వైశాలి 'శబ్దం'.. ఆది పినిశెట్టి స్టన్నింగ్ లుక్

కోలీవుడ్ డైరెక్టర్ అరివళగన్, టాలెంటెడ్ హీరో ఆది పినిశెట్టి కాంబినేషన్ లో తెరకెక్కిన వైశాలి మూవీ అప్పట్లో సూపర్ సక్సెస్ అందుకున్న విషయం తెలిసిందే. తమిళంలో ఈరం పేరుతో 2009లో విడుదలైన ఈ సినిమా బాక్సాఫీస్ వద్ద సూపర్ హిట్ టాక్ సంపాదించుకుంది. తెలుగు ప్రేక్షకులను కూడా ఎంతగానో ఆకట్టుకుంది. ఈ మూవీలో మ్యూజిక్ డైరెక్టర్ తమన్ కంపోజ్ చేసిన పాటలు అప్పట్లో ఆడియెన్స్ ను విపరీతంగా ఆకట్టుకున్నాయి. ఈ సినిమాతోనే తమన్ మంచి గుర్తింపు సంపాదించుకున్నారు.

అయితే మళ్లీ 14 ఏళ్ల తర్వాత.. ఈ సూపర్ ట్రియోలో శబ్ధంగా మరో సినిమా రాబోతుంది. హార్రర్ బ్యాక్‌డ్రాప్‌లో వ‌స్తున్న ఈ సినిమా ప్ర‌స్తుతం షూటింగ్ శ‌ర‌వేగంగా జ‌రుపుకుంటోంది. ఈ క్ర‌మంలోనే మూవీ నుండి చిత్ర‌ యూనిట్ సాలిడ్ అప్‌డేట్ ఇచ్చింది. ఆది పినిశెట్టి ఫస్ట్ లుక్ ను రిలీజ్ చేసింది. దీంతో సినిమాపై భారీ అంచనాలు పెరిగాయి. పోస్టర్ చాలా ఇంట్రెస్టింగ్ గా ఉందని నెటిజన్లు చెబుతున్నారు.

మ‌రోవైపు ఈ సినిమాలో సీనియ‌ర్ న‌టి లైలా ఓ కీల‌క పాత్ర‌లో న‌టిస్తున్నారు. కొన్నేళ్ల క్రితం తెలుగు, తమిళ భాషల్లో హీరోయిన్‌గా నటించి ఆ తర్వాత పెళ్లి చేసుకుని సినిమాలకు దూరంగా ఉంటున్న వచ్చిన‌ లైలా.. చాలా గ్యాప్‌ తర్వాత ఇటీవల కార్తీ హీరోగా నటించిన సర్దార్‌ మూవీలో ముఖ్యపాత్రలో మెరిశారు. ఇప్పుడు వైశాలి కాంబోలో వ‌స్తున్న ఈ చిత్రంలో ఓ కీలక పాత్ర పోషించనున్నారు.

ఇటీవలే ఈ సినిమాలోని లైలాను పోస్టర్ రిలీజ్ చేశారు మేకర్స్. శబ్దం సినిమాలో ఆమె పాత్ర అందరిని సర్ప్రైజ్ చేస్తుందని తెలిపారు. భవిష్యత్తులో ఆమె వరుస ఆఫర్స తో బిజీగా కానుందని చెప్పారు. 7G ఫిలిమ్స్, ఆల్ఫా ఫ్రేమ్స్ సంయుక్తంగా నిర్మిస్తున్న ఈ సినిమా తమిళ, తెలుగు భాషల్లో ఒకేసారి విడుదల కానుంది. 2024లో ఈ సినిమాను ప్రేక్షకుల ముందుకు తీసుకొచ్చేందుకు మేకర్స్ సన్నాహాలు చేస్తున్నారు. ఆది పినిశెట్టి సరసన లక్ష్మీ మీనన్ హీరోయిన్ గా నటిస్తున్నారు.