సాయి పల్లవిని ఏడిపించిన డైరెక్టర్..?

సౌత్ స్టార్ హీరోయిన్స్ లో ఒకరైన సాయి పల్లవి తన ప్రతి సినిమా నుంచి ప్రత్యేకమైన ఇమేజ్ తెచ్చుకుంది. ఆమె ఒక సినిమా పిక్ చేసుకుంది అంటే ఆ సినిమా సంథింగ్ స్పెషల్ అన్న క్రేజ్ తెచ్చుకుంటాయి. ఈమధ్యనే శివ కార్తికేయన్ తో అమరన్ సినిమాతో మరో సక్సెస్ తన ఖాతాలో వేసుకుంది సాయి పల్లవి. తనకు ఇచ్చిన ఎలాంటి పాత్రకైనా పూర్తి స్థాయిలో న్యాయం చేస్తుంది అమ్మడు. అందుకే ఆమె మిగతా హీరోయిన్స్ కన్నా సంథింగ్ స్పెషల్ అని ఆమె ఫ్యాన్స్ భావిస్తారు.

ఐతే అమరన్ ప్రమోషన్స్ లో సాయి పల్లవి తన గత చిత్రాల గురించి కూడా మాట్లాడారు. అందులో ముఖ్యంగా శ్యామ్ సింగ రాయ్ సినిమాకు తాను పడిన కష్టాన్ని చెప్పుకొచ్చారు. న్యాచురల్ స్టార్ నాని హీరోగా రాహుల్ సంకృత్యన్ డైరెక్షన్ లో తెరకెక్కిన శ్యామ్ సింగ రాయ్ సినిమా సూపర్ హిట్ అయ్యింది. ఆ సినిమాలో సాయి పల్లవి నటన డాన్స్ అన్ని ప్రాజెక్ట్ కు హెల్ప్ అయ్యాయి. ఐతే సాయి పల్లవి శ్యాం సింగ రాయ్ షూటింగ్ లో ఏడ్చేసిందట.

సీనిమాకు ఎక్కువ శాతం నైట్ షూట్స్ జరిగేవట. ఒక షెడ్యూల్ మొత్తం నైట్ షూట్ నిర్వహించారట డైరెక్టర్ రాహుల్. ఐతే తనకు అసలు మార్నింగ్ నిద్రపోయే అలవాటు లేకపోవడం వల్ల నైట్ షూట్ చేస్తూ తెల్లార్లు మెలకువతోనే ఉండేదట. మరోపక్క తాను కమిటైన వేరే సినిమాల వల్ల డే టైం కూడా షూటింగ్ చేయాల్సి వచ్చిందట. ఆ టైం లో ఒక నైట్ షూట్ లో తన సోదరి రాగా ఆమె దగ్గర తాను షూటింగ్ చేయలేకపోతున్నా అని ఏడ్చేసిందట సాయి పల్లవి.

అక్క ఏడవడం చూసిన సాయి పల్లవి చెల్లి డైరెక్టర్ నిర్మాత దగ్గరకు వెళ్లి తనకు ఒకటి రెండు రోజులు టైం ఇవ్వమని అడిగిందట. ఆ నిర్మాత ఒకటి రెండు రోజులు ఏంటి ఒక 10 రోజుల తర్వాతే తనకు అంతా బాగున్నప్పుడే షూటింగ్ పెట్టుకుందాం అన్నారట. అలా శ్యామ్ సింగ రాయ్ కోసం తాను పడిన కష్టాన్ని చెప్పుకొచ్చారు సాయి పల్లవి. ఐతే ఆ సినిమాకు ఆమె పెట్టిన ఎఫర్ట్ అంతా స్క్రీన్ మీద కనిపించింది.

నాని కెరీర్ లోనే కాదు సాయి పల్లవి కెరీర్ లో కూడా ఆ సినిమా ఒక ప్రత్యేక స్థానం సంపాదించుకుంది. కలకత్తా బ్యాక్ డ్రాప్ తో తెరకెక్కిన శ్యామ్ సింగ రాయ్ సినిమా 2021 లో రిలీజై సూపర్ హిట్ అందుకుంది.