సాయి పల్లవి ఫస్ట్‌ టైమ్‌ హిందీలోనూ..!

లేడీ పవర్‌ స్టార్‌ అంటూ అభిమానులు పిలుచుకునే సాయి పల్లవి రేర్‌గా సినిమాలు చేస్తోంది. ఈ మధ్య కాలంలో సాయి పల్లవి నుంచి వచ్చిన సినిమాలు చాలా తక్కువగా ఉన్నాయి. అందుకే ఆమె నుంచి రాబోతున్న తమిళ సినిమా అరవన్‌ పైనా తెలుగు ప్రేక్షకుల్లో ఆసక్తి, అంచనాలు భారీగా ఉన్నాయి. శివ కార్తికేయన్ హీరోగా నటించిన ఆ సినిమాలో సాయి పల్లవి హీరోయిన్‌గా నటించింది. మేజర్‌ ముకుంద్‌ వరదరాజన్‌ జీవిత కథ ఆధారంగా రూపొందిన అమరన్‌ సినిమాను పాన్ ఇండియా రేంజ్‌లో భారీ ఎత్తున విడుదల చేస్తున్నారు. ముఖ్యంగా ఒక డైరెక్ట్‌ హిందీ సినిమా మాదిరిగా నార్త్‌లో ఈ సినిమాను రూపొందిస్తున్నారు.

పాన్ ఇండియా ప్రేక్షకులను ఆకట్టుకునే విధంగా, మనసుకు హత్తుకునే ఎమోషనల్‌ సీన్స్‌తో పాటు, వార్‌ సన్నివేశాలను ఈ సినిమాలో చూపించబోతున్నారు. ఇలాంటి సినిమాలకు హిందీలో మంచి మార్కెట్‌ ఉంటుంది. అందుకే హిందీలో ఈ సినిమాను భారీ ఎత్తున విడుదల చేయాలనే ఉద్దేశ్యంతో మేకర్స్ ఉన్నారు. రేపు ప్రేక్షకుల ముందుకు రాబోతున్న ఈ సినిమా కోసం సాయి పల్లవి సొంత డబ్బింగ్ చెప్పిందట. సాధారణంగా సౌత్‌లోని అన్ని భాషల్లోనూ సాయి పల్లవి సొంత డబ్బింగ్‌ చెబుతుందని అందరికీ తెలుసు. అయితే ఈ సినిమా కోసం ఆమె హిందీలోనూ డబ్బింగ్‌ చెప్పి సాహసం చేసిందట.

తాజాగా ఒక మీడియా సమావేశంలో సాయి పల్లవి మాట్లాడుతూ.. హిందీ వర్షన్ కు తన డబ్బింగ్‌ అవసరం అని భావించాను. నేను నటించిన పాత్రకు నేనే డబ్బింగ్‌ చెప్తే అన్ని విధాలుగా బాగుంటుందని అనుకున్నాను. ముఖ్యంగా ఎమోషనల్‌ సన్నివేశాల్లో మరొకరు డబ్బింగ్‌ చెప్పడం వల్ల ఫీల్‌ పోతుందేమో అనే ఉద్దేశ్యంతో నిర్మాత, దర్శకుడితో మాట్లాడి నేను స్వయంగా డబ్బింగ్‌ చెప్పాను. హిందీ ప్రేక్షకులు తప్పకుండా ఈ సినిమాను ఆధరిస్తారని, మంచి విజయాన్ని సొంతం చేసుకుంటుందనే నమ్మకంను సాయి పల్లవి వ్యక్తం చేసింది.

ప్రస్తుతం సాయి పల్లవి తెలుగు లో నాగ చైతన్యకు జోడీగా చందు మొండేటి దర్శకత్వంలో తండేల్‌ సినిమాను చేస్తున్న విషయం తెల్సిందే. ఈ సినిమాలో సాయి పల్లవి ఎప్పటిలాగే చాలా నేచురల్‌ లుక్‌లో కనిపించబోతుంది. ఆమెకు సంబంధించిన లుక్ లీక్‌ అయినప్పటి నుంచి తండేల్‌ సినిమాపై అంచనాలు భారీగా పెరిగాయి. అంచనాలకు ఏమాత్రం తగ్గకుండా ఈ సినిమా ఉంటుందని అంటున్నారు. సంక్రాంతికి సినిమా విడుదల చేయాలని దర్శకుడు చందు మొండేటి ఆసక్తిగా ఉన్నాడట. కానీ పెద్ద సినిమాలు ఉన్న కారణంగా సంక్రాంతి తర్వాత వచ్చే అవకాశాలు ఎక్కువగా ఉన్నాయని వార్తలు వస్తున్నాయి. మొత్తానికి సాయి పల్లవి చాలా రోజుల తర్వాత తెలుగు ప్రేక్షకుల ముందుకు రాబోతున్న నేపథ్యంలో అమరన్‌ సినిమాతో పాటు తండేల్‌ పై అంచనాలు భారీగా ఉన్నాయి.