరంలో కనిపించకుండా పోయిన డిబి కూపర్‌ అనే పైలట్ బయోపిక్ గా కొందరు అభిప్రాయం వ్యక్తం చేస్తున్నారు. ఫస్ట్‌ లుక్ లో ప్యాచాచూట్‌ ను చూపించడం ద్వారా ఈ అనుమానాలు వ్యక్తం అవుతున్నాయి. ఇక మరో పుకారు ప్రకారం నాలుగు ఏళ్ల క్రితం వచ్చిన ఇంగ్లీష్ మూవీ జెమినీ మ్యాన్‌ కాన్సెప్ట్‌ ను తీసుకుని సినిమా గా రూపొందించారనే వార్తలు వస్తున్నాయి.

మొత్తానికి ఒక్క పోస్టర్ తో కథ విషయంలో రకరకాలుగా పుకార్లు షికార్లు చేస్తున్నాయి. చిత్ర యూనిట్‌ సభ్యులు కథ గురించి వస్తున్న వార్తలు నిజం కాదని అంటున్నారు. అయితే సినిమా విడుదల అయ్యే వరకు కథ విషయంలో క్లారిటీ రావాల్సి ఉంది.

వెంకట్ ప్రభు గత చిత్రం కస్టడీ నిరాశ పరిచింది. అయినా కూడా విజయ్ తో చేస్తున్న కారణంగా ఈ సినిమా పై అంచనాలు భారీగా ఉన్నాయి. మరి అంచనాలకు తగ్గట్లుగా ఈ సినిమా ఉంటుందా అనేది దీపావళికి ఈ సినిమా వస్తే క్లారిటీ రానుంది